تعالوا ياللى عاوزين تشتروا نيسان الجديدة - خلاص إتأكدت إن فيها مشكلة

[AbOnOrA]

المشاركة الأصلية كتبت بواسطة myson medo شكرا لرد حضرتك وعلى فكرة موضوع العوامة ده كان كلام المعرض الاولانى وموضوع المساعدين كان كلام المعرض التانى ( فمتقلش كلامى غير دقيق ) انا مش بألف قصة انا بنقل اللى حصل معايا بالضبط علشان افيد واستفيد واعتقد ان اى معرض بيبقى عاوز يبيع لكن طالما خايفين قوى كده على سمعتهم يبقى اكيد فى مشكلة وعلى فكرة انا سألت واحد تالت على العربية وقالى هجبهالك والعربية زى الفل ومفيهاش اى مشكلة - قلتله تمام بكام وامتى - قالى هرد عليك اخر النهار واتصل بيا وقالى ( بصى انا ملقتش العربية عندى ) قال يعنى هو مش عارف من الاول هى عنده ولا لا - المهم قالى انا هبعتك لواحد فى القاهرة هتروحى تلاقى عنده عربيات بالهبل واقفة كل الالوان لانه بيطلع فى اليوم اعداد مهولة ( عديت الكلام بمزاجى ) المهم قلتله طيب متجبها انت منه وانا هخدها منك ماهو كله بحسابه ( قالى لا اصل المشكلة انه مش بيبيع لتجار هو بيبيع لاشخاص فقط وبسعر مش هتلاقيه بره ) قلتله لا اسفة انت تجبها وانا اخدها منك علشان لو حصل حاجة اقدر اجيلك انت لكن هو مش هعرف اروحله - على العموما فهمت انه اتهرب بشكل رياضى وفهمت اكتر ان فعلا فيه حاجة والله اعلم وعموما انا اتمنى اصحى الصبح الاقى العربية مفيهاش اى مشكلة علشان اجبها لانى بحب نيسان ونيسان صدمتنى وشكرا ليك وياريت لو عندك جديد تفيدنا

كل اللى اقدر اقولهك ان المعارض مش مصدر معلومات دقيقه طبعاً وانا شخصياً ياما سمعت من معارض فتاوى اسطورية خزعبليه متطلعش من حد فاهم عربيات خالص اصلاً ومن شركات كبيرة على فكرة

عارف كان يبقى اصدق لو سمعته من مهندس فى توكيل ولا مركز خدمة متخصص
لكن بتوع المبيعات صدقنى اغلبهم تقنياً ضعفا جداً اللهم الا موظفين المبيعات فى التوكيلات لانهم بيبقو دارسين معلومات فنية من ضمن تدريبهم غير باقى الشركات بتجيب اى حد حافظ اسماء وموديلات العربيات وطبعاً اسعارها

اما موضوع عايز يبيع فده برضو مش شرط ممكن عايز يبيع عربيه تانية علشان بياخد عليها اوفر اكتر والعربيات ديه مفيهاش مكسب كفايه بالنسباله

والله اعلم اولاً واخيراً انا مش بشكك فيك انت او المعرض ليكو منى كل احترام بس فيه فرق لما يبقى الكلام دقيق ومبرر ومنطقى وبين مجرد كلام من موظفين معارض وفيه مبالغات واضحة وغير منطقية زى ان 4 مساعدين يبوظو مرة واحدة من مطب ده كده محصلتش حتى العربيات الصينى

[M.Sami el adham]

هممكن حضرتك تجيبى سيراتو خليجى ب 101000 جم و اكثر من رائعة بالتوفيق ان شاء الله

[خالداعزالناس]

نيسان صنى اتوماتيك الشكل القديم بفرامل ABS
افضل

بس موجوده كموديل 2013 ...........

اللى يعرف انها موجوده .......... ياريت يعرفنا

[myson medo]

المشاركة الأصلية كتبت بواسطة ابو دهب هممكن حضرتك تجيبى سيراتو خليجى ب 101000 جم و اكثر من رائعة بالتوفيق ان شاء الله

شكرا لحضرتك قوى

المشاركة الأصلية كتبت بواسطة خالداعزالناس نيسان صنى اتوماتيك الشكل القديم بفرامل ABS افضل بس موجوده كموديل 2013 ........... اللى يعرف انها موجوده .......... ياريت يعرفنا

انا قلت زيك برده وبالفعل سألت فى التوكيل وقالولى مفيش غير نيسان الشكل القديم اى اكس بدون اى بى اس وكمان احجز واستلم بعد شهر لأن العدد محدود - ففهمت انه عدد وهيخلصوه بس ومش هنتجوه تانى وطبعا زعلت ( الفرع اللى سالت فيه كان اللى فى الداون تاون اليكس ) وطبعا محجزتش وبدور دلوقتى على حاجة مستعملة تكون 2012 او حتى 2011 المهم يكون فيها اى بى اس

[sehsss]

ملخص اللي حضرتك شرحته ده جملتين (مشكلة فردية) أو (فتي معارض) لأن العربية مع ناس كتير وما فيهاش مشكلة في العوامة نهائي، أمال تقول إيه على عوامة الصني القديمة وقراياتها الغريبة (يبقى المؤشر على النص وتلاقي العربية فيها 32 لتر)