كام سؤال عالماشى .. مبتدئ ..

[Ahmed Shazly]

السلام عليكم ورحمة الله وبركاته
كل سنة وأنتم طيبين

أنا كنت شايف المنتدى ماشاء الله فيه محبة بين الأخوة ومساعدة
فحبيت أسئلكم عشان أنا مبتدئ وعندى رهبة قوية والمشكلة أنى لازم أنا اللى اسوق العربيةلأن والدى مسافر دايما والعربية بتبقى مركونة تحت البيت وبتترب

وعندى مشكلة وهى أنى لما بكون ماشى عند مفارق وأكون مستنى العربيات تعدى لما بقف أستناها تعدى أجى أطلع ألاقى العربية بطلت منى وتريح عالناس اللى ورايا ؟؟!
أيه سبب المشكلة دى مع أنى بداية طلعة العربية بطلعها كويس جدا ..

وأسئلتى :
لما أكون مثلا ماشى ع الغيار التالت وأكون لازم أهدى عشان الطريق مش كويس أعمل أيه ؟؟! أهدى وأدى عالتانى ولا أعمل أيه ؟؟؟!

ولما أكون طالع مزلقان ومرة واحدة بقف عشان زحمة بلاقى العربية بتريح منى مع أنى بكون ماشى عالتانى ..

ومثلا لو واحد صاحبى قابلته ف نفس الطريق ومدينى أشارة عشان أقفلة أعمل الأشارة ديه أزاى ؟!!

وفيه شوية أسئلة تانى .. بس جاوبولى ع دى ..

[sayed2077]

المشاركة الأصلية كتبت بواسطة Ahmed Shazly السلام عليكم ورحمة الله وبركاته كل سنة وأنتم طيبين أنا كنت شايف المنتدى ماشاء الله فيه محبة بين الأخوة ومساعدة فحبيت أسئلكم عشان أنا مبتدئ وعندى رهبة قوية والمشكلة أنى لازم أنا اللى اسوق العربيةلأن والدى مسافر دايما والعربية بتبقى مركونة تحت البيت وبتترب وعندى مشكلة وهى أنى لما بكون ماشى عند مفارق وأكون مستنى العربيات تعدى لما بقف أستناها تعدى أجى أطلع ألاقى العربية بطلت منى وتريح عالناس اللى ورايا ؟؟! ده بيحصل لانك مش بتعرف تظبط رجلك على الدبرياج والبنزين مظبوط فلازم تتعلم كويس كيفية الطلوع بالعربيه من الوقوف لانها اصعب لحظه أيه سبب المشكلة دى مع أنى بداية طلعة العربية بطلعها كويس جدا .. نفس الكلام اللى فوق وأسئلتى : لما أكون مثلا ماشى ع الغيار التالت وأكون لازم أهدى عشان الطريق مش كويس أعمل أيه ؟؟! أهدى وأدى عالتانى ولا أعمل أيه ؟؟؟! والله على حسب سرعتك يعنى الغيار الاول اخرك عليه سرعة 20 الغيار التانى اخرك عليه سرعة 40 الغيار الثالث اخرك عليه سرعة 60 الغيار الرابع والخامسه بقى براحتك ولما أكون طالع مزلقان ومرة واحدة بقف عشان زحمة بلاقى العربية بتريح منى مع أنى بكون ماشى عالتانى .. اولا مينفعش تطلع مزلقان على التانى لازم تطلع على الاول واللى بيحصل انك بتطلع المزلقان على سرعه قليله على التانى وبالتالى الماتور ما بيكونش بعزمة فالماتور بيهدى لغاية ما يبطل لازم تطلع اى مزلقان على الاول وعموما كل ما تلاحظ ان العربيه خلاص مش قادر وخلاص سرعتها بتقل جامد تنزل غيار ومثلا لو واحد صاحبى قابلته ف نفس الطريق ومدينى أشارة عشان أقفلة أعمل الأشارة ديه أزاى ؟!! نصيحتى ليك تروح مكتب قياده يعلمك خمس حصص وهتبقى كويس ولو معملتش كدا هتحتاج وقت كبير عقبال ما تتعلم كل ده وهتصرف مصاريف اكتر من ثمن تعليم القياده وهتعمل مشاكل كتير مع الناس لانك ممكن تريح على اى حد وفيه شوية أسئلة تانى .. بس جاوبولى ع دى ..

