جمعة الغضب - تغطية لاحداث الثورة من 24 يناير 2011

[snoop]

المشاركة الأصلية كتبت بواسطة ahmed-alaa ] انا علي فكرة في مصر بس قدرت افتح الفيسبوك عندي واخترقت الحماية التافهة اللي عاملاها الحكومة الحقيرة دي و جروب شبكة رصد علي الفيسبوك مفتوح قدامي دلوقتي لو حضرتك موافق انا انقلكو كل الاخبار ولو عايز اقول لحضرتك ازاي تخترق الحجب انا تحت امرك مش عايزين الحكومة التافهة دي تكبت حرياتنا

لو سمحت ممكن تقولنا الطريقة ؟؟ ايزاى الفيس بوك يفتح معانا !

[sad-bird]

المشاركة الأصلية كتبت بواسطة ahmed-alaa ]ا مراسل مصر موتورز يا جميل ربنا يكرمك انا متابع الاخبار عن طريقك من الصبح ممكن تعتبرني المراسل ده انا عايز اساعد حضرتك عشان انت تعبت بقالك كام يوم بتنقل الاخبار انا علي فكرة في مصر بس قدرت افتح الفيسبوك عندي واخترقت الحماية التافهة اللي عاملاها الحكومة الحقيرة دي و جروب شبكة رصد علي الفيسبوك مفتوح قدامي دلوقتي لو حضرتك موافق انا انقلكو كل الاخبار ولو عايز اقول لحضرتك ازاي تخترق الحجب انا تحت امرك مش عايزين الحكومة التافهة دي تكبت حرياتنا

الله يخليك يا احمد باشا مش عارف اقول ايه على ذوقك ده والله


انا كله شغال عندي بس طبعا كله بطيء ما عدا رصد
هات انت كل اخبار شبكة رصد لأنها تقريبا المصدر الوحيد اللي شغال كل دقيقة فيه جديد
لكن وانت بتنقل راعي النقل بالمصدر واللينك بتاعه ومش تنقل تعليقات حد انقل الاخبار بس
وابقى ابعتلي طريقة فك الحظر على الخاص علشان يبقى انفراد ههههه




انا كل مشكلتي قلتها كذا مرة الاحساس انك تبقى لوحدك الناس كل شوية الاقيهم ظهروا ومرة واحده اختفوا لما الواحد دماغة اوقات بتروح وتيجي أقول فيه حاجة حصلت ربنا يسترها
وبكمل ورزقي على الله وربنا يسترها

برجاء كل من هو متابع للموضوع ان يتواجد ولو بكلمة

[sad-bird]

المشاركة الأصلية كتبت بواسطة Komy يا جماعة إنتوا كويسين كلكوا ولا إيه عايزين نطمن على بعض كل شوية

اهلا يا ابو يوسف
انا تمام
فكرتني بايام الخدمة كنا نقف كل واخد في مكانه وكل واحد له رقم ونقعد نتمم على بعض
1 تماااااااااااااااااام
2 تمااااااااااااااام
3 تمااااااااااام
هههههههههه
وبعدين شيل الفيرنا دي بدل ما اخليها تحصل بتاعت ابو دنيا


حطلنا يوسف احلى

[sad-bird]

نقلا عن اليوم السابع
مظاهرة بالهرم تتوجه نحو حى العمرانية

الخميس، 27 يناير 2011 - 20:54


خرج العشرات من المتظاهرين من سكان منطقتى الهرم والطالبية فى تظاهرة بشارع التعمير المتفرع من شارع التلاتينى، مرددين هتافات "قوم يا مصرى مصر بتناديك"، داعيين المواطنين إلى الانضمام إليهم.

وبدأ بالفعل العديد من المواطنين الذين خرجوا إلى الشرفات فى الانضمام إليهم، وتوجه المتظاهرون، حتى كتابة هذه السطور، نحو العمرانية.

http://youm7.com/News.asp?NewsID=345...65&IssueID=150

[ahmed-alaa]

المشاركة الأصلية كتبت بواسطة sad-bird الله يخليك يا احمد باشا مش عارف اقول ايه على ذوقك ده والله انا كله شغال عندي بس طبعا كله بطيء ما عدا رصد هات انت كل اخبار شبكة رصد لأنها تقريبا المصدر الوحيد اللي شغال كل دقيقة فيه جديد لكن وانت بتنقل راعي النقل بالمصدر واللينك بتاعه ومش تنقل تعليقات حد انقل الاخبار بس وابقى ابعتلي طريقة فك الحظر على الخاص علشان يبقى انفراد ههههه انا كل مشكلتي قلتها كذا مرة الاحساس انك تبقى لوحدك الناس كل شوية الاقيهم ظهروا ومرة واحده اختفوا لما الواحد دماغة اوقات بتروح وتيجي أقول فيه حاجة حصلت ربنا يسترها وبكمل ورزقي على الله وربنا يسترها برجاء كل من هو متابع للموضوع ان يتواجد ولو بكلمة

الله يكرمك انت راجل محترم هو الفيسبوك شغال دلوقتي عادي يعني ولا ايه اصلو مكانش شغال عندي فعملت طريقة كده بتغير ال proxy تخليني كاني عايش في بلد تانية هاقولك عليها بس الاول عايز اعرف الفيسبوك شغال عادي دلوقتي ولا لسة محظور والطريقة هابعتهالك علي الخاص انت و Snoop عشان هو قال عايزها بس اديني دقيقتين 3 عشان عقبال ما اكتب