ارشيف الاستراحة 2011

[Komy]

المشاركة الأصلية كتبت بواسطة hyundai2005 تصميم ايه يابو تصميم دي شراكه بين شركه جيلي الصينيه وشركه فولفو واول موديلاتها انجلون وعربتي sc 07ونازل منها اربع موديلات ادخل علي الموقع وشوف يعني انا عربيتي انجليزي تقفيل صيني يا باشا مش كوري

يا حول العالم يا رب.

يعنى كمان مش قادرين على تكاليف تصميم عربية يقوموا يروحوا يعملوها شركة مع ناس تانية.

[MIDO-SPICY]

المشاركة الأصلية كتبت بواسطة BASSEM BESO لقيت نفسى الصبح مهموم وفجأه كترت عليا الهموم فكرت وقولت فنفسى انا ليه بتزيد حيرتى جه فى بالى اكتر من سؤال ولا واحد منهم غاب لحظه عن البال يمكن عشان العربيه وايه يعنى ماهى حادثه عاديه يمكن عشان كان فى شىء فعقلى بس ربنا عالم اللى فقلبى يمكن عشان مزعل منى والدى مع انى بحبه حب ابدى يمكن عشان انا ممكن اكون غشيم بس انا شايف نفسى عمرى ماكنت لئيم يمكن اكون حاسس انى بحلم ولا ده صحيح وانا بتألم يمكن اكون حقيقى غلطان عشان كده انا حاسس انى تعبان و ندمان يمكن اكون ظلمت غيرى بس مش ده ابدا اللى فضميرى يمكن عشان فكرى مشغول وايه يعنى ماهو حالنا علطول يمكن عشان الشخص اللى بيمسح عنيك تلاقيه هو اللى بيبكيك يمكن عشان فى حاجات متتنسيش بس لازم انسى ولازم اعيش يمكن فى كتير حاجات تانيه لكن بعدانى عنها الدنيا حاسس ان الدنيا اسيه عليا بس يمكن تكون لغيرى دى الحنيه كلها اسئله بتدور فعقلى ومش لاقى اجابه ونفسى اعرف اخرج من اى بوابه بوابه الأيمان والحب ولا الجشع و الكدب بوابه الضمير والأمانه ولا الغش والخيانه قالو زمان الصدق بينجى لكن احنا فزمن الصدق بيبكى بيبكى صاحبه لأنه صادق وصدقه خلاه فى عيون الناس كاذب مش عارف احس بأيه واقول مهو ده حالنا كلنا علطول احترت وزادت حيرتى وبجد تعبت يانفسى

لو تسمحلى انى اعقب شويه على كلامك او بمعنى اصح احاسيسك يا باسم ..

اولا : مصارحة وعتاب ولوم النفس هى 70 % من طريق اصلاحها .. لان فيه ناس كتير قوى مش عارفه اصلا ازاى تجد الطريق دا وتحس بيه فعلا

ثانيا : اى انسان فى الدنيا بيمر عليه تجارب وخبرات فى الحياه بتخليه يغير جزء من شخصيته او افكارة او عاداته بحسب ما كان بيشوف تصرفاته الاولى كانت ازاى زى مثلا ما انت اكتشفت انك ممكن تكون غشيم ( سورى انت اللى قلت )
اكيد انت هتبتدى انك تغير دا من اول ما اكتشفت ان فيك العيب دا ولولا احساسك بيه وتالمك منه ماكنتش ابدا هتغيره

ثالثا : عمر الصراحه ماكانت بتبكى صاحبها .. قال رسول الله صلى الله عليه وسلم :" عليكم بالصدق فإنّ الصدق يهدي إلى البر ، وإنّ البر يهدي إلى الجنة"
وان كنا نعانى دلوقتى من كثره الغش والتدليس فتاكد ان ربنا كيد هينصر الحق فى الاخر وربنا هيعينك عليه وكل اللى هيحصلك من ضرر من صدقك دا فانت اللى بايدك تحوله لخير بمجرد الصبر عليه فيتحول صبرك الى حسنات يثيبك الله عليها فى الدنيا والاخره

رابعا : اوعى تسيب الدنيا هى اللى تتحكم فيك وشيل من مخك فكره ان الدنيا قاسية عليه دى خالص
ربنا خلقنا وكرمنا ورفعنا على العالمين وطوع لينا الارض والدنيا لتكون احد عوامل سعادتنا او شقائنا وكل نفس بما كسبت .. خلى بس اى موضوع بالنسبالك هين وارضى بما قسمه لك الله وقل الحمد لله تجد نفسك اسعد الناس

خامسا : انا مش هقولك تدخلف من انه بوابه لانه اكيد بعد كل اللى انت قلته وحاسس بيه دا فانت عارف كويس طريقك وكل اللى اتقال دا ما كان الا فضفضه لفتح صفحه جديده مع نفسك مافيهاش اى مراره