الاجوبه كلها فوق

[Ahmed Shazly]

أول حاجة أحب أشكرك يا أستاذ سيد ..
ومعلش هتعبك معايا شوية ..

والله على حسب سرعتك يعنى الغيار الاول اخرك عليه سرعة 20 الغيار التانى اخرك عليه سرعة 40 الغيار الثالث اخرك عليه سرعة 60 الغيار الرابع والخامسه بقى براحتك

أنا أصلا مش بمشى سريع يعنى بيبقى ف حدود 40 بس لما بسمع صوت العربية بينحر بخاف و بديها التالت وبرضه بكون ماشى ف حدود 30 40 بس بضطر كل 5 دقايق أقف عشان أخد مطب أو ألف لأن البلد صغيرة وكلها مطبات .. فبكون خايف أكون ماشى وأديها غيار مرة واحدة حاجة تحصل ف العربية ..

صيحتى ليك تروح مكتب قياده يعلمك خمس حصص وهتبقى كويس ولو معملتش كدا هتحتاج وقت كبير عقبال ما تتعلم كل ده وهتصرف مصاريف اكتر من ثمن تعليم القياده وهتعمل مشاكل كتير مع الناس لانك ممكن تريح على اى حد

مالمشكلة أنى كنت أصلا ف مدرسة بس متعلمتش ولا حاجة أخدو فلوس عالفاضى وبقول لناس أعرفها تعلمنى بس مبتبقاش فاضية وأنا مش بحب أتحايل .. أتعلمت دايما ف الزمن دا لأزم كل حاجة تتعملها بنفسك .. أنا حصل موقف معايا أمبارح وصاحبى أدى أشارة ووقفلى بس أنا معرفتش أقفله قمت راكن وهو جيه وقف جنبى وكلمنى .. فلو تقدر تساعدنى فدنى ..

ومعلش فيه كام سؤال ..

دلوقتى لما أكون طالع مثلا مزلقان وزحمة وأكون عالتانى أهدى وأطلعه عالأول ولما أهدى شوية شوية هكون حاطط رجلى ع الدبرياج والفرامل وعقبال مادوس بنزين العربية هتريح شوية طب أعمل أيه ؟!

والسؤال التانى أمتى أخد المطبات عالأول ؟؟!!
لأنى دايما بكون ماشى عالتانى وبأخدها بالغيار دا ..

ولو حصل معايا تانى أنى أكون ف مفرق وواقف مستنى العربيات تعدى وأول ماأجى أعدى بالعربية وتبطل منى و تريح ع العربيات ورايا أعمل أيه عشان ألحق قبل ماتريح .. ؟؟!

ومتشكر تانى ليك يا أستاذ سيد ..

[sayed2077]

