|
#1
30-09-2011, 12:53 AM
|
||||
|
||||
موتور وفتيس وقطع غيار سيارة دايهاتسو شاريد موديل 88 حتى 92
السلام عليكم ورحمة الله وبركاته
عندي سيارة شاريد موديل 88 ( 3 سلندر - 1000 سي سي - أتومامتيك) وعلى فكرة الموديلات من 88 حتى 1992 واحد ماعدا قوة الموتور فالسيارة من موديل 89 أصبحت 1300 سي سي أربعة سلندر المهم انا عاوز أغير الموتور بالفتيس بموتور أربعة سلندر 1300 سي سي مع فتيسه وهل سعرهم في حدود كام؟ وهل أجد قطع غيار لها متوفرة زي الأكصدمات الأمامية والخلفية وأذرع إضاءة التابلوه والإشارات أتمنى من يتفضل بالرد علي إن أمكن وشاكر للجميع تحياتي التعديل الأخير تم بواسطة أبوطارق ; 30-09-2011 الساعة 01:15 AM 
|
|
#2
08-03-2012, 06:54 PM
|
|||
|
|||
رد: موتور وفتيس وقطع غيار سيارة دايهاتسو شاريد موديل 88 حتى 92
بص يا ابو طارق
الشاريد 1000 سي سي غير ال 1300 من حيث قواعد الموتور مبدئيا التعديل ده حيتطلب موتور بفتيس وعفشة امامية وكبالن الصح انك تجيب موتور 1000 سي سي اللي هو موديل 94 انا اشتريت واحد من بورسعيد تحفة كان عامل 2700 بفتيس 5 نقلات اهم حاجه تلاقي موتور نمرة 1
|
|
#3
11-04-2012, 11:25 PM
|
||||
|
||||
|
رد: موتور وفتيس وقطع غيار سيارة دايهاتسو شاريد موديل 88 حتى 92
الاستاذ/ محمد رحيم
أشكرك على الرد على فكرة بخصوص قواعد الموتور واحدة في الاتنين لان اعرف ميكانيكي كان عنده السيارة دي وقالي القواعد واحدة في الاتنين لكن ما علينا من النقطة دي يعني حضرتك انا لوجبت موتور 1000 سي سي موديل 94 يركب على الشاريد ن 88 اللي هي في صورة البروفايل بتاعي ثم انا عندي اتوماتيك الفتيس ثلاث سرعات ثم حضرتك انا هاعرف انه موتور نمرة واحد ازاي طبعا باخد معايا ميكانيكي ولا ايه بالضبط وبخصوص قطع غيارها وكل الشكر لحضرتك
|
|
#4
07-06-2012, 04:27 PM
|
|||
|
|||
|
رد: موتور وفتيس وقطع غيار سيارة دايهاتسو شاريد موديل 88 حتى 92
اسف للتأخير في الرد
الموتور بتشتريه من بورسعيد من مستورد كبير يعني يكون عنده مش اقل من 10 مواتير شاريد انا شخصيا اشتريت من العربي سلام بكل مشتملاتهم يعني فتيس وتكييف وفرن شكمان وخراطيمه كمان بتستنضف واحد وتبص المسامير ولو غير جوانات بيبقي باين قوي وتفتح غطاء الزيت تبص علي الشواكيش حالتها عاملة ايه والخراطيم متبهدله ولا جديدة والموتور كربراتير تفك العمة وتبص علي الكربراتير تدور الموتور وتخلي معاك قطعة قماش كبيرة تسد بيها فرن الشكمان لان الصوت حبيقي مزعج ومش حتعرف تمييز اذا كان الموتور فيه حاجه ولا لاء ودنك مع صوت الموتور يكون تقريبا ملوش صوت وطبعا مفيش ترزيع ولا تخبيط طبعا تكون متأكد ان الموتور فيه زيت علشان ممكن يكون شايلين منه الزيت ولما تزود بنزين ميطلعش بخر من فايز العمة وتاخد الموتور وتاخد الافراج النهائي والفاتورة كله ابيض ماعدا فاتورة صورة ده بياخدوها وانت خارج من الجمرك وصورة الافراج تركب الموتور ولو تمام ترجع بورسعيد تعمل تصدير من المرور مجانا ولا داعي للتعامل مع اي مخلص تاخد رقم صادر والشغل ده انصحك بالمهندس سيد الفراش تركب عنده الموتور زي ما انا عملت وان شاء الله تجيب حاجه حلوه
|
|
#5
10-08-2012, 04:35 AM
|
|||
|
|||
رد: موتور وفتيس وقطع غيار سيارة دايهاتسو شاريد موديل 88 حتى 92
أنا عندي سيارة شاريد 90 واريد لها ماتور وشوية حاجات كده ، هي سعة 1000 سي سي من فضلك فين الاقي الماتور وقطع الغيار في بورسعيد وعند مين وياريت لو تكرمت حضرتك وذكرت لي رقم التليفون اكون شاكر لحضرتك وهل ينفع اركب لها ماتور اتوماتيك كامل بالفيتس علما بأن السيارة مانوال مع تحياتي وكل عام وانتم بخير
|
 |
| أدوات الموضوع | |
|
|
