مشكلتى وانا بسوق وتقريبا ملهاش حل :(

[yasser .mk]

وعليكم السلام
بصى يا ستى أولاً أنا مش عارف إزاى طولك 171 والعربية بلعاكى مع إنك مش قصيرة ما شاء الله
حركى الكرسى لقدام وإرفعى المسند شوية ومش لازم تشوفى الكبوت يعنى خلى تركيزك فى الطريق مش فى العربية يعنى إعتبرى نفسك ماشية على رجليكى وخلى عندك ثقة فى نفسك هتلاقى نفسك بريمو وبتدخلى شوارع ضيقة جداً وفيها عربيات على الصفين بكل سهولة وأهم حاجة فى الشوارع الضيقة هى السرعة البطيئة .. ربنا يحميكى من شر الطريق ويحمى العربية من العين .

[eng/walaaeldeen]

السلام عليكم
كل العربيات الجديده (تقريبا) ما حدش بيشوف الكبوت وهو سايق وفي بعض العربيات ما بتشوفش نهاية الرفارف الخلفيه كمان ومع التعود الواحد بيسوق وهو مغمض عينه كمان
ان شاء الله تتعودي على ابعاد العربيه ولا تحتاجي ان تري الكبوت
والله المستعان

[m_elmasoudy]

معظم صانعي ومصممي السيارات من بعد سنة 2000 وهما إتجهوا لعدم رؤية كبوت السيارة من الداخل وده تجنباً لحدوث إرتباك لقائد السيارة .. مع الوقت هتتعود على أبعاد العربية .. حاول تقيس وتقدر بنظرك طول الكبوت وبعده عن آخر نقطة ممكن تشوفها ( وهى الزجاج الأمامي) ودايما قيس المسافة وقدرها حسب مسافة طول كبوت عربيتك ... والممارسة فعلا زى ما معظم السادة الأعضاء ما قالوا... وبالتوفيق ..

[TheEmmH]

شكرا يا جماعة
على النصايح
وبالنسبة لصور العربية فى اه ناس كتير واخداها !! وانا معرفش كده الحل يكون ايه بس اهو بلغت الموقع اياه ده وهما فعلاً طلعوا كويسين ومسحوا الموضوع وخلاص .. لسه بقى مش عارفة العمل يكون ايه كويس انى مسحت النمر بقى على كده
وشكرا

[aldesha989]

امال لو بتسوقى عربيه اعلى من كده هتعملى ايه :D

العربيات العاليه ممكن ما تشوفيش اى حاجه حتى لو الكبوت طويل

انا سوقت الكيا السبورتاج وصدقينى لما كنت قاعد كنت صاحب العربيه كنت حاسس انها كبيره اوى ولما سوقتها حسيت انها صغيره اوى

كله بالتعود والممارسه وانك ما تشغليش دماغك بحاجه زى دى وفى نفس الوقت ما تجازفيش لو قلقانه يعنى مثلآ تقولى اطلع من عربيه واقفه قدامى وانتى مش واخده بالك فى مساحه كافيه ولا لا بلاش مجازفه فى الوقت ده لحد ما تحفظى الابعاد وممكن تشبى شويه لما تكون حاجه ضرورى ركانه بين عربيتين مثلآ وعايزه تطلعى ممكن تشبى لفوق لحد ما تشوفى الكبوت اخره فين وتبتدى تروحى عليه وتجيبى ورا وقدام بأامان