مقارنة رينو لوجان ضد بروتون ساجا الجديدة

[flashfox]

انا برجح اللوجان وانا سوقت الاتنين والاتنين زي بعض في كل حاجة في ماعادا التسارع اللوجان جمعت اسرع بس بفرق بسيط انا سقت الاتنين مانيوال كل اللي يحكم ان اللوجان اوسع في الشنطة و الصالون -الاستهلاك مقترب جدا
-اللوجان اعلي وبتاخد مطبات مستريح مع الحمل الساجا مع الحمل مش اوي حكت في المطب
ومش هتكلم عن قطع الغيار

[بدر بسيونى]

والله ياجماعة اللى عاوز عربية اسرة ومالوش فى الجرى ويلزمه عربية واسعة ومريحة يبقى اللوجان واللى عاوز موتور جامد وجرى انا رائ مافيش افضل من الساجا

[ahmed-alaa]

المشاركة الأصلية كتبت بواسطة بدر بسيونى والله ياجماعة اللى عاوز عربية اسرة ومالوش فى الجرى ويلزمه عربية واسعة ومريحة يبقى اللوجان واللى عاوز موتور جامد وجرى انا رائ مافيش افضل من الساجا

كلام زي الفل يا استاذ بدر

[خالداعزالناس]

حاسس ان الساجا احسن
يكفى ان شكل السياره حديث لكن اللوجان تحس انها قديمه
والمحرك اقوى فى الساجا 94 حصان بالرغم من ان السياره 1300
لكن اللوجان المحرك 90 حصان والسياره 1600

[dr_eslam_66]

المشاركة الأصلية كتبت بواسطة AboNoRa اسمحلى يا دكتور الساجا عن تجربة عزمها مش ضعيف وسحبها ممتاز وفى التست درايف جربنا الاوتوماتيك منها وكان ممتاز برضو ثانياً مين قال ان كون موتور اللوجان 1600 ميزة !!!؟ وايه الميزة تحديداً اذا كان بيطلع قوة اقل من المحركات المماثلة ليه وبيتسهلك زيهم وبيتاخد عليه ضرائب زيهم ؟؟ ثالثاً مين قال ان اللوجان اوروبى اللوجان زى ما حضرتك ذكرت عربية اقتصادية جداً وصنعت للاسواق الشرقية وبتتجمع فى نفس البلدان رابعاَ اذا كان الاوتوماتيك على 1300 مشكوك فى امرة يبقى اكيد حضرتك مجربتش عربيات 1300 قبل كده ومشوفتش عربيات 1300 و 1100 كمان اوتوماتيك وادائها معقول جداً ومع التكييف كمان

بصراحة من ناحية إني ماجربتش 1300 أو 1100 أوتوماتك فعلا أنا معاك.
بالنسبة لكون العربية متجمعة في المغرب فاأصل العلامة التجارية أوروبي وتصميم أو العربية بالصورة الأولى لها في السوق المصرية كانت رومانية.
ثانيا بكون المحرك 1600 دا يديله ميزة السير لمسافات وقطع رحلات أكبر من الموتور 1300 بصرف النظر عن العزم أو القوة.
الفرق مابين الماتورين في العزم لا يتعدى ال 10 أحصنة لصالح ماتور الساجا ياعني ماتور الساجا أعلى في الكفاأة والتطور من اللوجان وماحدش أنكر دا بس ماتنساش إني الماتور لما تبقى كفاأته أعلى (حاصل قسمة الداخل على الخارج مضروب في 100) ياعني أنا أولردي وصلته للحافة في الإستخدام ياعني أنا مديله بنزيين نضيف قوي وزيت كمان نضيف قوي وبعاملة زي مابيقولوا بالشوكة والسكينة. في حين انا مش محتاج كل الحساسية دي في المعاملة علشان أصلا لمت القوة والسرعة قليل لا بتاع سحب ولا جري ولا غيره.
كل الي جرب العربيتين والبروشور بتاعهم بيقول إني تسارع اللوجان أحسن من الساجا بفرق بسيط.
مش هتكلم على الوكيل ولا على العفشة وخلي كلامنا بس محصور في الموتور.
أرجوا ألا أكون قد أطلت عليكم يارجالة.ptmnlo123per122