اعلى سرعة سيارة لادا 2107

[Oussama]

المشاركة الأصلية كتبت بواسطة kbarema اول مره اعرف المعلومات دى ماشاء الله العربيه عندى بتجيب 100 بالعافيه وكمان بتلعب لعب التنين اخاف ازود عن كده وبالمناسبه لسه عامل عمرة كامله وصارفه يمكن 3500 جم

حمدله على السلامة

العربية دى عاوز واحد بيفهم بس حيعمل بيها شقلبات

[abokoko]

المشاركة الأصلية كتبت بواسطة Oussama انا كنت قارى فى موضوع ليك انك كنت مغير الموبينة اية السبب اللى خلاك تغيرها

فى يوم حر العربية وقفت
وبقماشة مبلوله مياه اشتغلت العربيه
غيرتها بزيت ولم تعمر الا اشهر قليله متوسط شهران تقريبا
غيرتها بالكترونى - والحمد لله الالكلترونى هى اللى راكبة حاليا


على فكرة الكربراتير من الداخل لم يتم اللعب به
من الخارج فى ميكانيكى رحت له مرة لف خيط قماش على بك الهواء
لكن الميكانيكى اللى بتعامل معاه ملوش فى حكاية الخيط
لكنه طلب انه يفك الكربراتير ونعمل له طقم نظافة لكنى رفضت

[zing0]

خلاصة الكربراتير
كل الميكانيكية بتلعب فى المسامير بمزاجها, و إحنا كمان ممكن نلعب زيهم, لعب بدون علم طبعاً
الضبط الصح لو الكربراتير أصلى ببكاته و حالته و بواباته و أكساته
مسمار الهوا يتربط عالآخر (من غير متحرق عليه) و ترجع تفكة لفتين كاملين للخارج
مسمار البنزين نفس الكلام بس تفكه لفه واحده فقط
و من مسمار الصد تزود الـ RPM زى ما أنت عاوز (الفابريكا بين 850-900 لفه/د) و المكنه واخده حرارتها (سخنه يعنى)
ده لو الكربراتير فابريكا, لو أتلعب فيه بأكس و باب و تغيير بكات و ..... يبقى أفضل واحد يطمنك عليه و يضبطهولك صح, البشمهندس معتز المصرى - دار السلام. عبقرى كربراتير بجد , إدى العيش لخبازه و سيبك من هرى الميكانيكية.

أنا حالياً بأضطر أعمل كده بعد ما دوخت و صرفت ثمن 2 كربراتير جديد علشان أضبطه, و مازال الكربراتير لغز محير

[zing0]

من الخارج فى ميكانيكى رحت له مرة لف خيط قماش على بك الهواء

عمل له تخشينه
المفروض مسمار الهوا عليه وردة كاوتش صغيرة ( علشان تمسك المسمار جوه مكانه و ميقعش و ميلفش بعد ضبطه), موجوده فى محلات قطع الغيار, و ممكن يلف فتله مكانها أو يزنق المسمار بعد الضبط بقطعة منديل أو فلتر سيجارة (أى حاجه تمنع المسمار من الحركة بعد ضبطه)

[Oussama]

المشاركة الأصلية كتبت بواسطة abokoko فى يوم حر العربية وقفت وبقماشة مبلوله مياه اشتغلت العربيه غيرتها بزيت ولم تعمر الا اشهر قليله متوسط شهران تقريبا غيرتها بالكترونى - والحمد لله الالكلترونى هى اللى راكبة حاليا

يعنى فارقة من العادية و مظبطة الكهربا بفكر اجيب واحدة بدل العادية علشان الكهربابة تتظبط

المشاركة الأصلية كتبت بواسطة zing0 خلاصة الكربراتير كل الميكانيكية بتلعب فى المسامير بمزاجها, و إحنا كمان ممكن نلعب زيهم, لعب بدون علم طبعاً الضبط الصح لو الكربراتير أصلى ببكاته و حالته و بواباته و أكساته مسمار الهوا يتربط عالآخر (من غير متحرق عليه) و ترجع تفكة لفتين كاملين للخارج مسمار البنزين نفس الكلام بس تفكه لفه واحده فقط و من مسمار الصد تزود الـ RPM زى ما أنت عاوز (الفابريكا بين 850-900 لفه/د) و المكنه واخده حرارتها (سخنه يعنى) ده لو الكربراتير فابريكا, لو أتلعب فيه بأكس و باب و تغيير بكات و ..... يبقى أفضل واحد يطمنك عليه و يضبطهولك صح, البشمهندس معتز المصرى - دار السلام. عبقرى كربراتير بجد , إدى العيش لخبازه و سيبك من هرى الميكانيكية. أنا حالياً بأضطر أعمل كده بعد ما دوخت و صرفت ثمن 2 كربراتير جديد علشان أضبطه, و مازال الكربراتير لغز محير

انا ممكن اريح نفسى اشترى كبراتير محدش لعب فية بدل عك الميكانيكية
يا سلام لو تجيب صور لمسامر الهواد و السلانسية و البنزين علشان انا معرفهمش من بعض اساسا