اسئله المبتدئين ..عفوا ممنوع الفتى :)))

[3bd0]

المشاركة الأصلية كتبت بواسطة hyundai2005 طبعا الكلام ده مش صحيح بنسبه 100 % في بنات بتسوق احسن من اجدع راجل انا كنت مع واحد صاحبي مره فالقاهره وكانت معانا عربيته وكان اول واحد يستلم نيو سيراتو فالجمهوريه كلها وكان في بنوته راكبه بيجو 406 نمرها 8 محافظه المنيا لونها كحلي الكلام ده من 3 سنين او سنتين ونص والله البنوته مسحت بكرامه السيراتو الارض بس لو كنت انا سايق كنت واريتها بس ايه معلمه غرز ايه وشد ايه تقولش شوماخريه صغيره .

المشاركة الأصلية كتبت بواسطة poussi فيه بنات والله بتسوق حلو جداا ومرجعه الكرسى لورا وبايد واحده زيي كده هو الكرسى بيبقى طالع لقدام علشان احنا قصيرين شويه ونعرف نطول الدواسات انا مره كنت مسافره وكان فيه عربيه فيرنا جايه طايره من ورايا وشغاله غرز فى ثانيه لقيتها جمبى وطلعت اللى سايقاها بنت وشويه غرزتين كمان واختفت عن الانظار يعنى زى ما فيه ولاد متمكنه اوى فى السواقه فيه بنات كمان بتسوق حلو جدا وتحكمها فى العربيه عالى مش هنكر ان كلنا بنكون خايفين فى اول الموضوع ومتوترين اوى بس مره فى مره الموضوع بيهدى بنبقى تمااااااااام

أكيد طبعا مش كل الناس زي بعض
بس انا لسة مصمم ان الأغلبية زي مانا قلت كده

[3bd0]

المشاركة الأصلية كتبت بواسطة hyundai2005 الاشارات دي روح العربيه ايديها اللي بتشاور بيها لغه حوراها مع العربيات الاخري ماتقدريش تحرميها منها يعني عمرك ما تقدري تمشي وتغرزي بالعربيه دون استخدام الاشارات يمين شمال والاحصلت كارثه لاقدر الله فلازم في حاله نقلتك من حاره لحاره علي الطريق فلابد من استخدام الاشارات وكذالك عند الانعطافات ودي طبعا مش كل الاشارات في اشارات المحترفين وحقولك بعض منها : 1- لو ماشي علي طريق رايح جاي وعربيه جايه في وشك بترعشلك نور جامد يبقي معناها وسع من الطريق لن اتنحي عن موقفي لو حتي حلبس فيك . 2- لو ماشي عالسريع وليقت مره واحده كل العربيات بترعش نور عالي تعرف ان في لجنه عالطريق 3- لو ماشي علي الطريق السريع ولا قيت حد شغل الانتظار يبقي في مشكله علي الطريق وهدي السرعه حالا 4- لو واحد ماشي علي السريع وبعدين شغل اشاره يمين واشاره شمال وواحده انتظار علي التوالي يبقي بيحييك او عايز يشد قصادك 5-لابد من متابعه انوار الفرامل في العربيات اللي ماشيه امامك خصوصا ليلا . دي شويه معلومات علي ما قوسم ويارب اكون افادتكم

تسلم يا باشا على المعلومات

أنا مش متفق معاك في موضوع الغرز بالاشارة ده
الناس بقت نفسيتها وحشة أوي، ولو عرفتهم انتا ناوي تعمل ايه بيقعدو يزنقو عشان يغلسو عليك
بس طبعا في السواقة العادية الإشارات لا غنى عنها

من 2 إلى 5:
فكرتني والله بأيام الصيف الجميلة والسفر والتنطيط من بلد لبلد
في مرة كنت راجع من اسكندرية بالليل، بعربية يارس جديدة نوفي
ماسك الشمال وطاير، أرعش للناس من بعيد بالراحة وكل ما اقرب ازود سرعة الرعش لغاية ما يبقى نور العربية ولا ال vibration بتاع التلفون، اكتشفت ان الناس بتستجيب للحركة حلو أوي

[fire storm]

لا يا فندم ممكن تنقلى من الرابع للتانى من غير ماتعدى على التالت بس تكون سرعه العربيه ماشيه مع سرعه الغيار التانى

[lol64]

حلوه يااحمد لغه الاشارات دى بس انا بيتهيالى لما اللى انت ماشى وراه بيديك اشاره يمين وبعدين شمال ورا بعض معناها انه عايزيك توطى النور العالى اللى فى قفاه
حصلت معايا كتير قوى على طرق السفر ليلا او جوه القاهره
ملحوظه اخوك من اشد الناس عشقا للسفر ليلا

[lol64]

المشاركة الأصلية كتبت بواسطة 3bd0 في حل سهل جدا انا بعملو وشغال زي الفل، بشد بالعربية وادي غرز كل اللي في العربية بيتشاهد ويقعد كده مرعوووب من غير ولا كلمة لو ده مبينفعش، وانتا نازل من البيت خلي في ودنك سماعات، وكل ما حد يتكلم اعمل نفسك مش سامع

انا بقى لما باعمل كده مش بتتشاهد لا دى بتفضل تصوتلى عشان اهدى شويه وباضطر اتنيل اهدى عشان اخلص من الصوت والرعب