هو ميعاد نزول التيجو 2014 امتي للضرورة

[امير احمد محمود]

الحمد لله اشتريتها ورخصتها النهارده وفي معرض سمير ريان كانوا عاملين ورق المرور بموديل 2014
والحمد لله طلع الموضوع ليه علاقة بان احنا في اخر السنه
والمرور اخد مني في رينج 1500 وشوية صغيرين في مرور العجوزة اللي في جامعة الدول

[cmatcho]

المشاركة الأصلية كتبت بواسطة امير احمد محمود الحمد لله اشتريتها ورخصتها النهارده وفي معرض سمير ريان كانوا عاملين ورق المرور بموديل 2014 والحمد لله طلع الموضوع ليه علاقة بان احنا في اخر السنه والمرور اخد مني في رينج 1500 وشوية صغيرين في مرور العجوزة اللي في جامعة الدول

فعلا يعني اتكتبت الرخصه 2014
طب جميل
كده وفرت سنه زياده من عمر العربيه

[حسن عبد الحليم]

أخي أمير ..

الف مليون مبروك انا كنت متابع موضوعك من فترة .. ولما بدات افكر أغير العربية سجلت مخصوص اباركلك واخد النصيحة منك بعد شرائها ..

انا معايا النترا 2008 وكانت محترمة بس للاسف واطية جدا وانا في فيصل والارض هناك متبهدلة وتعبتنى جدا فقررت لو حغير اجيب حاجة عالية .. (كروس اوفر)


طبعا العالي كله غالي جدا بيبدأ من 190 الف فيما فوق فبعض الاصدقاء اشاروا عليه بالتيجو بس انا مقلق من انها صينى ومن انى احس بفرق كبير بينها وبين الكوري اللى معايا

معلش طولت عليك ..

ربنا يباركلك فيها ويكفيك شرها وماتنساش تعزمنا في العقيقة
ياريت لو عندك نصيحة ماتبخلش عليها بقى

[امير احمد محمود]

المشاركة الأصلية كتبت بواسطة حسن عبد الحليم أخي أمير .. الف مليون مبروك انا كنت متابع موضوعك من فترة .. ولما بدات افكر أغير العربية سجلت مخصوص اباركلك واخد النصيحة منك بعد شرائها .. الله يبارك فيك تحت امرك في اي حاجه انا معايا النترا 2008 وكانت محترمة بس للاسف واطية جدا وانا في فيصل والارض هناك متبهدلة وتعبتنى جدا فقررت لو حغير اجيب حاجة عالية .. (كروس اوفر) الالنترا عربيه محترمه لكن فعلاً واطيه وتحك في اي مطب وخصوصاً لو فيها حد راكب طبعا العالي كله غالي جدا بيبدأ من 190 الف فيما فوق فبعض الاصدقاء اشاروا عليه بالتيجو بس انا مقلق من انها صينى ومن انى احس بفرق كبير بينها وبين الكوري اللى معايا العربيات العالية غاليه جدا طبعا بس بصراحه مقارنه بامكانيات التيجو الشكل الجديد فهي رائعة جداً وعالية عن الارض ومتحسش باي مطب وعربيه من الاخر عايزة واحده قلبه ميت يركبها العربيه عايزة تجري ماشاء الله عزمها حلو قوي صوتها منخفض جدا وسحبها للبنزين حلو ماشاء الله مبتاكلش بنزين زي العربيات اللي تمشي وراها ببنزينة العربيات الصيني طبعا تخوف اي حد لكن اقدر اقولك سبب اختياري التيجو انها انضف نوع صيني نزل في مصر من وجهة نظري حتي عيوب التقفيل بتاعت الكوالين وخامات التابلوه عدلوها في الشكل الجديد ومن الاخر سيبك انت من اللي يقولك الصيني والكوري والياباني والحركات دي انت لو صاين العربيه هتصونك معلش طولت عليك .. ربنا يباركلك فيها ويكفيك شرها وماتنساش تعزمنا في العقيقة ياريت لو عندك نصيحة ماتبخلش عليها بقى

اتوكل علي الله واشتري التيجو ومش هتندم ان شاء الله

صحيح العيب الوحيد اللي لقيته في العربيه وهو حاجه عبيطه بس تغيظ بصراحه
الاريال بتاع الراديو مبيتفكش ومعرض يتكسر بسهولة عشان ممكن متاخدش بالك والباب يتقفل عليه ده العيب التافه الوحيد اللي لفت نظري

[حسن عبد الحليم]

تسلم يا أمير ربنا يكرمك يارب ويباركلك فيها

والله انا تعبت من المقارنات من وقت مافكرت اغير العربية وانا في دوامه

وانا بدور اتكعبلت في البريلينس وبرضه كتير بقول انها انضف الصيينى لانها مع البفارية
فية موديل اسمع v5 بحوالى 145000 وشكلها جامد برضه ودة حيرني جدا
وفيه الرينو ديسلر ب150000 .. بصراحة محترمة وجامدة قوى مشكلتها انها مانويال ومفيش منها اتوماتيك
صحيح هى التيجو اتوماتيك والا لاء ؟

زى مانات شايف المقارنة محصورة الان بين التيجو والبرلينس و الرينو ديسلر
وانا محتااااار جدا
زوجتى وولادى ش عاجبهم طبعا اننا نغير لصينى بعد الكورى وبيقولولى ندخل على حاجة يبانى او اوربي الفرق كبير جدا في السواقة والامان وكله

انا لخمتك معايا انا عارف .. بعتذر

عموما انا بشكر تانى كتير كتير ولو فيه مجال اكلمك او اشوفك يبقى ليا الشرف

انا من فيص وشغلى في التجمع الخامس
رقمى 01221799897

تحياتى وتقديرى