استفسارات عام 2012

[ahmed_eng2001]

المشاركة الأصلية كتبت بواسطة astroman266 السلام عليكم ورحمة الله وبركاته اخيرا لقيت تقسيط اسلامي بجد بالبنك الاهلي المصري فرع المعاملات الاسلامية النظام هناك يقوم علي تمويل اي حاجة انت عايز تشتريها بمعني انت تروح بمفردات مرتبك يقولولك ان اقصي حد مسموح بيه كام بعد كدا تقول انت عايز تشتري ايه عربية جديدة او مستعملة او عفش بيت اي حاجة انت عايزها يروحو يشتروها من صاحبها وبعد كدا يتم تقسيطها ليك بفايدة بسيطه ولحد 7 سنين انا قلت ابلغكوا حتي تعم الفائدة ارقام البنك هي 37608295

انا متفهم ان حضرتك قصدك النصح و الخير للمنتدى و للكل ...
بس حضرتك حكمت حكم نهائى ان ده فعلا تقسيط اسلامى و بجد .. مع ان حضرتك لسه متاكدتش ... ان شاء الله تروح البنك و تتاكد بنفسك و الى فيه الخير يقدمه ربنا ...
الاعضاء الى ردوا على حضرتك كمان قصدهم الافادة و الرد عليك بالافادة
انا ححكى لحضرتك على ملاحظاتى على الموضوع ده

واحد قريبى اخبرنى ان فرع البنك الاهلى المصرى للمعاملات الاسلامية ( هو الفرع فى الازهر ) بيدى قروض اسلامية للسيارات
رحت يا سيدى هناك و سالت و اطقست و دعبست .و سالتهم على شراء سيارة بالقسط من عندهم .. قابلت موظف ... و لقيتوا بيحكيلى حكاية القرض العادى خالص ....
استغربت جدا ... و سالته ... امال فين القرض الاسلامى للسيارات ؟
قال ... مفيش حاجة اسمها قرض اسلامى للسيارات .... فيه حاجة اسمها قرض اسلامى عام
ماشى يا سيدى .... ايه حكاية القرض الاسلامى العام ده ؟
راح باعتنى على موظف تانى ...

ايه يا باشا موضوع القرض الاسلامى العام الى عندكوا ده ..
الموظف ... الموضوع ببساطة .... البنك بيشتريلك البضاعة الى انت عاوزها و بعدين .. يرجع يبعهالك تانى بالتقسيط .... و البنك بيعما معاك عقد مرابحة ... العقد ده ينص على انك ملزم انك تشترى من البنك البضاعة الى قلتلوا يشتريها لك ... فكده انت مش حتقدر تغير رايك بعد ما البنك يشترى البضاعة ليك ....
كلام جميل و رائع جدا حتى الان .....
طيب و المطلوب ؟
ولا حاجة ... حضرتك تحول لنا مرتبك على البنك ... و احنا بنقدر القرض بيكون كام ... و بعد كام يوم الشيك بتاعك يكون جاهز باسمك !!!!
يعنى ايه ؟؟
يعنى حضرتك تيجى تاخد الشيك الى باسمى و اروح اصرفه .... و انت حر تعمل الى انت عاوزه بالفلوس تشترى عربية ... تشترى بضاعة ... تشترى شقة .. تاخد الفلوس ليك .. انت حر
لا يا راجل ..... امال عقد المرابحة الى احنا عملناه ده ايه ؟؟؟!!!!!!!! ... احنا كدة بالظبط كانى اخذت قرض عادى من اى بنك و بنفس نسبة الربح .... و عقد المرابحة ده ملهوش لازمة

الموظف قال .... الفرع ده فرع عادى خالص بيزيد بس موضوع عقد المرابحة ده .. ده نظام البنك و ده النظام المصرفى الحكومى .. احنا مش حنقدر نغير فيه حاجة

فى قرارة نفسى ... و ده رايى الشخصى .... انا مقتنع ان البنك ده مش اسلامى و لا حاجة .. و دى حاجة بيعملها بيحاول يعطى صبغة شرعية لعملية القرض

