عربيتي اتخربشت في التوكيل

[s0144862631]

امبارح رحت النوكيل (مركز السبع – زهراء المعادي ) علشتان اركب البارك سينسور وعلشان كنت مستعجل سيبت العربية و مشيت و اتفقت ارجع لهم اخر النهار و رجعتفعلا على الساعة 3 لقيت العربية خلصانه و اقفه بره و لقيتهم مركبين عدد 2 سينسور بس وره بدلا من 4 و سئلتهم ليه كده قاللولي ده على طول بيركب كده و بيشتغل 100 100 واول ما شفت ال2 سينسور وراء قلت يمكن يكونو حطو الاثنين الباقي قدام و رحت ادور عليهم في الاكصدام الامامي لقيت الاكصدام متخربش فبلغت المهندس اللي استلم مني العربية و اخذ العربية للورشة ثاني و بصراحه كنت مجهز نفسي لخناقة لو قاللولي انهم مالهمش دعوة بالخربشه دي او اي شئ من التهرب بس بصراحه كسفوني و طلعم يتاسفولي و يبلغوني انهم مسئولين عن اللي حصل للعربية و بيعتذرو و بيقوللولي هات العربية في اي وقت تكون مستغني عنها لمدة يومين و احنا هنفك الاكصدام الامامي بالكامل و هنرشوه من جديد و كمانك تعويض هنعملك الخبطة اللي في الرفرف الامامي من عندنا بدون اي مصاريف fficeffice" />
بس انا عاوز رايكم في حاجتين
1- الخربشة اللي قدام صغيرة ومش باينه قوي فها اخليهم يفكو الاكصدام و يرشوه و يبقى جرء من العربية مرشوش ولا لا ومش مستهله
2- البارك سينسور لازم يكومنو اربعه احسن علشان ده بيدي تغطية اكبر من اي اتجاه في العربية و لا 4 زي 2

[mido_4up]

حاجه تارف حتى التوكيل بيعمل كده ....حسبى الله و نعم الوكيل

معلش يا زعيم ادي اخرة اللي يسيب حاله وماله لناس معندهمش ضمير ونصيحة كدا كدا معروف ان الاكصدام دايما بيترش فروح خليهم يعملوه ويرشو الاكصدام ومش هتفرق في حاجه علي الاقل عربيتك هترجع زي ما كانت وكمان بالمره يعملولك الخبطة اللي في الرفرف


وبالنسبة للبركنج سينسور مش هتفرق بس ما دام انتا اشتريت 4 يبقا ركبهم وخلاص

[s0144862631]

المشاركة الأصلية كتبت بواسطة corsair معلش يا زعيم ادي اخرة اللي يسيب حاله وماله لناس معندهمش ضمير ونصيحة كدا كدا معروف ان الاكصدام دايما بيترش فروح خليهم يعملوه ويرشو الاكصدام ومش هتفرق في حاجه علي الاقل عربيتك هترجع زي ما كانت وكمان بالمره يعملولك الخبطة اللي في الرفرف وبالنسبة للبركنج سينسور مش هتفرق بس ما دام انتا اشتريت 4 يبقا ركبهم وخلاص

شكرا على الرد بس بصراحه هم محترمين انهم اعترفوا بغلطهم ( انظر للنصف المملؤ من الكوب )

[yassermadhy]

انا اشتريت سوبر صالون من اوتو ايجيبت و تم تخييري ما بين بارك سنسور او دواسات، الصراحة اخترت البارك سنسور و تم تركيبه في الاكصدام الخلفي و كان له مكان جاهز في الاكصدام الخلفي عباره عن فتحتين بس و اعتقد انه دة السبب في تركيب اثنين فقط عندك بسبب عدم رغبتهم في عمل فتحات جديدة في الاكصدام، و للأمانة تم وضع الاثنين الباقين في شنطة العربية كاحتياطي