#26
|
رد: فيلم" النار"قصة وسيناريو وحوار د0تامر محمد
لا تيأس يا دكتور تامر ! ولكن فى الحقيقه ان اهتمامات الناس مختلفه و متباينه ! فلا تتوقع مثلا عندما
تكتب عن ال Cancer Markers أن كل الآعضاء حتى الآطباء منهم سيقرأونه ! و بعدين فيه ناس أسهل لها تشوف فيلم و لا تقرأه قصه وفى ناس حتى لا ترى معظم الفيلم و تسأل أولا قصه و لا مناظر ؟؟ لو ترى ان قصصك و أفلامك بها مضمون قوى تريد أن تبصر الناس به ! فلا تتردد حتى لو ح يقرأه شخص واحد ! واحنا كما ترى فى عصر السرعه أو زمن الطيارى كما قلت ! دى موش نصيحه و لكن مجرد فضفضه أو دردشه ! و على فكره أنا سعيد الجظ لآن من زملائى واللى عاشرتهم كما ذكرت سابقآ د/ محمد المخزنجى و كذلك د/ محمد العدل ( كان يعمل معى طبيب فى شركة بترول بمصر ) و أخيرآ د/ تامر الذى أتنبأ له بمستقبل أدبى زاهر ! بس حاول تنشر فى أكثر من مكان مع توثيق ما تنشره ! Dr. Bolbolan ptmnlo123per1127 |
#27
|
||||
|
||||
رد: فيلم" النار"قصة وسيناريو وحوار د0تامر محمد
-15-
خارجى/نهار -------------- كازينو على النيل يجلس عماد ومنى أمامه ترتشف من كأس العصير00 يقول عماد بحماسة: -ان شاء الله قدامى ايام واتم اختراعى واجربه عشان يخرج للنور قال مداعبة: -انت متأكد ان اختراعك ده مش فشره؟ قال مبتسما: -تصدقى عنى كده برضه هزت رأسها فى دلال تدارى ابتسامتها: -الصراحة لأ نظر الى عينيها حتى خجلت وأطرقت برأسها: -تصدقى لو قلت لك00 انا بحس ان سر قوتى ف عينيكى ابتسمت: -مبالغة -والله بجد انتى اديتينى حاجة طول عمرى بحلم بيها وعمرى ماحسيتها كده سهمت قليلا ثم قالت فى جدية: -مش شايف انك مستعجل؟ -بالعكس انا ضيعت وقت كتير00 بس خايف -م الصدمة -أكيد -ولا م السلبية؟ نظر اليها فى دهشة وقد باغتته قالت وهى تبتسم: -اكيد قلبك يكسب نظر اليها وقد اتسعت ابتسامته تتبع |
#28
|
||||
|
||||
رد: فيلم" النار"قصة وسيناريو وحوار د0تامر محمد
-16-
خارجى/ليل -------------- عماد منهمك فى ورشته تبدو على ملامحة خيبة ويأس وهو يمسك بقطعة صغيرة من المحرك يقلب فيها ثم يلقى بها للارض فى عنف أسترخى على مقعدهوتنهد بعمق00 قبل أن يبلغه صوت نور يقول: -السلام عليكم انتفض من مجلسه وهو يصرخ فيه: -أنت تانى ابتسم نور: -طب رد السلام00 وحاول دايما تكلمنى بلطف لانى ممكن اغضب ومعرفش ايه ممكن يحصل وقتها! قال عماد بغضب: -انت بتهددنى قال بعمق: -لو تعرف انا بحبك قد ايه00متخفش منى 00 قال وهويزفر: -استغفر الله العظيم00 انا مش عاوز أشوفك تانى ابتسم: -ح تشوفنى ويمكن يجى اليوم اللى تستنى فيه انك تشوفنى وعمرى ما ح أتأخر عليك مال نور على القطعة التى القى بها عماد وألتقطها00 أخذ مفتاحا ومفكا وأخذ يعبث بها وعماد يتابعه فى ذهول ولا يستطيع أن يمنعه وكأنه مكبل بالاصفاد (الكاميرا على عماد) يحاول أن يتحرك نحوه ولا يستطيع 00يحاول أن ينطق فيتحجر لسانه مدّ نور يده بالقطعه يناولها لعماد 00 تناولها عماد بتردد00 قلب فيها 00 (الكاميرا على وجه عماد) آيات الذهول والدهشة على وجهه قال: -مش معقول اللى انت عملته ده 00 أنت0000 ونظر ليجده أختفى من أمامه00 زاد ذهوله وهو متجمد فى مكانه تتبع |
#29
|
||||
|
||||
رد: فيلم" النار"قصة وسيناريو وحوار د0تامر محمد
في انتظار البقية يا دكتور
__________________
Sharief Mansy
Farewell my Cayenne, you were the best car i ever had and driven |
#30
|
||||
|
||||
رد: فيلم" النار"قصة وسيناريو وحوار د0تامر محمد
متابع باهنمام بالغ
متحاول تكتب قصة قصيرة وتنشرها في مدونة خاصة بيك علي النت جائز حد ينشرهالك في جريدة وتبقي كاتب وشهور و منعرفش نكلمك
__________________
[SIGPIC][/SIGPIC] |
|
|