عندي الدركسيون تقيل اوووووي مش عارف ايه الحل لادا 2107

[Mohamedmajed]

السلام عليكم ورحمة الله وبركاتة
اولا: انا عندي الدركسيون تقيل جدا رحت عند عفشجي مع العلم غيرت بيض وجلب وجبت مناول دركسيون على بلي مش على جلب وفكيت علبة الدركسيون وجبت واحد تانية استيراد ب 250 جنية المهم اشتغل العفشجي وخلص شغل المهم الموضوع دا كلفني حوالي700 جنيه وبعد كدا الدركسيون مكملش الاسبوع ورجع تقل تانى مع العلم انى عملت الموضوع دا مرتين كل مرة عند واحد تانى بصراحة الموضوع دا مخليني قرفان اوي المشكلة ان العربية قبل كدا كان الدركسيون خفيف جدا وبلف العربية بأيد واحدة والايد التانية ركنها على الشباك عمري مستخدمتها دلوقتي بأديا الاتنين وصحبكم تعبان اوي المهم ناس تقولي قطمة الدركسيون غيرها وجيب علبة دركسيون خمسة بلي هيبقا معاك الدركسيون ميه وياريت اعرف سعر علبة الدركسيون خمسة بلي وقطمة الدركسيون جداد بكام عشان انا حرمت اجيب استعمال استيراد ارجو الافادة من اهل الخبرة وشكرا.

[mr_astra]

والله حضرتك عملت كل حاجة مطلوبة منك بس لية الدركسيون بقى تقيل تانى
هو حضرتك جبت البيض روسي ابو مشاحم وشحمتة كويس قبل التركيب ولا لاتركى اللى من غير مشاحم؟؟؟
والمناول اللى على بلى هل مليتة شحم قبل التركيب
وكمان علبة الدركسيون الاستيراد عارف لو بايظة هاتبوش انما مش هاتتقل الا لو الزيت فضى منها ودى انا شاكك فيها اوى اما انك ما حطتش زيت فيها او انها مع الشغل سربت زيتها نتيجة اويل سيل ضارب وبقترح عليك انك تملاها شحم بيترومين الخفيف جدا او ممكن نص زيت فالفولين ونص شحم بيترومين
كمان عاوزين نشك على ضبط الزوايا وضغط الاطارات
متابع مع حضرتك بامر الله

[essamenen]

شوف البطاحات الداخليه الى ترتكز عليها اليايات الاماميه

[mr_astra]

المشاركة الأصلية كتبت بواسطة essamenen شوف البطاحات الداخليه الى ترتكز عليها اليايات الاماميه

للاسف ملهاش بطاحات اصلا

[ahmed_gamal777]

المشاركة الأصلية كتبت بواسطة mr_astra والله حضرتك عملت كل حاجة مطلوبة منك بس لية الدركسيون بقى تقيل تانى هو حضرتك جبت البيض روسي ابو مشاحم وشحمتة كويس قبل التركيب ولا لاتركى اللى من غير مشاحم؟؟؟ والمناول اللى على بلى هل مليتة شحم قبل التركيب وكمان علبة الدركسيون الاستيراد عارف لو بايظة هاتبوش انما مش هاتتقل الا لو الزيت فضى منها ودى انا شاكك فيها اوى اما انك ما حطتش زيت فيها او انها مع الشغل سربت زيتها نتيجة اويل سيل ضارب وبقترح عليك انك تملاها شحم بيترومين الخفيف جدا او ممكن نص زيت فالفولين ونص شحم بيترومين كمان عاوزين نشك على ضبط الزوايا وضغط الاطارات متابع مع حضرتك بامر الله

ياريت تراجع كلام استاذن الفاضلmr_astra بالكامل