سادسا : قوم دلوقتى صالص ابوك باى طريقه بجد لان رضا الرب من رضا .. ( هما بيقولوا الاب ولكن انا هقولك الاتنين )

بشكرك على مشاعرك الجميله دى .. وبشكرك اكتر انك صارحت نفسك بيها .. واكتر واكتر على انك ماتكسفتش انك تصارح بيها غيرك فعدم خجلك من مصارحة غيرك باخطائك اول طريق الصلاح

ارجوا تقبل كلامى ورغىى دا

[sad-bird]

واضيف على كلامكو
مرة كنت شغال في شركة استيراد وتصدير وكان فيهواحد طالب كونتيرنر ملابس جاهزة ومن ضمنها شرابات رجالى
بعتنا لشركة مواصفات الشراب
وبعتولنا 7 نماذج
النموذج الاول كان واقف الواحد بعد لما يوصل حوالي 75 قرش ، الثاني 125.................. وهكذا لغايه افضل وانضف حاجة كانت في العينات كان الشراب الواحد واقف ب 225 قرش تقريبا
طبعا اللي كان طالب الحاجة طلب من كل نوعية كمية وجاب شوية من انضف حاجة ده علشان الحبايب ( مش علشان ينزلهم السوق)
الشراب ابو 75 قرش بيتباع في السوق ب 2- 2.5 ومنه مع اللي بيلفوا بيهم على القهاوي النضيف شوية ووالنوعية معقولة هيا اللي بتلاقيها في محلات نضيفة ب 10 و 15 جنية لكن انضف حاجة خااااالص مكنش المستورد بينزلهافي السوق ( على حسب علمي) وده لان مكسبها المتوقع كان قليل
والمستورد ماشي بنظريه بيع رخيص تبيع كتير تكسب كتير
فغالبا المستورد بيتسرخص علشان يكسب
اذن العيب مش في الصين العيب في المستورد اللي مش عاوز يحترم المستهلك المصري


نموذج الاستاذ نبيل باع الكاميرا بقى انا شوفته بس في كمبيوتر IBM من حوالي 13 سنة
كان في مركز التدريب على تكنولوجيا المعلومات في الشرقية
وانا باخد دورة هناك عرفت ان الاجهزة اللي في المركز كانت جايه منحة امريكية وكلها اجهزة IBM وبكلم مهندس الصيانة في المركز وكان هو الوحيد اللي كان مع المجموعة الامريكية قالي انا فتحت الاجهزة كلها في الصيانه لقيتها كلها من جوه صيني
لكن طبعا صيني مطابق للمواصفات القياسية الامريكية

aboelesaad, Komy
:1401 09~347:

[_amr.mostafa_]

المشاركة الأصلية كتبت بواسطة sad-bird واضيف على كلامكو مرة كنت شغال في شركة استيراد وتصدير وكان فيهواحد طالب كونتيرنر ملابس جاهزة ومن ضمنها شرابات رجالى بعتنا لشركة مواصفات الشراب وبعتولنا 7 نماذج النموذج الاول كان واقف الواحد بعد لما يوصل حوالي 75 قرش ، الثاني 125.................. وهكذا لغايه افضل وانضف حاجة كانت في العينات كان الشراب الواحد واقف ب 225 قرش تقريبا طبعا اللي كان طالب الحاجة طلب من كل نوعية كمية وجاب شوية من انضف حاجة ده علشان الحبايب ( مش علشان ينزلهم السوق) الشراب ابو 75 قرش بيتباع في السوق ب 2- 2.5 ومنه مع اللي بيلفوا بيهم على القهاوي النضيف شوية ووالنوعية معقولة هيا اللي بتلاقيها في محلات نضيفة ب 10 و 15 جنية لكن انضف حاجة خااااالص مكنش المستورد بينزلهافي السوق ( على حسب علمي) وده لان مكسبها المتوقع كان قليل والمستورد ماشي بنظريه بيع رخيص تبيع كتير تكسب كتير فغالبا المستورد بيتسرخص علشان يكسب اذن العيب مش في الصين العيب في المستورد اللي مش عاوز يحترم المستهلك المصري نموذج الاستاذ نبيل باع الكاميرا بقى انا شوفته بس في كمبيوتر IBM من حوالي 13 سنة كان في مركز التدريب على تكنولوجيا المعلومات في الشرقية وانا باخد دورة هناك عرفت ان الاجهزة اللي في المركز كانت جايه منحة امريكية وكلها اجهزة IBM وبكلم مهندس الصيانة في المركز وكان هو الوحيد اللي كان مع المجموعة الامريكية قالي انا فتحت الاجهزة كلها في الصيانه لقيتها كلها من جوه صيني لكن طبعا صيني مطابق للمواصفات القياسية الامريكية

طب يا ا .محمد ليه ما تقولش انو المستهلك المصري مش محترم السلع الصينية

وبيعتبرها اسوء سلع وحتى وان كانت ممتازه لان سعرها اعلا