زيوت ليكوي مولي اصبحت مضروبة وعن تجربة

[mekawy2000]

المشاركة الأصلية كتبت بواسطة hakam اولا وقبل كل شيئ اقسم لكم جميعا اخواني الاعزاء بالله ان هذه تجربة شخصية وان ما اقولة لافادة الاخرين وليس للتشهير لاني اعلم قول الله عز وجل " يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين " صدق الله العظيم اليكم التفاصيل : انا اشتريت الجركن الازرق ابو 120 جنية من مركز اسمه اوتو سكان في شارع الكشافة في الدقي ودي تاني مرة اروح هذا المركز للشراء اولا شكل الجركن اصبح رديئ ومش معقول الالمان يعملو عبوه بهذه الردائة وكمان شريط بيان مقياس العبوه معوج وشكلة حقير جدا ولما جربناه هذه المرة الميكانيكي نفسة لاحظ تغير خامة الزيت وكمان كلمة made in germany مبقتش موجودة على العبوة بنفس الشكل الاول وحل محلها كلمة صنع في المانيا باللغة العربية وكمان الجركن مش متبرشم زي الاول يادوب الغطاء بس متبرشم زي عبوة الحاجة الساقعة البلاستيك ولا يوجد برشام ورق الفويل او اي برشام كما في العبوة قبل ما يضربوها انا عن نفسي معرفش مين السبب في هذا الغش هل الوكيل في مصر ولا مركز اوتو سكان كموزع ... بجد انا زعلاااااااااان جدا على هذا الزيت اللي ملحقش حتى ياخد مركز منافس في مصر بسبب الغش والطمع ولكن اخيرا اذكرهم بقول النبي عليه الصلاة والسلام " من غشنا فليس منا ، والمكر والخداع في النار " صدق رسول الله صلى الله عليه وسلم ارجو من الافادة للجميع وارجو من الجميع التصدي للغش التجاري خاصة وانه يعود بالضرر البالغ على السيارة التي هي مصدر رزق لكثير من الناس واستنزاف لاموالنا التي يعلم الله عز وجل مدى جهدنا للحصول عليها واخير ااعتذر على الاطاله

اشكرك على اهتمامك بنشر الموضوع للتحزير لاكن اول شئ زيوت ليكوى مولى الى الان ممتازه ولم يظهر اى غش فيها ومركز اوتو سكان من رابع المستحيلات الغش على شان السمعه ولا الوكيل يقدر يغش لانه مش من مصلحته افساد سمعته ولو انت شاكك فى العبوه وافتكر انه سوبر فرميولا 20w50فهو عبوته زرقاء ومش على الغطاء لزق وبالنسبه للكتابه الى بالعربى فالوكيل طالب من الشركه فى المانيا بعض الكلمات بالغه العربيه اما الكام طلبيه الاولى كانت كلها بالالمانى وانا اسف فى التعبير ان كل او نسبه كبيره فى شعب مصر عنده جهل بالزيوت لو اسططاع تشغيل السياره بالمياه هيعمل لاكن افضل زيت نزل هو ليكوى مولى على الاقل ان نسبه الانهيار 300 درجه يعنى لو الموتور سخن متخافشى عليه من التسلخ لان الزيت نسبه الزوجه فيه والموتور معدى 150درجه بيعمل للزوجه 117 ودى اعلى ضعفين من شل او موبل وكمان درجه السريان للزيت 1.8 فى الثانتيه ولو عربيتك فرنا زى مانا فاهم ليه متغيرشى لزيت تخليقى على الاقل 10w40 ولو حسيت ان الزيت مضروب اتصل بالوكيل وانقظ الموقف وهو هيتصرف بسرعه ادخل على نايل موتور وهات رقم التليفون واتصل وهتلاقى التصرف السريع انا متابع الزيوت كويس وفاهم وكمان حصلت مشكله من 100 وكان الرد سريع والتصرف جيد راجع نفسك

[sehsss]

أنا ماشي على ليكوي مولي هاي تك بقاله 5 آلاف كيلو ولسه راجع من اسكندرية ومجربه على سرعات عالية وحرق وممتاااااااااااز وكنت جايبه من موزع في شارع دمشق، وعلى فكرة كل عبوات الزيت مش متبرشمه بورقه الغطاء فقط هو اللي متبرشم وانا رجعت للوكيل في الموضوع ده وأكدوا إنه بينزل كده من ألمانيا

