القاهرة لا إشارات المرور و لا لوحات ارشاديه !

[ISL@M]

سلام عليكم

انا كنت عمال بتصح شوية مواقع و بعدين لأيت موضوع لفت انتباهي جدا و ؤلت لازم اوريهلكو انا حتي مش عارف الموضوع فالقسم الصح وللا لأ ptmnlo123per1127

الغريب ان لأيت الموضوع في موقع مصورين و مصمميى جرفك اجنبي , الخلاصة انو موقع ملوش دعوه بمصر كدوله او المرور او السيارات بعينها
المهم انا جبت صوره عرضها مصور اجنبي و التعليق بتاعه

Artist's Comments
"Cairo Egypt Has No Traffic Lights and No Traffic Signs"

That's right. Cairo Has No Traffic Lights and No Traffic Signs. You share the streets with buses, cars, donkey carts, scooters, cycles, pedestrians and horse drawn carriages. It is an adrenaline rush simply crossing a street. I know this is not an artistic photo. However, in order to grasp this place, you need to see this photo of the traffic.

Cairo has a population of about 7.7 million people, while its metropolitan area has a population of about 17.285 million people.
[1] Cairo is the sixteenth most populous metropolitan area in the world.
[2] It is also the most populous metropolitan area in Africa.

I took this photo from a freeway bridge. By the way, the freeway is shared with donkey carts and horses and they make u turns on it

.

الواحد فخور ببلده صيتنا وصل لبره ptmnlo123per172

يا ريت حد بأه يترجم عشان انا بالي ساعه بكتب فالكلمتين العربي دول و عملت خمسين تعديل و مش متأكد انهم صح اساسا ptmnlo123per1127

the picture and the artist comment from www.deviantart.com

[bmkbmk]

شكرا يا باشا على الموضوع و الصورة

و اليكم الترجمة : و سامحونى لأنى هكتبها بالعامية و هزود حاجات بسيطة من عندى

تعليق الفنان:
القاهرة,,, عاصمة مصر مافيهاش لا إشارات مرور و لا لوحات إرشادية
والله ما بهزر.. القاهرة لا فيها اشارات مرور ولا حتى علامات مرور ولا حتى لوحات ارشادية, بتلاقى نفسك ماشى فى الشارع مع الاتوبيسات و العربيات و عربيات الكارو مع حميرهاالعظيمة و السكوترز (يايى دى كلمة بيئة قوى) و العجل (البسكلتات) و الناس العاديين و الحناطير و كمان التكاتك تخيلو (حاجة اوريجينال خالص) ,,, انت لو فكرت تعدى الشارع بس كليتك هتوجعك و دمك هيتحرق من كتر الادرينالين اللى عمال يتبخ فى دمك و انا اقول مراكز الكلى و السرطان و الربو شغالة فى مصر زى الفل ليه ... يا ريتنى سمعت كلامك يمة و طلعت دكتور

انا عارف ان دى مش صورة فنية ولا حاجة بس عموما عشان تعرف المكان ده كويس (مصر الحضارة) لازم تشوف الصورة المخزية للمرور اللى انا جيبها و تعبان فيها دى

سكان القاهرة 7.7 مليون نسمة بكسر النون و لو حسبت سكان القاهرة الكبرى هيطلعوا اكتر من 17 مليون نسمة برده طب ازااااااى ... ما هم لازم طبعا يبقو فوق بعض

و القاهرة بسم الله ما شاء الله والله اكبر من عنيكو واخده المركز رقم 16 فى العواصم الاكثر ازدحاما فى العالم
بس خلو بالكو .... هى واخدة المركز الاول فى افريقيا ,,,, لحسن تحسبوا انها اي كلام يعنى ولا حاجة

ولعلمكم بقى انا واخد الصورة دى من فوق كوبرى طريق سريع و لعلمكم برده الكوبرى ده مليان حناطير و عربيات كارو و تكاتك و بيعملو يوتيرنات عادى جدا و هما ماشين و من غير اشارات ,,, ما هو طبعا هما هيركبوا للحمير اشارات يعنى ولا ايه ... دا حتى يبقى عيب


تحيا مصر

[PoweRPassioN]

لكِ الله يا مصرptmnlo123per1106

[ISL@M]

المشاركة الأصلية كتبت بواسطة bmkbmk شكرا يا باشا على الموضوع و الصورة

ya basha enta elly toshkar ana ma3amltesh 7aga

thanks 3al targama ptmnlo123per171

[Ahmed Anwer]

ده تشويه لصورة مصر الحضارية

علي الشبكة الدولية

و انا اطالب بحذف الموضوع من المنتدي

بعدين ده متواطئ ،

مصورلنا العتبة غالبا في ساعة الذروة

و مش ده الطبيعي

تقرير غير حيادي

ptmnlo123per122