احذر إنك تسيب العربية عند الميكانيكى

[damdam41]

مظبوط طبعا و مهما كان الميكانيكى ثقة بس هناك احتمال انه او اى حد من الورشة عنده يقضى مشوار بالعربية او وهو شغال فيه يبوظ اى حاجة و يكتم عليها عشان محدش يعرف و حاجات كتييير على هذا الشكل ( بس برده فى بعض الاوقات بيبقى لازم العربية تفضل عند الميكانيكى عشان بيبقى فاكك حاجات كتير و مش هاينفع يقعد يربط و يفك بكرة الصبح تانى فالاحسن تتفق معاه من الاول تجيله اول ما يفتح و يخلصلك كل حاجة فى نفس اليوم و تون جايبله كل قطع الغيار اللى محتاجها - بس ده كله لوالموضوع كبير لكن الغالب فى اى مشكله انها بتتعمل فى نفس اليوم)

[مهند سالم]

في مشكلة ثانية كبيرة غير إنه ياخد حاجة أو يمشي بالعربية.
إنك لما بتقف على إيده وهو شغال بيهتم وبيعمل لك كل حاجة إنت عايزها، وبعدين إنت كمان بتتعلم وتعرف عربيتك مع الوقت، وبالتالي ما حدش يقدر ينصب عليك، أما لو سبتها ورجعتله، هتلاقيه يا إما ما اشتغلش فيها أصلا وفضل عليك حد تاني جه واستعجله، يا إما كروتها وما عملش كل حاجة إنت كنت عايزها، يا إما طلب منك مبلغ كبير عشان أصله عمل وعمل وعمل، وطبعا إنت ما كنتش معاه فمش عارف هو صادق ولا لأ. فلازم تكون دائما على إيد الصنايعي في كل حاجة مش بس في العربيات. وشكرا للتذكرة

[acounter01]

طبعا حسبنا الله ونعم الوكيل في كل الصنايعية
ربنا لا يكسبهم ولا يربحهم

[Limoway]

المشاركة الأصلية كتبت بواسطة acounter01 طبعا حسبنا الله ونعم الوكيل في كل الصنايعية ربنا لا يكسبهم ولا يربحهم

مش كل الصنايعية وحشين

ومن الظلم والخطأ الدعاء علي أشخاص لم تتعامل إلا مع أقل من 1% منهم.

[damdam41]

بالطبع مش كلهم وحشين
لكن
معظمهم للاسف كده
ماهو لما يبقى خمسة من ستة انت تعاملت معاهم يبقوا وحشين يبقى اكيد النسبة و التناسب بتنطبق على باقى المليون التانيين