عيوب و مميزات الفيرنا ال 1600cc

[العوضي طه]

السلام عليكم إستاذ أحمد ولكل القارئين
هل عربية فيرنا جميلة ولا ايه ناس تقول جميلة والاخر يقول وحشه
انا ان شاء الله عاوز اجيب عربية ولكن مش هتحمل اي خسارة او اى مصاريف بعد ذلك لان الحال الحمد لله يدوب والفيرنا سعرها حلو بس انا خايف اشتريها ممكن تفيدنى افادك الله بكل صدق
جزاك الله عنى وعنا خير الجزاء وان كان في سيارة تانيه نفس السعر ممكن اجيبها اى ماركة تانية
السلام عليكم

المشاركة الأصلية كتبت بواسطة العوضي طه السلام عليكم إستاذ أحمد ولكل القارئين هل عربية فيرنا جميلة ولا ايه ناس تقول جميلة والاخر يقول وحشه انا ان شاء الله عاوز اجيب عربية ولكن مش هتحمل اي خسارة او اى مصاريف بعد ذلك لان الحال الحمد لله يدوب والفيرنا سعرها حلو بس انا خايف اشتريها ممكن تفيدنى افادك الله بكل صدق جزاك الله عنى وعنا خير الجزاء وان كان في سيارة تانيه نفس السعر ممكن اجيبها اى ماركة تانية السلام عليكم

اهلا بيك يا استاذ عوضي ونصيحة متسمعش من اي حد الا اللي مجرب بس اللي يقولك سمعت قوله ابقي سلك ودانك


الفيرنا معايا عربية محترمة جدا وسعرها ممتاز علي امكانيتها

عيبها بس انها واطية شوية والجنوط بتاعتها مصري غير كدا خد عندك بقا من مميزاتها كل اللي انتا عايزه

العربية لو كانت واحشة مكنتش انتشرت بالمنظر اللي انتا شايفه ده

توكل علي الله ومتسمعش كلام من حد

لو انتا عايز عربية عالية يبقي خليك في اللوجن

لو مش هتفرق معاك العلو يبقي خليك في الفيرنا

[العوضي طه]

السلام عليكم ورحمة الله وبركاته ( أ/ أحمد )
يقول رسول الله صلى الله عليه وسلم
في حديث فيما معناه
إن الله اختص أناس لحب الخير حببهم فى الخير وحبب الخير إليهم
وقال الرسول صلى الله عليه وسلم أيضا الساعي لقضاء حاجة أخيه المسلم خير له من اعتكاف عام في مسجدي هذا ......................... ..........
وانت ممن ينطبق عليه هذه الاحاديث جعله الله لك في ميزان حسناتك
مما تفيد به أخوانك
السلام عليكم

جزاك الله كل خير وربنا يجعلنا دايما عونا لاخواننا في الخير ان شاء الله وتقبل تحياتي

[العوضي طه]

السلام عليكم
سؤال يا أستاذ أحمد
الحمد لله انا نزلت المنصورة وشفوت أكتر من سبعين فى المية من التكسيات عربية فيرنا وسألت بعضهم
قالوا هي بسم الله ما شاء الله ممتازة وقالوا لا يعيبها إلا انها وطيه ولكن ممكن نحل المشكلة دية بجنوط 15 ولكن فى مدرس زميلى بتكلم معاه قال انها وحشه في العفشه بتعتها عفشتها جامدة جدا كل ما تاخد مطب أكنك جالس على الارض
فمازا رأيك يا أستاذ أحمد وهل هي احسن ولا اللانوس