|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
استهلاك البنزين وكل سنه وانتم طيبين
السلام عليكم ورحمة الله وبركاته
احب اشكركم جدا على المنتدى الغالى دا لأن من اول يوم جبت العربيه وانا بسأل على منتداكم والأخوه الافاضل كانو خير عون ليا المره دى عندى سؤالين اولا انا عربيتى كيا بيكانتو موديل 2009 بتستهلك بنزين 10 لتر لكل 100 كيلو هل دا كويس مع العلم ان مكتوب ان ال 100 كيلو المفروض 5 لتر وانا بمشى فى صلاح سالم من 60 - 80 كيلو فى الساعة السؤال التانى لما بلف اى ملف بالعربيه وسرعتى حتى على 40 كيلو بحس ان العربيه هتتقلب يعنى بتكون علبه المناديل مثلا على جنب على التابلوه تلاقيها اتحدفت مع الملف على الجنب التانى يا ترى برضه دا طبيعى ولا ايه ؟ وكل سنه وانتم طيبين بمناسبة عيد الأضحى |
#2
|
|||
|
|||
رد: استهلاك البنزين وكل سنه وانتم طيبين
و انت طيب يا باشا
موضوع البنزين ده مش طبيعى إلا اذا كنت بتمشى فى حتت زحمه جداً اوقات طويله موضوع علبه المناديل ده عادى, ملوش دعوه بثبات العربيه, دى قوع طارده مركزيه
__________________
. (لا تنسى ذكر الله) ((لا تنسونا بالدعاء)) > > إحترس من السرعه . |
#3
|
||||
|
||||
رد: استهلاك البنزين وكل سنه وانتم طيبين
وعليكم السلام ورحمة الله وبركاتة
بص اولا موضوع استهلاك البنزين ده صعب الحكم عليه بدقة لانى مش عارف حضرتك بتقيس الاستهلاك بانهى طريقة كمان كون العربية مانيوال يختلف عن الاوتوماتيك كمان تحميل العربية او حالتها الفنية او طريقة القيادة او القيادة فى اتجاه الريح او وجود زوائد فى الهيكل زى السبويلر العتب الشناب حتى نوعية الزيت وعمرة فى الموتور ونوعية البنزين كل ديه بتاثر على استهلاك البنزين ومعدلة وده كله مع اضافة الوقت اللى بتسخن فيه العربية والاوقات اللى بتقف فيها فى الاشارت بس عامة حسب كلام حضرتك استهلاك العربية فى الصفيحة (20 لتر) بتعمل 200 كم وده معدل استهلاك كبير على عربية زى البيكانتو خاصة لو كانت مانيوال وطريقة قيادتك مظبوطة والعربية لسه فى حالة الزيرو مع مراعاه ان معدل 5 لتر لكل 100 كم ده معدل مثالى اما المتوسط الطبيعى المفروض يكون بين 6 - 8 لتر فى الطوالى حتى مع تشغيل التكييف فانا انصح حضرتك انك تفول العربية على الاخر ومتكونش الشنطة فيها حاجة يعنى العربية بحمولتها القياسية وتطلع بيها مشوار طوالى 100 او 200 كم على سرعات 80 - 90 - 100 وعلى غيارات بين الرابع والخامس وتروح تفول العربية تانى وتشوف هتاخد بنزين قد ايه المفروض الاستهلاك يكون ما بين 6 - 7 لتر يعنى لو مشيت 200 كم يبقى هتفول 12 او 14 لتر ده على بنزين 92 لو اكتر من كده على الظروف ديه يبقى عندك مشكلة بالنسبة للملفات حضرتك بتاخد الملف على الواسع ولا على الضيق لان لو بتاخد ملف على الضيق او العاصى لازم ده يحصل حتى على اقل سرعة اتمنى اكون افدتك وكل سنة وحضرتك طيب .. عيد سعيد |
#4
|
|||
|
|||
رد: استهلاك البنزين وكل سنه وانتم طيبين
شكرا يا جماعة ربنا يخليكم وكل سنه وانتم طيبين
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طرق حساب استهلاك البنزين | AbOnOrA | منتدى السيارات العام | 12 | 23-01-2015 09:25 AM |