رابطة مالكي الكيا سيفيا فيد واستفد ( صداقة - نقل خبرات )

[somaa259]

السلام عليكم انا م/محمد لسه شارى سيفيا 99 أتوماتيك من أسبوع ودى أول عربية اركبها السيارة بحالة جيدة بس حصلتلى بعض المشاكل قلت أفضفض معاكو فيها مشيت بالعربية مشوار و بعديها سمعت صوت عند تحريك الدريكسيون رحت للميكانيكى قاللى زيت البور ناقص و اشريت زيت و زودته بعد كدة اكتشف ان خرطوم البور ضرب فكناه ورحت جبت واحد جديد كبسته فى كرداسة "أنا من الهرم" ركبته ومشيت من عند الميكانيكى باركن تحت البيت لقيت العربية لا بتجيب قدام ولا ورا رغم أنها دايرة جريت على الميكانيكى جه بس و قاللى الكوبلن اتكسر قلت اذاى المفروض انها مغيره كوبلن قبل ما اشتريها خدنا العربية على الورشة زق وفك العجلة و الكوبلن لقا الأكس كان ملحوم واتكسر رحت اجيب اكس جديد من بتاع الكبالن قاللى ده كان ملحوم جزء من اكس سبيكترا مع سيفيا و انا مش فاهم حاجة كلمت الميكانيكى قالى مفيش حاجة اسمها كده و كلم هو بتاع الكبالن وفهم منه و فى الأخر اشتريت داخلى كوبلن بالأكس ودى كانت بدايتى مع السفيا و ربنا يستر.

[حسام البورسعيدى]

المشاركة الأصلية كتبت بواسطة mohammed salaheldeen انا معايا سيفيا 99 اوتوماتيك وكان بيظهر لمبة على التابلوه o/d off وبعد الاستفسار من اعضاء المنتدى عرفت انها خاصة بالفتيس وان به مشكلة وكان ذلك بسبب رداءه الزيت فلما قمت بتغيير الزيت اتحلت المشكلة......ولكن نصيحة مني لكل من يمتلك فتيس اوتوماتيك ان يتأكد من جودة الزيت اللي سوف يضعه في العربية ويتأكد تماما انه خاص للفتيس الاوتوماتيك

لالالالالالالالالا مين قال كده بس ..

اللمبه دى عباره عن تنبيه بان الغيار الرابع فى الفتيس مقفول .. والوظيفة دى ليها زرار بيفتحها ويقفلها فى عصاية الفتيس .. دايما حاول تخليه مفتوح (يعنى اللمبه تكون مطفيه) واستخدمه على الطريق لو عاوز تسحب جامد علشان تعدى من عربية او اى ظرف مشابه (تسقيط غيار يعنى) ...

[حسام البورسعيدى]

المشاركة الأصلية كتبت بواسطة somaa259 السلام عليكم انا م/محمد لسه شارى سيفيا 99 أتوماتيك من أسبوع ودى أول عربية اركبها السيارة بحالة جيدة بس حصلتلى بعض المشاكل قلت أفضفض معاكو فيها مشيت بالعربية مشوار و بعديها سمعت صوت عند تحريك الدريكسيون رحت للميكانيكى قاللى زيت البور ناقص و اشريت زيت و زودته بعد كدة اكتشف ان خرطوم البور ضرب فكناه ورحت جبت واحد جديد كبسته فى كرداسة "أنا من الهرم" ركبته ومشيت من عند الميكانيكى باركن تحت البيت لقيت العربية لا بتجيب قدام ولا ورا رغم أنها دايرة جريت على الميكانيكى جه بس و قاللى الكوبلن اتكسر قلت اذاى المفروض انها مغيره كوبلن قبل ما اشتريها خدنا العربية على الورشة زق وفك العجلة و الكوبلن لقا الأكس كان ملحوم واتكسر رحت اجيب اكس جديد من بتاع الكبالن قاللى ده كان ملحوم جزء من اكس سبيكترا مع سيفيا و انا مش فاهم حاجة كلمت الميكانيكى قالى مفيش حاجة اسمها كده و كلم هو بتاع الكبالن وفهم منه و فى الأخر اشتريت داخلى كوبلن بالأكس ودى كانت بدايتى مع السفيا و ربنا يستر.

خير .. خير يا باشا ..

الحمد لله ان المشكلة اتحلت .. ربنا يباركلك فى عربيتك ويكفيك شر الطريق ...

[كيا سيفيا]

الاخ الفاضل حسام
تحيه طيبه...
من الواضح من ردك على بعض الاصدقاء انك فاهم كويس فى الميكانيكا ودى ميزة جميله فى حضرتك. علشان كده عندى سؤال :
من كام يوم غسلت السيفيا معشوقتى فى محظة البنزين والعربيه خرجت زى الفل بدون اى مشاكل وبعد يومين بدأت لمبة الفرامل تنور بعض الشىء لمدة صغيرة دقائق بسيطه يعنى او اقل ثم تنطفىء لوحدها وبدون اى مشاكل فى العربيه او الفرامل وممكن يوم كامل لا تنور . فياترى ممكن يكون ايه ؟
وتقبل تحياتى

[black_louts2006]

انت عارف ردك ده جالي متأخر جدا ً علشان لنا بجد دفعت دم قلبي ومش عارف ايه السبب
بس ياريت تقولي شكل سوسستت التيل دي شكلها ازاي