[hakam]

المشاركة الأصلية كتبت بواسطة mekawy2000 اشكرك على اهتمامك بنشر الموضوع للتحزير لاكن اول شئ زيوت ليكوى مولى الى الان ممتازه ولم يظهر اى غش فيها ومركز اوتو سكان من رابع المستحيلات الغش على شان السمعه ولا الوكيل يقدر يغش لانه مش من مصلحته افساد سمعته ولو انت شاكك فى العبوه وافتكر انه سوبر فرميولا 20w50فهو عبوته زرقاء ومش على الغطاء لزق وبالنسبه للكتابه الى بالعربى فالوكيل طالب من الشركه فى المانيا بعض الكلمات بالغه العربيه اما الكام طلبيه الاولى كانت كلها بالالمانى وانا اسف فى التعبير ان كل او نسبه كبيره فى شعب مصر عنده جهل بالزيوت لو اسططاع تشغيل السياره بالمياه هيعمل لاكن افضل زيت نزل هو ليكوى مولى على الاقل ان نسبه الانهيار 300 درجه يعنى لو الموتور سخن متخافشى عليه من التسلخ لان الزيت نسبه الزوجه فيه والموتور معدى 150درجه بيعمل للزوجه 117 ودى اعلى ضعفين من شل او موبل وكمان درجه السريان للزيت 1.8 فى الثانتيه ولو عربيتك فرنا زى مانا فاهم ليه متغيرشى لزيت تخليقى على الاقل 10w40 ولو حسيت ان الزيت مضروب اتصل بالوكيل وانقظ الموقف وهو هيتصرف بسرعه ادخل على نايل موتور وهات رقم التليفون واتصل وهتلاقى التصرف السريع انا متابع الزيوت كويس وفاهم وكمان حصلت مشكله من 100 وكان الرد سريع والتصرف جيد راجع نفسك

اولا ... انا سيارتي مش فيرنا
ثانيا ... شكرا على تعبيرك ان معظم الشعب عنده جهل بالزيوت ؟؟؟!!!
ثالثا ... اراجع نفسي في ايه ؟ انا بنقل تجربة شخصية بمنتهى الامانة واذا كان عندك تجربة مختلفة فمن حقك تنقلها
رابعا ... بجد موضوع ان العبوة مش متبرشمة دا ممكن يخلي اي حد يشك
خامسا .... الشركة اللي متخافش على منتجها من الغش ومتقمش ببرشمة العبوة بشكل محترم فهي شركة غير امينة على سيارتنا وبصراحة لا اظن ان في شركة الماني ممكن تعمل كدا

[michohat]

حاليا بستعمل زيت ليكو مولي سوبر فورميلا الجركن الازرق
وفعلا كانت ملاحظه ان الجركن مفيش برشام تحت الغطا بتاعه و الحكاية دي اتكلمت عليها مع التوكيل و قال لي هو بينزل كده
والزيت بشتريه من الموزع المعتمد في محافظتي مباشرة والراجل بيشتكي من ان التوكيل المصري مموت السوق وان الموزع طالب منتجات والوكيل المصري متأخر في توفيرها
والملاحظة الاخرى هو انني لم اجد تواريخ انتاج ولا انتهاء صلاحيه سواء على عبوه الزيت او عبوة السيراتيك

المفترض من الوكيل المصري كوكيل مبتدئ ان ينزل منتجات الماركه كلها و تكون متوفرة ولكنهم حتى مش عارفين يجيبوا الاستيكرات بتاعت الماركه
بقى لي فتره طويله طالب الاستيكر من الموزع لدرجه ان الموزع لما لقى مفيش استجابه منهم طبع استيكرات على حسابه بس طبعا شكلها مش حلو وخامتها مش حلوه فمش هتكون بنفس الجوده و مش هتستحمل اللزق ع العربية

[michohat]

بالنسبة لأداء الزيت راضي عنه بس يقلقني موضوع ان لا يوجد برشام تحت غطاء العبوة