أوبشنز غير موجوده فى التيدا

[atgps]

المشاركة الأصلية كتبت بواسطة فــيــروز شكرا على الإشاره للموضوع .. بس أنا عاوزه عربيه هاتشباك و ماتكونش كوريى ولا صينى ptmnlo123per144

طيب هل فكرتى فى الأسكودا فابيا؟ سيارة أوروبية محترمة

[MO]

انا بقول كل عربية و ليها مكانها في بلد معين
انا شايف ان التيدا مش هتقدر تتاقلم في مصر
علي العكس لما بشوفها في السعودية و الخليج

[elsayed.galal]

الثبات انت بتحسى بيه بعد 120 او قبل كده على ال100 بتحسى ان العربيه خفيفه على الطريق واى حاجه بتخليها تتمرجح على الطريق وكمان الباور بتاعها خفيف اوى وده هايخليكى ماتتحكميش فيها اوى وده رايى طبعا

[king mimo20]

انتى عاوزة يابنى هاتش بسعر مناسب يبقى الميتسوبيشى كولت بجد ممتازة ودايهاتسو ميرا الاتنين شيك وشكل بجد فاشون قوى

[medo76]

المشاركة الأصلية كتبت بواسطة elsayed.galal والله يا جماعه انا ركبيت التيدا وفوجئت ان العفشه سيئه وثبات العربيه وحش جدا غير ما توقعت ودى تجربه شخصيه مش بكره الناس فى العربيه

ثبات العربية وحش جدا ركبتها فين بالضبط في الحلم ولا العلم .
أولا حضرتك العربية رائعة بكافة المقاييس , انا لسه شاري العربية ده حوالي شهر وبجد الحمدلله احمدك يارب عربية رائعة بكافة المقاييس واوبشن اعتقد فيه كل حاجة يعني اللي حضرتك بتقولي علييه رفاهيات زيادة عن اللزوم يعني عدم وجودها مالوش تأثير

حاليا دالوقتي أعتقد مش هتلاقي 2009 وكل الموجود 2010 ومفيش فرق بين موديل 2009 و 2010 نفس الشكل والمواصفات والكماليات الفرق فقط في سنة الموديل .

السعر حاليا للهاتش باك حوالي 128.000 جنيه ، وحسب معلوماتي المتواضعة ان الهاتش باك بتنزل هاي لاين (upper) وبالنسبة للسيدان في (lower) مانيوال واوتوماتيك
المانيوال سعرها 110.000 جنيه والاتوماتيك 115.000 جنيه

بالنسبة للموديل السيدان (upper) سعرها 128.000 جنيه

وبالنسبة للمواصفات هي كالتالي :

- باور ستيرنج كهرباء مش زيت
- abs و ebd
- 2 ايرباج (upper)
- 1 ايرباج للسائق (lower)
- 2 مسند يد واحد امامي وواحد خلفي (upper)
- فوج لايت (upper)
- جنوط سبور 15 متوفر في (upper)
- مفتاح مشفر لمنع ادارة المحرك من غير المفتاح الرئيسي لها
- ريموت كنترول لفتح العربية من على بعد - (upper) و (lower)
- مزودة بي جهاز انذار (upper)
- راديو سي دي (mp3 ,wma)مبدل اسطوانات حتى 6 اسطوانات وفتحةaux
(upper)
- راديوا سي دي(mp3 ,wma) مع فتحة (aux) الموديل (lower)
- 6 سماعات (upper)
- 4 سماعات (lower)
- مكيف هواء اوتوماتيك (upper)
- مكيف هواء 4 سرعات (lower)
- كونسول سقفي مع مصابيح قراءة ومكان لتخزين النظارة (upper)
- التابلوه مطعم بالالومنيوم
- سنتر لوك
- 4 زجاج كهرباء
- طارة ملتي فانكشن (upper)
- عجلة قيادة مكسوة بالجلد الطبيعي (upper)
- عجلة قيادة قابلة للتعديل
- مراه كهربائية جانبية
- مبين عداد وقود رقمي
- مبين عداد رحلات TRIP A , TRIP B
- مساحات مطر بسرعات متقطعة
- مصباح فرامل خلفي علوي
- مزيل ضباب للزجاج الخلفي
- زجاج ملون
- فتح خزان الوقود من الداخل

وعربية Made in Japan توكلي على الله وهاتيها ومش هتندمي عليها وبلاش تلتفتي لكلام الفتايين زي ما بيقولوا واسألي اللي معاهم العربية .

زائد موضوع الباور ستيرنج ده من أجمل ما يمكن فيها باور كهرباء خفيف على السرعة البطيئة وتقيل على السرعات العالية بيحسسك بثبات العربية بشكل غير طبيعي والله على ما اقول شهيد .