|
رينو كليو Clio The Renault Clio is a supermini car produced by the French automobile manufacturer Renault. Originally launched in 1990, it is currently in its third generation. The Clio has seen substantial critical and commercial success, being consistently one of Europe's top-selling cars since its launch,[1] and it is largely credited with restoring Renault's reputation and stature after a difficult second half of the 1980s. Symbol of its success and its longevity, the Clio is the only car to have been elected European Car of the Year twice, in 1991 and in 2006. |
|
أدوات الموضوع |
#1
|
|||
|
|||
مشكلة لمبة ال check ل كليو 2003
السلام عليكم:
أخويا معاه كليو 2003 هي 1200cc العربيه مانيوال وهي كويسه جدا والله لسه جايبها استعمال نضيف قوي الحمد لله المهم من فتره قريبه لمبة ال check اللي هي مكانها على يسار لمبة الزيت (شكلها كأنها مربع فيه سلك شائك كده) بدأت تنور كل فتره ويصاحب الاضاءه عدم قدرة السياره على السحب نهائيا وتعود السياره لحالتها الطبيعيه بعد إبطال المحرك واعادة تشغيله تعمل لفتره ثم تظهر مره اخرى مره العربيه بطلت لوحدها لما اللمبه دي اشتغلت بس مابطلتش تاني هي شويه تمشي وشويه اللمبه تنور وماتسحبش كشفنا في مركز صيانه معتمد المهندس قال ان الكشف يبين وجود 3 عيوب لمبة الستوب لا تنير واتضح انه انذار خاطئ لانها شغاله نوع البنزين غير جيد مع انه مش بيحط غير 92 ثالث حاجه بقى قال انه بوابة الانجيكشن وقال ان عمرها الافتراضي من 8 ل 10 سنين وتمنها 2800 جنيه المهندس حاول يعمل delete للتحذير وطلب مننا نجرب العربيه فتره ولو كان تهييس سيستم بس اللمبه مش هتنور تاني دلوقتي هي للاسف نورت وبرضه نفس المشكله ماتسحبش ولازم يبطل ويدور تاني عشان يمشي بيها حد عنده خبره ارجوكم يقوللنا لو العيب ده كده فعلا ولا حاجه تانيه لان بصراحه 2800 جنيه كتير حبتين وهو لسه شاريها اصلا وشكرا مقدما |
#2
|
|||
|
|||
رد: مشكلة لمبة ال check ل كليو 2003
ياجماعه واحد صاحبي قاللي عن سبراي بينضف الانجكشن الكلام ده صح ولا لأ ؟؟
الحاله بالظبط لما اللمبه دي تنور (هي بين لمبة الزيت والحراره) السرعه بتقل وتحس ان العربيه مخنوقه ولو العربيه واقفه ال آر بي ام بيكون اخره 30 حد يفيدنا أرجوكم |
#3
|
|||
|
|||
رد: مشكلة لمبة ال check ل كليو 2003
الموضوع ده حصل معايا والحل بسيط جدا وهو تنظيف البوابة وممكن انت اللى تعمله هتفك المكان اللى فيه فلتر الهوا وتخرج الفلتر وتدور العربية وتخلى حد يدوس بنزين فى نفس الوقت اللى انت بتبخ فيه منظف البوابة داخلها صوت العربية وقت التنظيف بس هيكون بيعل وبيوطى ما تقلقش الموضوع هستغرق 3 دقائق تقريبا وهتلاقى العربية بقت زى الفل واوعى تسمع كلام الناس الفتايين حتى الميكانيكية لأن الموضوع ده كان قرفنى فترة وانا اللى خليت الميكانيكى ينظف البوابة وهو عمال يفتى انى الانجشكن باظ والعربيات الفرنساوى زبالة ولازم تروح التوكيل وافلام فاضية
|
#4
|
|||
|
|||
رد: مشكلة لمبة ال check ل كليو 2003
أنا مش عارف ليه كان عندي احساس ان حتى بتوع مركز الصيانه بيفتوا سبحان الله عموما احنا هنجرب الموضوع ده بإذن الله هنجيب الاسبراي ده لو في نوع معين بس تنصحني بيه اكون شاكر قوي لحضرتك وربنا يباركلك |
#5
|
|||
|
|||
رد: مشكلة لمبة ال check ل كليو 2003
شوف يا اخي المربع اللي به ملف كدا والي انتي بتقول عليه ده تحذير انه فيه كويل بايظ وانه لازم تغيره
شوف لو واحد عنده كويل شغال رووح لكهربائي فاهم وخليه يشيط علي الكويلات ولو مجتاج تغير واحد عادي تغيره مع تنظيف البوابة وتغيير فلتر الهوا والبنزين وهتلاقي العربية بقت طيارة مشاء الله |
|
|