محتار جدااا ومحتاج مساعدة جدا جدا فى ستروين AX

[Mohamed_basha]

السلام عليكم ورحمة الله وبركاته

كل سنة وانتم طيبين

يا جماعة انا واقعة فى حيرة كبيرة جدا اما معروض عليا عربية سترروين ax موديل 95

1100 سى سى و تكييف وحالتها كويسة جدا وفبريكة من جوا رشة من برة نظافة وصحابها مهتم بيها كويس

وعلى قد فلوسى بس الناس بتخوفنى من اعادة البيع و كمان قطع الغير و الميكانيكيا بتاعتها

فهل اجبها واتوكل على الله
ولا استنى شوية وازود فلوسى واخلينى فى حاجة تانية

انا مسوقتش قبل كدا فمعرفش فى العربية من جوا كل اللى يهمنى

التكيف والصالون و الجنوط وازاز الكهرباء ( وده مينفعش وانا بشترى طبعا اهتم بيه اكتر من اللى جوا )

وفيه ناس قالتلى انه عشان 1100 سىى سى فهياثر عليا فى السحب بتاع العربية

اعمل ايه يا ناااس

[mhamdy75]

استنى شوية وزود فلوسك وخليك فى حاجة تانية

[Mohamed_basha]

زى ايه يعنى ؟؟؟ وكمان انا هبقى مجبر انى استنى كتير وكمان انا محتاج عربية بهدلة المواصلات صعبة اوى اوى

هيا فعلن فيها مشاكل فى الصيانة وقطع الغيار غاليه فعلن ؟؟؟
والتكيف مش هيشتغل كويس ؟؟؟

[azkol2005]

السيتروين عربيه محترمه وهايله موتورها قوي وعمر قطع غيارها طويل
الموتور كامل استيراد تمنه 1500 جم
والعفشه كلها تمنها 1000 جم

عمرها طويل
اللي بيشتغل في البيجو شغااااااال فيها
توكل على الله
اسال كويس اعضاء المنتدى عن الصيانه هتلاقي كل ما يمكنك مواجهته عدى علينا بحكم الخبره
انا عربيتي معايا من 6 سنوات ومكمل بيها زي الفل ومش بافكر اغير

[aymangalal]

المشاركة الأصلية كتبت بواسطة azkol2005 السيتروين عربيه محترمه وهايله موتورها قوي وعمر قطع غيارها طويل الموتور كامل استيراد تمنه 1500 جم والعفشه كلها تمنها 1000 جم عمرها طويل اللي بيشتغل في البيجو شغااااااال فيها توكل على الله اسال كويس اعضاء المنتدى عن الصيانه هتلاقي كل ما يمكنك مواجهته عدى علينا بحكم الخبره انا عربيتي معايا من 6 سنوات ومكمل بيها زي الفل ومش بافكر اغير

10/10 كفيت ووفيت