تعالوا ياللى عاوزين تشتروا نيسان الجديدة - خلاص إتأكدت إن فيها مشكلة

[myson medo]

المشاركة الأصلية كتبت بواسطة sheekoo يا استاذ هى اية المشكلة الاول

المشاركة الأصلية كتبت بواسطة sheekoo ياريت حد يقولنا سعرها كام

المشاركة الأصلية كتبت بواسطة hossamdoaaaa حالات فرديه لااكثر وكل العربيات ممكن يحصل فيها كده ... هما عملو الضمان ليه كل ملاك العربيه محدش اشتكى منها خالص

المشاركة الأصلية كتبت بواسطة mazen mazen طب ايه هى المشكله

المشاركة الأصلية كتبت بواسطة waelfarid وعندك كمان واحد ايه هي المشكلة ياريت وصفها؟؟؟؟؟؟؟؟؟؟؟

بصوا يا جماعة أولا بشكركم على الرد - بالنسبة للمشكلة اللى ظهرت فى المعرض اللى كنت هجيب منه كانت ( عوامة البنزين ) وبالنسبة للمشكلة اللى كانت فى المعرض التانى كانت ان المساعدين اتكسروا ( على فكرة انا مش عارفة المساعدين ) المهم صاحب المعرض قال ان التوكيل كان رافض يغيرهم وقعدوا يقولوا لصاحبها انت كلت مطب جامد وده ذنبك ( بس اعتقد يعنى يبقى كده العربية مش متينة زى القديمة خالص لو الموضوع كده ) انا كان معايا القديمة مكنتش بخبط بيها صحيح بس مرة ركبت مع واحد قريبى عنده نفس العربية وكان بيطير العربية من على المطبات وكانت ولا الهوى ما شاء الله

ومن اللى قريته هنا عن متانة الصاج برده انها اقل من القديمة - بصراحة كده يبقى القديمة احسن وخصوصا ان الجديدة كده تبقى اغلى لانها ب100 الف ومحدش بيبعها كده بيبعوها 102 ألف

وانا كده ولا طايلة القديمة ولا مقتنعة بالجديدة وخفت منها جدا

على فكرة نسيت أذكر فى أول الموضوع انى كنت فى وقت قررت اجيب رينو سكالا ولما نويت سالت قالولى معدتش هتنزل لان شركة نيسان اختلفت مع شركة رينو فوقفوا العربية
وإوعى حد يقول عليا بركة ( دى صدف )

[myson medo]

: fun_broken:

[AbOnOrA]

مع كامل احترامى لحضرتك بس الكلام كله مش دقيق خالص

اولاً مشكلة عوامة البنزين او المساعدين ديه قطع موجودة فى العربيات المانيوال او الاتوماتيك فلو صحيح هتبقى المشكلة فى العربيتين مش فى الاتوماتيك بس او المانيوال بس

ثانياً مفيش مطب فى الدنيا ممكن يكسر مساعدين عربيه (الاتنين) اللهم الا اذا كان بينط بيها من فوق الكوبرى مش مجرد مطب

وعموماً لو حضرتك جبتيلنا بينات العربيات ديه ممكن اعرف من التوكيل ايه المشاكل الى كانت فيهم بالظبط

بس غالب الظن ان مفيش حاجة اصلاً وكلها مشاكل فرديه عادية بتحصل فى المرسيدس والبى ام قبل اى عربيات تانية

[myson medo]

المشاركة الأصلية كتبت بواسطة AbOnOrA مع كامل احترامى لحضرتك بس الكلام كله مش دقيق خالص اولاً مشكلة عوامة البنزين او المساعدين ديه قطع موجودة فى العربيات المانيوال او الاتوماتيك فلو صحيح هتبقى المشكلة فى العربيتين مش فى الاتوماتيك بس او المانيوال بس ثانياً مفيش مطب فى الدنيا ممكن يكسر مساعدين عربيه (الاتنين) اللهم الا اذا كان بينط بيها من فوق الكوبرى مش مجرد مطب وعموماً لو حضرتك جبتيلنا بينات العربيات ديه ممكن اعرف من التوكيل ايه المشاكل الى كانت فيهم بالظبط بس غالب الظن ان مفيش حاجة اصلاً وكلها مشاكل فرديه عادية بتحصل فى المرسيدس والبى ام قبل اى عربيات تانية

شكرا لرد حضرتك
وعلى فكرة موضوع العوامة ده كان كلام المعرض الاولانى وموضوع المساعدين كان كلام المعرض التانى ( فمتقلش كلامى غير دقيق ) انا مش بألف قصة انا بنقل اللى حصل معايا بالضبط علشان افيد واستفيد
واعتقد ان اى معرض بيبقى عاوز يبيع لكن طالما خايفين قوى كده على سمعتهم يبقى اكيد فى مشكلة

وعلى فكرة انا سألت واحد تالت على العربية وقالى هجبهالك والعربية زى الفل ومفيهاش اى مشكلة - قلتله تمام بكام وامتى - قالى هرد عليك اخر النهار
واتصل بيا وقالى ( بصى انا ملقتش العربية عندى ) قال يعنى هو مش عارف من الاول هى عنده ولا لا - المهم قالى انا هبعتك لواحد فى القاهرة هتروحى تلاقى عنده عربيات بالهبل واقفة كل الالوان لانه بيطلع فى اليوم اعداد مهولة ( عديت الكلام بمزاجى ) المهم قلتله طيب متجبها انت منه وانا هخدها منك ماهو كله بحسابه ( قالى لا اصل المشكلة انه مش بيبيع لتجار هو بيبيع لاشخاص فقط وبسعر مش هتلاقيه بره ) قلتله لا اسفة انت تجبها وانا اخدها منك علشان لو حصل حاجة اقدر اجيلك انت لكن هو مش هعرف اروحله - على العموما فهمت انه اتهرب بشكل رياضى وفهمت اكتر ان فعلا فيه حاجة والله اعلم

وعموما انا اتمنى اصحى الصبح الاقى العربية مفيهاش اى مشكلة علشان اجبها لانى بحب نيسان ونيسان صدمتنى

وشكرا ليك وياريت لو عندك جديد تفيدنا

[jojojojojo]

طبعا حضرتك ليك جزيل الشكر انك بتنقل التجربه بس عشان نقول في عيب في العربيه ومشكله لازم يكون العيب ده شائع ومنتشر ف كل فئه العربيه ويكون عيب واحد زي مثلا العيب اللي كان في التيوتا كرولا 2010 كان في فئه معينه في العربيه وفي كل العربيات هذه الفئه اما بخصوص كسر المساعدين او عوامه البنزين انا شايفها انها ممكن تكون عيوب في بعض المكونات واكيد مش هتكرر تاني ان شاء الله واكيد مراكز خدمه نيسان هيغيروا تلك القطع عشان مراكز الخدمه لنيسان معروفه انها من افضل المراكز ف مصر فاكيد هيعملوا الازم ومينفعش نعمم التجربه ع العربيه وخصوصا ان ف ناس شريها وبتشكر فيها كتير مع طبعا شكر للزميل اللي عرض مشكلته بغرض استفاده وتحذير الاعضاء وياريت فعلا لو ف حد شاري العربيه ووجد تلك المشاكل ان يبلغنا بها