محتاج رأيكم يا خبراء السيارات

[am79]

السلام عليكم
هذه اول مشاركه لي معكم وان شاء الله تكون بدايه الخير
انا محتاج رأيكم في اخياري الصعب

==رينو ميجان من موديلات 2005 : 2008

===سكودا اوكتافيا A4 من 2003 : 2007 مانيوال جميع الكماليات

لاني بصراحه عامل ميزانه لا تزيد عن 75 ألف لاني عندي(( 97 BMW 320i coupe)) ومحتاج سياره سيدان

>>>> ايه افضل فيهم من ناحيه <<<<
= اسعار قطع الغيار ((هل منتشره خارج التوكيل بمحلات اكسسوارات ومراكز خدمه ))
= قله الاعطال
= سعر اعاده البيع
موديل اي سنه فيهم كان خالي من العيوب المنتشره والشائعات

رغم اني سمعت ان فيه ناس كتير بتشكي من الميجان علاشان تكنولوجيا عاليه قوي ومشاكل كهرباء كتير وناس تانيه بتشكر فيها وبتقول تمام
وانا قبل كده برضه كان معي اوكتافيا A4 وكانت خنقاني وقرفاني في عيشتي غيرت فتيس (اتوماتيك ) بعد ما اتكسر من شرائها بأسبوع وكنت علي وشك اني اغير ماكينه
طبعا كنت شاريها مستعمله 2004 بس كانت مريضه وجعانه للاسف اتخميت فيها من السماسره الله ينتقم منهم وبعتها من اسبوعين ب 63 ألف بعد معانه دامت 3 شهور والحمد لله
وطبعا عمري ما انا جايبها تاني فتيس اتوماتيك لان اكتشفت ناس كتير بتشكي من اوكتافيا بصفه عامه من الاتوماتيك


وياريت لو امكن الموديل وسعره بسوق المستعمل
اكون عاجز عن الشكر ليكم لاني بصراحه محتار جدا

[side view]

سؤال صعب قوى

بالذات ان انت عندك تجربه مريره مع الاوكتافيا

بس بصراحه ناس كتييره قوى بتشتكى من الميجان
وقليل الى بيشكر فيها

على العكس من الاوكتافيا كتير بيشكروا فيها وقليل الى بيشتكوا منها

من ناحيه التقفيل

الاوكتافيا افخم واجمل واشيك من الميجان

الاوكتافيا تشيكى المانى
الميجان تركى فرنسى

انا من انصار الاوكتافيا
ممكن تدخل على قسم الاسكودا وتشوف مشاركات الاعضاء بخصوص الاوكتافيا

ربنا يوفقك



ربنا يوفقك

[mido magdy]

انا زأى انك تبعد عن العربيتين لان المواصفات اللى انت بتقولها انت بتوصف اليابانى واللى انتا بتقوله عن الاوكتافيا دى طبيعتها كدهولو مصمم على عربيه من الاتنين الميجان بعد2005 ولكن اى شغل فيها لازم يكون فى التوكيل

[hazem_khidr]

و انا كمان من انصار الاوكتافيا بصراحه
يمكن العربيه اللي كانت معاك مش مضبوطه
لان العربيه دي قليل الشكوي منها
و عربيه اعتماديه و قطع غيار متوفره و كتير بيفهموا فيها مش لازم توكيل
بعكس الميجان اطلاقا

[luckyman]

الاوكتافيا سيارة جيدة تستفيد جيدا من ازدهار فولكس فاجن لذا فهى صفقة جيده للغاية وسوف تكافئك بالكثير من متانة بناء وجودة مواد وبساطة وكلاسيكية التصميم الذى لا يشيخ بسرعة كما ان هناك فسحة داخلية كافية بسبب مقصورتها البارعة التصميم والمنظمة بدون بهرجة اعتمدت فيى اسلوب VW حيث تم صنعها باستعمال قطع عالية الجودة ومشتركة ما بين فولكس فاجن والاودى والسيات والنتيجة النهائية افضل من مجموع الثلاث بسبب القيمة بمعنى ان كل عامل لو قارنتة بالجودة والسعر سوف تميل الامور لكفتها وبالرغم من انها لا تضاهى الجولف او التوليدو من حيث اعجاب السائق الا ان طريقة القيادة والمعالجة جيده وبصورة مناسبة وبالرغم من ان محركها يفتقر الى القوة فى السرعات الاعلى الا انه يحول السكودا اوكتافيا الى سيارة اقتصادية سهله القيادة الم تقتنع؟ حسنا الق نظرة على الاسعار والمواصفات حتى بين الجديد ثم سترى ما اعنية وان كانت تبدو كسيارة مضجرة مقارنة بشكل الجولف او السيات توليدو علما بانهم جميعا يستخدمون نفس قاعدة العجلات والميكانيكا سيدى هى سيارة ليست بالمثيرة كالبى ام دبليو لكنها تدعو للثقة ولك منى فائق الشكر والاحترام ودمتم بود