اسعار قطع غيار فورد اسكورت خدعوك فقالوا الاسكورت قطع غيارها غالية

[vet mohamed]

المشاركة الأصلية كتبت بواسطة sayed2077 فعلا مفيش حد بيقول على حاجته وحشه لو واحد راكب لانوس هيقولك عربيه اوبشن وتكيف وباور وقطع غيارها رخيصه لو واحد راكب مرسيدس هيقولك عربيه فخيمه لو واحد راكب فيات 128 هيقولك ديه انا بجيب حاجتها من البقال لو واحد راكب بولونيز او 124 او 125 او 131 او 132 او شاهين او ما يشبههم هيقولك عربيه من حديد ميهمنيش من حاجه لو حد راكب امريكانى اللى بيبقى 5000 سى سى او جيب او كده هيقولك انا راكب وحش مش عربيه ففعلا صدق اللى قالى محدش بيقول على حاجته وحشه وعلى فكره انا لا اقصد تريقه نهائيا والله ولكن اول ما قريت الموضوع وشوفت اسعار قطع غيارها قعدت اضحك فعلا على فكره قطع غيارها مبالغ فيها بالنسبه لحجمها وامكانيتها وغير كده حضرتك بتقول دى فورد بس فيه فرق دايما بين فورد الامريكى اللى اقل ماتور فيها 2000 سى سى وحضرتك طالع وبين فورد 1300 سى سى

والله كلام حضرتك تمام ...بس صدقنى مش قياس بالنسبالى لانى ركبت الفيات والكورى واليابانى والفرنساوى والصينى والحمد لله عندى خبره مش بطالة فيهم لانى بمعنى اصح كان بتفحت فيهم .......وزيى ما قلت فى موضوعى انا لما ركبت الفورد فعلا عربية جميلة ومستوها عالى مقارنة بالعربيات اللى فى موديلها وكان مضيقنى ان ناس كتيير وخده عنها فكره( غلط ) وده السبب انى كتبت الموضوع مش اكتر ولا تمجيد ولا حاجة .......تقبل مرورى وشكرا جزيلا لرايى حضرتك

[AbOnOrA]

انا شايف الاسعار معقولة لعربيه قطع غيارها مش صينى ولا كورى ومش منتشرة بشكل كبير زى العربيات الكورى مثلاً

لكن انا مستغرب انك بتقول اسعارها البرايد ضعفها اصل انا كان معايا عربيتين كيا برايد قبل كدة ومشوفتش ارخص من قطع غيارهم

[vet mohamed]

المشاركة الأصلية كتبت بواسطة AbOnOrA انا شايف الاسعار معقولة لعربيه قطع غيارها مش صينى ولا كورى ومش منتشرة بشكل كبير زى العربيات الكورى مثلاً لكن انا مستغرب انك بتقول اسعارها البرايد ضعفها اصل انا كان معايا عربيتين كيا برايد قبل كدة ومشوفتش ارخص من قطع غيارهم

لا يا استاذ ابونورا انا قلت ساعات ضعفها ...وهدى لحضرتك مثال اللى حضرنى دلوقتى ..علبة الدريكسون كنت جبتهالها ب800 جنيه

[h84]

من فضلك قطع غيارها موجوده فين و هل اي ميكانيكي يشتغل فيها ولا ناس معينه برجاء الافاده