اسئله المبتدئين ..عفوا ممنوع الفتى :)))

[_amr.mostafa_]

المشاركة الأصلية كتبت بواسطة CARDIO مفيش زعل طالما بترد حنستحملك P:

لازم نستحمله نعمل ايه اخويا الكبير ..

ومش راضي يدفع 20 جنيه

[powerofdream]

هو وانا راجع ورا مش بدوس بنزين خالص ولا دا في العربيات الحديثة بس , اصل انا مش ركبت قديم الا مرة ولما ركبتها حسيت بفرق كبير عن اللي كنت بسوقها من حيث طبعا الراحة في السواقة

[hyundai2005]

المشاركة الأصلية كتبت بواسطة hyundai2005 طبعا الكلام ده مش صحيح بنسبه 100 % في بنات بتسوق احسن من اجدع راجل انا كنت مع واحد صاحبي مره فالقاهره وكانت معانا عربيته وكان اول واحد يستلم نيو سيراتو فالجمهوريه كلها وكان في بنوته راكبه بيجو 406 نمرها 8 محافظه المنيا لونها كحلي الكلام ده من 3 سنين او سنتين ونص والله البنوته مسحت بكرامه السيراتو الارض بس لو كنت انا سايق كنت واريتها بس ايه معلمه غرز ايه وشد ايه تقولش شوماخريه صغيره .

ايه ياجماعه الكلام مش حلو

[hyundai2005]

المشاركة الأصلية كتبت بواسطة hyundai2005 الاشارات دي روح العربيه ايديها اللي بتشاور بيها لغه حوراها مع العربيات الاخري ماتقدريش تحرميها منها يعني عمرك ما تقدري تمشي وتغرزي بالعربيه دون استخدام الاشارات يمين شمال والاحصلت كارثه لاقدر الله فلازم في حاله نقلتك من حاره لحاره علي الطريق فلابد من استخدام الاشارات وكذالك عند الانعطافات ودي طبعا مش كل الاشارات في اشارات المحترفين وحقولك بعض منها : 1- لو ماشي علي طريق رايح جاي وعربيه جايه في وشك بترعشلك نور جامد يبقي معناها وسع من الطريق لن اتنحي عن موقفي لو حتي حلبس فيك . 2- لو ماشي عالسريع وليقت مره واحده كل العربيات بترعش نور عالي تعرف ان في لجنه عالطريق 3- لو ماشي علي الطريق السريع ولا قيت حد شغل الانتظار يبقي في مشكله علي الطريق وهدي السرعه حالا 4- لو واحد ماشي علي السريع وبعدين شغل اشاره يمين واشاره شمال وواحده انتظار علي التوالي يبقي بيحييك او عايز يشد قصادك 5-لابد من متابعه انوار الفرامل في العربيات اللي ماشيه امامك خصوصا ليلا . دي شويه معلومات علي ما قوسم ويارب اكون افادتكم

ايه يا ناس مافيش تعليق خاااااااااااالص ولا sad bird مسيطر لوحده عالجو

[3bd0]

المشاركة الأصلية كتبت بواسطة sad-bird انك يكون معاك واحدة في العربية مراتك اختك بنتك هتلاقيها شغاله رغي رغي رغي رغي لمااااااااا حاجة من الاثنين يا اما تخلي العربية صاروخ علشان تلحق توصل قبل مرارتك ما تتفقع يا اما تقولها اتفضلي انتي يلا سوقي شوية واهو تتعلميلك حبه على الطريق وتناملك خمس دقايق قبل ما تلاقي نفسك صاحي مفزوع على كلاكسات واحد الهانم زنقت عليه او كانت هتلبس في السور وسواق نقل ادالها سرينه يفوقها طبعا انت هتقوم فايق وتلعن اليوم اللي جبت فيه عربية وهتقولها انزلي انا هكمل وهتفضل فاااااااااااااااااايق طول الطريق بعد كده

في حل سهل جدا انا بعملو وشغال زي الفل،
بشد بالعربية وادي غرز
كل اللي في العربية بيتشاهد ويقعد كده مرعوووب من غير ولا كلمة

لو ده مبينفعش، وانتا نازل من البيت خلي في ودنك سماعات، وكل ما حد يتكلم اعمل نفسك مش سامع