|
#6
05-12-2009, 10:42 PM
|
|||
|
|||
رد: تويوتا.. الأكثر احتفاظا بقيمتها
هو السؤال اللي محيرني
اشمعنى تويوتا ؟؟ هل الانتشار وحجم المبيعات هو سبب ارتفاع قيمه اعاده البيع ؟؟ ام الاعتماديه هي سبب الانتشار اولا و بالتالي ارتفاع قيمه اعاده البيع ثانيا ؟؟ الحاجه التانيه .. ودي زي ما قال الاستاذ صقر و الاستاذ حازم
اغلب الطرازات احتفاظا بالقيمه كانت المانيه ( اودي - بي ام - حتى ميني لتابعه لبي ام ) وبالرغم من كده برضو حصدت تويوتا الجائزه (يظهر بسبب كتره موديلاتها بالقائمه ) !! ده غير ان اودي و بي ام من اكتر العربيات في مصراللي بتنزل جامد جدا في اعاده بيعها !! والاغرب اختفاء مرسيدس تماما من القائمه ... برغم انها منافس رئيسي لبي ام و اودي وبغض النظر عن كونها افضل عربيه في مصر من حيث قيمه اعاده البيع
لكن برضو ارجع لنفس السؤال ؟؟ اشمعنى تويوتا ؟؟ 
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#7
06-12-2009, 04:11 AM
|
||||
|
||||
|
رد: تويوتا.. الأكثر احتفاظا بقيمتها
هيا عندي تفسير متواضع لحكايه تويوتا فعلا
تويوتا بتعمل عربيات مريحه جدا و بعدين بيهتموا بالتقفيل بطريقه واضحه حتي لو كانت المكونات اي كلام يعني ما تجيبش عربيه تلاقي الكليبسات بتقع من فرش الابواب او فيه باب مش مضبوط كل العربيات تقفيلها مستواه كويس جدا . نيجي للنقطه التانيه و هيا متعه الركوب بصراحه انا لحد انهارده ما ركبتش في الفئات الصغيره (طبقا للتصنيف الاوربي تعتبر الكورولا و الياريس من الفئات الصغيره بما يعادل ال128 و ال131 مثلا) ماركبتش عربيه مريحه زي التويوتا ابدا تركب العربيه تلاقي نفسك عاوز تاخد اي مطب قدامك بسرعتك النقطه التالته و دي الاهم بتعتمد علي تكنولوجيا بسيطه و من غير كلاكيع و لا عقد و دا اللي بينجح اي عربيه ياباني فعلا و خصوصا تويوتا تلاقي العربيه صاجها ضعيف بس الشاسيه متين و كويس و بالتالي العربيه مش بتتبهدل بسرعه لان الشاسيه بيحميها من الانهيار عربيه بتتباع كتير بناء علي راحه ركوبها تحديدا(و دا اللي بيخلي ناس كتير تشتريها) و خضوضا انها مشهوره في مجال التاكسي كثير نظرا لدرجه حرارتها المنخفضه و قوه التكييف و دا بيخلي قطع غيارها تزيد جدا و يبقي فيه منها اوريجنال و ياباني و تيواني و صيني كمان فبتلاقي انك لو معاك ملاليم بتصلحها و بالتالي بتحافظ علي سعر اعاده البيع لما كنا في الامارات كان الياباني في اعاده البيع و المحافظه علي السعر كان بالترتيب كالآتي تويوتا .نيسان .هوندا و دا علشان قطع غيار تويوتا ارخص من نيسان ارخص من الهوندا و دا اللي بيخليها مطلوبه انا من تجربتي لعربيات ياباني و كانت اول علاقتي معاها سنه 2005 في الامارات مع تويوتا اكو و نيسان صاني و بعدين هنا في مصر سوزوكي سويفت و ياريس و كورولا 2007 و لانسر 98 اقدر اقول ان تويوتا بتمتاز فقط براحه الركوب مش اكتر من كده علاوه علي الاعتماديه و الدقه في تصميم المكونات الهامه و هو دا سر سويبس في نظري قصدي سر تويوتا 
__________________
حـازم خـضـر
|
|
#8
06-12-2009, 04:48 AM
|
||||
|
||||
|
رد: تويوتا.. الأكثر احتفاظا بقيمتها
هو فادي فيـــــــــــــــــــــــ ــــــــن!!!!
__________________
حـازم خـضـر
|
|
#9
06-12-2009, 08:39 AM
|
||||
|
||||
رد: تويوتا.. الأكثر احتفاظا بقيمتها
انا شايف التويوتا فيها ميزتين وحيدتين و هما نعومة و هدوء العربيات بتاعتها تانى حاجة التكييف التمام تيجيى بقى تسوق و تجرى و تلعب تلاقيها فى البا باى و من غير راحة ركوب او راحة فى القعدة نفسها و انا برده بتكلم عن العربيات الصغيرة زى الكرولا و الياريس و كمان الكامرى معاهم اما بالنسبة لراحة الركوب دى ممكن تكون موجودة بقى فى البرادو او اللاند كروزر و فيه نقطة انا معاك فيها يا باشا و هى جودة التقفيل فهى تأتى فى تانى مرتبة بعد هوندا فى جودة التقفيل بالنسبة لليابانى اما بالنسبة للكزس فهى نسخة محسنة من تويوتا بالنسبة للأوبشنز و قوة المحركات و معظم اللكزس هنا اللى راكبينها حريم و هما مايفرقش معاهم قوى الاداء و الثبات و الحاجات دى قد ما يفرق الاوبشنز و الدلع يعنى  اركب لكزس is أو es و هات بيهم 130 هتلاقى العربيات بقت كرولا و كامرى تماما (بالنسبة للأداء طبعا) بس يا باشا .... و يبقى السؤال المحير ,, اشمعنى تويوتا ؟؟؟؟ و صباحكم زى الفل جميعا يا مصر موتورز
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#10
06-12-2009, 01:54 PM
|
|||
|
|||
|
رد: تويوتا.. الأكثر احتفاظا بقيمتها
اكيد كثرة المبيعات و توافر قطع الغيار و سهولة الصيانه بيخلى العربيه تحافظ على نفسها و بتخلى الى راكب العربيه مش عايز يغيرها علشان مريحاه و فى ناس كتير عايزه تشترى العربيه مستعمل علشان نفس الأسباب و العمليع عرض و طلب, المعروض مش كتير و المطلوب كتير لازم سعر إعادة البيع يرتفع
و أعتقد ده سر من مجموعة اسرار شويبس
__________________
. (لا تنسى ذكر الله) ((لا تنسونا بالدعاء)) > > إحترس من السرعه . 
|
 |
|
|
