تابع المفاجاة

[سيف الدين سعيد]

يا جماعه : أنا كنت عرضت رأيى قبل كده بخصوص الموضوع ده . ومافيش ولا واحد رد عليا حتى . لما قلت : اننا نجتمع أربع أو خمس ملاك للسياره أو حتى اللى يحب يؤيدنا . ونروح نقابل مالك الشركه فى شارع محى الدين أبو العز بالمهندسين . ونتكلم معاه ونفهمه . ولو ما إقتنعش بكلامنا نهدده بأننا حانعمل دعايه مضاده ليه كوكيل وان حانتلكك ليه على أى أخطاء ونقدم بها شكاوى للغرفه التجاريه وجهاز حماية المستهلك .
يا جماعه أعتقد ان هو دا الوقت اللى ممكن نعمل فيه حاجه بجد . مش بس نكتفى بمجرد مشاركات كلاميه عشان نزود عدد المشاركات فى المنتدى وبس . بلاش نكون مجرد ( وآسف جدا لما سأقوله والله ) منافقين . نقول ما لا نعمل . أرجوكم ما حدش يزعل منى . بس بجد يا جماعه الموضوع كده بيزيد عن حده . ولما الصينى توصل ل حوالى 85 الف . والكورى الصغيره تبقى ب 99 الف جنيه . دى تبقى بلوه .
أنا اشتريت خلاص . وبالسعر الغالى بس زادت . المفروض أقول وانا مالى . بس مانا كمان مضرور . لأن اللى بيحصل دا حايأثر عليا فيما بعد من جوانب مختلفه . وصدقونى لما أقول لكم ان كل اللى اشترى العربيه قبل كده حايتضر كتير أوى .

يا بختك يا عم سيف فلت يا معلم بالفول اوبشن ههههههههههههههههههههههه انا مش بحسدك انا بنق عليك بس في فرق كبير ههههههههههههههه

[seaf_sawy]

الاسعار المقروض تنزل الارض مش يرفعوها يبقى يقابلنى بتاع التوكيل دة لو عرف يبيع بالسعر دة اى عربيه الاتاوة اللى كانت الحكومه بتفرضها على المستوردين خلاص انتهت وكمان بيرفعوا الاسعار دة جشع منهم كل اسعار السيارات هتنزل الربع على اقل تقدير وهتشوفوا ان شاء الله

[hyundai2005]

خلا ص الكل يعمل مقاطعه بس للاسف مش الكل حيلتزم بيها

[odaoda]

المشاركة الأصلية كتبت بواسطة corsair يا بختك يا عم سيف فلت يا معلم بالفول اوبشن ههههههههههههههههههههههه انا مش بحسدك انا بنق عليك بس في فرق كبير ههههههههههههههه

امال لو عرفت انى فلت بالفول اوبشن وبالسعر القديم خالص هتعمل اة هتموتنى هههههههههه