المشاركة الأصلية كتبت بواسطة Ahmed Shazly أول حاجة أحب أشكرك يا أستاذ سيد .. ومعلش هتعبك معايا شوية .. أنا أصلا مش بمشى سريع يعنى بيبقى ف حدود 40 بس لما بسمع صوت العربية بينحر بخاف و بديها التالت وبرضه بكون ماشى ف حدود 30 40 بس بضطر كل 5 دقايق أقف عشان أخد مطب أو ألف لأن البلد صغيرة وكلها مطبات .. فبكون خايف أكون ماشى وأديها غيار مرة واحدة حاجة تحصل ف العربية .. مالمشكلة أنى كنت أصلا ف مدرسة بس متعلمتش ولا حاجة أخدو فلوس عالفاضى وبقول لناس أعرفها تعلمنى بس مبتبقاش فاضية وأنا مش بحب أتحايل .. أتعلمت دايما ف الزمن دا لأزم كل حاجة تتعملها بنفسك .. أنا حصل موقف معايا أمبارح وصاحبى أدى أشارة ووقفلى بس أنا معرفتش أقفله قمت راكن وهو جيه وقف جنبى وكلمنى .. فلو تقدر تساعدنى فدنى .. ومعلش فيه كام سؤال .. دلوقتى لما أكون طالع مثلا مزلقان وزحمة وأكون عالتانى أهدى وأطلعه عالأول ولما أهدى شوية شوية هكون حاطط رجلى ع الدبرياج والفرامل وعقبال مادوس بنزين العربية هتريح شوية طب أعمل أيه ؟! بص اى مزلقان زى ما بقولك تطلعه على حسب عزم الغيار اللى انت عليه بمعنى مثالا مثالا خلاص انت داخل على مزلقان والدنيا زحمة شوية وماشى على التالت على سرعة 40 كده الغيار مش مديك عزم عالى لانك لسه فى اول سرعة الغيار ولما تيجى تطلع المطلع سرعة العربيه هتلاقيها بتقل تقل لغاية ما العربيه تبطل فلازم بمعنى اخر وانت طالع مطلع تطلعه وصوت الماتور عالى شوية مثالا لو الدنيا زحمة اوووى والدنيا ماشيه تاته تاته هات الغيار الاول وامشى عليه مش تجيب الغيار التانى وتطلع بيه ماى كدا نيجى بقى ان مثالا انت على مطلع كوبرى والعربيات بتمشى شوية وتقف شوية فى الحالة ديه هتعمل الاتى مثالا انت على مطلع الكوبرى دلوقت والعربيات وقفت وانت وقفت هتروح اول ما توقف ترفع فرامل اليد ولما العربيات تبداء تتحرك تانى تروح تبداء تطلع تانى وانت كل ده رافع فرامل اليد واول ما تلاقى العربيه بتحاول تطلع بس مش عارفه علشان فرامل اليد مرفوعه ترفع فرامل اليد على طول هتلاقيه طلعت معاك من غير ماتطلع لورا نهائيا ان شاء الله والسؤال التانى أمتى أخد المطبات عالأول ؟؟!! لأنى دايما بكون ماشى عالتانى وبأخدها بالغيار دا .. بص ما دام العربيه ماشيه فى طريق مستوى مفيهوش مطالع ولا منازل حتى لو ماشيه بسرعه 5 كيلو فى الساعه مفيش مانع انك تمشى على السرعه ديه بالتانى نهائيا حتى لو هتعدى مطب بس لازم العربيه متوقفش منك وانت بتعدى المطب يعنى لازم بتكون بتمشى مش واقفه وعموما خليك فى الاول بس تعدى المطبات على الاول وبعدين بقى براحتك هتبقى اتعودت انك تاخدها على التانى بس الكلام ده لو مطبات عدلة وبنت ناس بس مطبات عشوائية يبقى خليك على الاول بدون كلام ولو حصل معايا تانى أنى أكون ف مفرق وواقف مستنى العربيات تعدى وأول ماأجى أعدى بالعربية وتبطل منى و تريح ع العربيات ورايا أعمل أيه عشان ألحق قبل ماتريح .. ؟؟! هتعمل نفس الكلام كانك طالع كوبرى او مطلع واول ما تفرمل تشد فرامل اليد واول ما تبداء تتحرك تبداء تتحرك عادى واول ما تحس ان العربيه عاوزه تتحرك تروح منزل فرامل اليد على طول هتلاقيه مشيت ومريحتش على اللى وراك وصدقنى الايام هتعلمك بس لازم يبقى كله بوقته يعنى متستعجلش وبعد مثالا ست شهور ولا حتى سنه تقول اه ده انا بقيت حريف سواقه وهأمرك بقى واضرب خمسات وافرك بالعربيه كل ده هيضيعك كل شىء بوقته والصبر مفتاح الفرج وعموما بكره هتبقى احسن واحد يسوق ان شاء الله وعموما كلنا كنا زيك واسخم منك كمان انا لما كنت بتعلم فى مكتب كسرت المراية بتاعت عربيه المكتب وكنت هنط من بالعربيه من فوق كوبرى ههههه اه والله زى ما بقولك وبعدين فى اول مره سواقه اسوق العربيه لوحدى منطقتى كلها كانت بتضحك عليا عارف لو جت طوبة تحت العربيه كانت العربيه بتقف وافضل ساعه عقبال ما اعدى منها او حد يروح يشيل الطوبه من تحت العربيه ولا فى الركنه بقى هههههههههه كان الناس بقى تتلم وارجع وارا وحاسب والناس تشيل عربياتها ههههههههههههههههههههه اه والله ودلوقت اللى يشوفنى وانا بركن فى مكان اصغر من العربيه نفسها يفضل يضرب كف على كف على اللى كنت بعمله فيهم هههههههه وربنا يعينك ان شاء الله ومتشكر تانى ليك يا أستاذ سيد ..

على ايه يا باشا انت تؤمر

[hadysaad]

حاذر ،،، الصبر مفتاح الفرج