محتار جدا و محتاج النصيحة من الخبراء

[Marlborooo]

يا يحي الشكل الجديد من السيراتو هينزل كمان سنة بالكتير

والكيا اشكالها الجديدة بتحرق الشكل القديم

بص علي السيراتو ال2006 وبص علي الشكل اللي بعدها

تحس ان الشكل القديم من العصر الحجري من التسعينات

[YahiaAshraf]

المشاركة الأصلية كتبت بواسطة ابو الشوق كاديلك يا يحي الشكل الجديد من السيراتو هينزل كمان سنة بالكتير والكيا اشكالها الجديدة بتحرق الشكل القديم بص علي السيراتو ال2006 وبص علي الشكل اللي بعدها تحس ان الشكل القديم من العصر الحجري من التسعينات

ايوه يا باشا انا عارف

بس هو بيتكلم انه عاوز يشترى دلوقتى

و هو محدد موديلات معنيه
و احنا نقول ايه احسن حاجه فيهم

فانا قولتله احسن حاجه فيهم من وجهة نظرى

على فكره انا كونت منزل صور للسيراتو الجديده فى المنتدى

تحياتى

[sherifabden]

المشاركة الأصلية كتبت بواسطة Ahmed Mowafy يا ريت تعليقك يا 3bdo على السيراتو علشان احسم قراري بعد يا sherifabden لو هجيب سيراتو اجيب انهي فئة علشان ابعد عن الجنط الـ 17 و البصمة دون فقد اي كماليات اخرى زي ايرباج و ebs و فتحة السقف ....الخ

عىل فكرة السيراتو التوكيل هاي لاين بطلت تنزل بالبصمة والجنط 17 بقت تنزل دلوقتي بالجنط 16 ومن غير بصمة انما البصمة والجنط 17 بقت تنزل في الخليجي بس والكلام دا في موديل 2012 يعني هات الهاي لاين وانتا مطمن

[sherifabden]

المشاركة الأصلية كتبت بواسطة ابو الشوق كاديلك صباح الفل يا جدعان بص يا سيدي السيراتوا عيوبها عفشة ناشفة بتعوم علي 140 ، سحبها رخخخخخخخخخم والشكل الجديد بتاعها هينزل 2013 واحلي من الشكل القديم 1000 مرة الانسر البومة عربية حلوة ومفهاش اي مشاكل بس خسارة تتشري زيرو عربية نزلة من 2004 يعني هتركبها زيك زي اللي شاريها من من8 سنين مللللللل وبتعوم برده علي السرعة العالية نيجي للانترا والفلوانس الانترا افضل في الوسع والشكل الداخلي ومريييييحة في سواقتها وسحبها ممتاز جدا وفيه ميزة كمان قطع غيارها رخيصة وكمان موجود ليها قطع غيار خارج التوكيل استيراد وجديد وسعر اعادة البيع حلو عيبها ارتفعها قليل وجسمها طويل فبتحك شوية وبرده الثبات مش ممتاز بس افضل من السيراتوا طبعا الفلونس عربية الامان بتاعها ممممممممتاز جدااااا بس البيبان بتاعتها الصاج طبقتين يعني لو اتخبط عشان يتسمكر لازم تقطع الصاج التاني اللي داخل الباب ثباتها حلو ، سحبها مش حلو وبالذات في الاول قطع غيارها غالية وفي التوكيل فقط لاغير سعر اعادة البيع مش حلو من الاخر خليك في الالنترا او الفلونس بس لو بتفكر في الفلونس اسأل في التوكيل علي اسعار قطع الغيار وشوف مناسبة ليك ولا لا وطبعا اوعيييييييي تشتري فلونس خليجي عشان الماتور والفتيس مختلفين ومش هتلاقيلها قطع غيار وتصليحها مشكلة

اولا السيراتو عفشتها ناشفة مع الجنط 17 بس انما باقي الجنوط زي الفل وعلى فكرة السيراتو التوكيل بطلت تنزل بالجنط 17 وثانيا مين قال انها بتعوم بعد 140 ؟؟ ياراجل حرام عليك . شكلك مش عارف ان باور السيراتو بيفصل بعد 120 وبيتقل في نفس الوقت وعلى فكرة انا جبت بيها 180 وكانت زي الفل (طبعا مع الغرز والملفات) وبخصوص السحب انا اتنفق معاك ان سحبها زفت بس لو العربية على وضع D انما لو حليتها على وضع المانيوال سحبها بيبقا جباااااااااااار جدا وبخصوص حكاية الشكل الجديد فهوا هيبقا اغلى بكتير من الشكل الحالي ......................... ....... بخصوص البومة انا انا اتفق معاك في كل كلمة قلتها ........... بخصوص الالنترا كل الميزات اللي قلتها عن الالنترا موجودة في السيراتو . الانترا واسعة السيراتو برضه واسعة جدا (مع مراعاة ان حجم السيراتو اصغر من حجم الالنترا) وبرضه السيراتو قطع غيارها متوفرة ورخيصة وفي منها كل الانواع ودا بسبب انتشارها وثانيا انا بصراحة مش مقتنع بالالنترا الجديدة بسبب حجمها الكبييير وانها واطية جدا بدرجة مبالغ فيها ..... الفلوانس عربية ممتازة ولا يعيبها غير قطع الغيار الغالية واعادة البيع ........ وياريت يا استاذ تبقا تجرب العربية اللي بتتكلم عليها كويس علشان متقولش حاجة غلط .

[sherifabden]

الكيا سيراتو التوكيل بطلت تنزل بالبصمة والجنط 17 بس نزلوها بالجنط 16 ومن غير بصمة وثباتها ممتاز وقطع غيارها متوفرة ورخيصة واعادة بيعها ممتازة وشكلها حلو وواسعة جدا من ورا وصاجها افضل من الالنترا مليون مرة ....... الهيونداي النترا وقطع غيارها متوفرة ورخيصة واعادة بيعها ممتازة وشكلها حلو وواسعة جدا من ورا وسحبها ممتاز لكن صاجها زبالة وواطية جدا دا غير ان حجمها كبيير جدا وفي كلام كتير على ثباتها .......... البومة اقولها وسع للكبار ياعم الحج ...... الفلوانس ممتازة وحلوة لكن قطع غيارها غالية جدا جوه التوكيل واعادة بيعها مش حلوة ....... وياريت اللي بيقول ان العربية ثباتها ممتاز او سئ انه يكون جرب العربية بنفسه