القرار النهائى لحضرتك ... و ياريت تتابعنا بالاخبار و تصححلى معلوماتى لو حضرتك شايف حاجة تانية

[ahmed_eng2001]

المشاركة الأصلية كتبت بواسطة astroman266 ربنا يبعدنا جميعا عن الربا ودا السبب اللي عملت عشانو الموضوع الاية الكريمة بتقول وأحل الله البيع وحرم الربا واللي انا وصفو هنا بيع وليس ربا والفرق واضح في امتلاك البنك للسلعة قبل ان يبيعها لك ولن يسدد البنك النقود للمشتري بدلا عنك وهذا ما تأكدت منو

الطريقة الى انا فهمتها مش بتقول ان البنك حيمتلك اى شيء

[astroman266]

لا حضرتك الكلام دا مختلف عن اللي انا سمعتو من موظف البنك وانا بكلمو مفيش فلوس حضرتك هتستلمها او هتطلع بشيك بإسمك البنك هيطلع شيك بإسم صاحب البضاعة دا اللي انا سمعتو منو

[ahmed_eng2001]

المشاركة الأصلية كتبت بواسطة astroman266 وبعدين يا أخي الكريم احد الاخوة ذهب الي دار الافتاء ونقل لهم نظام البنك فأفادوه بأنه حلال واعتقد دار الافتاء بيفهمو الفرق بين البيع والربا اكتر منا جمعا وهذا الموضوع لمن يريد سيارة ولا يملك ثمنها ويريد ان يمتلك سيارة بالتقسيط فعلية ان يذهب للبنك ويري هل يرتاح لهذا التعامل ام لا ويسأل ويتأكد فلا تشددوا علي الناس جازاكم الله خيرا حيث أنني لاحظت ان كل من دخلوا وعلقوا من ملاك السيارات بارك الله لهم فيها

موضوع ان دار الافتاء بيفهموا الفرق بين البيع و الربا اكتر منا جميعا ..... كانت السبب فى خناقة كبيرة بينى من ناحية و بين والدى و اعمامى من ناحية تانية .... انا رايى اننا نسال اكتر من جهة .. و ندور فى كتب الشرع و لا نعتمد على جهة واحدة فى الافتاء
هم رايهم ان دار الافتاء كفاية .... و لو غلطانين يبقى الوزر عليهم هم و احنا معليناش زنب

من خلال بحثى المتواضع البسيط ... وجدت ان فيه ناس بتقول ان التقسيط بكل صوره حلال ... و فيه ناس بيقولوا ان التقسيط حرام .... و فيه ناس بينهم فى الراى

موضوع التشدد ...مفيش تشدد يا سيدى و لا حاجة .... الناس الى قالوا ان ده حرام ليهم اسانيدهم و تفسيرهم الشرعى البعيد عن التشدد .. الجدال الى بيننا ده يثبت انه مفيش تشدد

نصيحة شخصية بعيدة عن الحلال و الحرام ..... انا اشتريت عربيتى بالتقسيط .... حسيت براحة كبيرة جدا لما سددت الاقساط .... سددت الدين الى عليا ... كنت حاسس بهم كبير .. و حاسس ان العربية مش بتاعتى
ربنا يوفقك للى فيه الخير و مبروك على العربية مقدما

[ahmed_eng2001]

المشاركة الأصلية كتبت بواسطة astroman266 لا حضرتك الكلام دا مختلف عن اللي انا سمعتو من موظف البنك وانا بكلمو مفيش فلوس حضرتك هتستلمها او هتطلع بشيك بإسمك البنك هيطلع شيك بإسم صاحب البضاعة دا اللي انا سمعتو منو

حضرتك حتروح تقابل الموظف وجها لوجه .... ابقى خد و ادى معاه فى الكلام .... الموظف الى اتكلم معايا كان اسمه وائل .. على فكرة الكلام الى شرحتوا لحضرتك كان من كام سنة فاتت ... احتمال يكونوا غيروا النظام

انا لم اقصد انك حتاخد الفلوس فى ايدك ... انا اقصد الشيك ...
الشيك حيطلع باسم صاحب البضاعة .... يعنى حضرتك و لا البنك ؟؟؟!!!!