|
#1
10-08-2010, 01:31 AM
|
|||
|
|||
لأول مرة فى مصر : خليها تصدى وموديلها يعدى .. حملة تخفيض اسعار السيارات
بسم الله الرحمن الرحيم
السلام عليكم ورحمة الله وبركاته --------------------------------------------------- طبعاً حضراتكم بتسألم ياترى ايه سبب رخص العربيات فى السعودية والخليج وغلوها فى مصر ؟ فى السعودية ماشاء الله ممكن تروح تجيب تويوتا كامرى زيرو ب 80 ألف مش هنقول لا ريال ولا جنيه احنا هنقول لرقم وبس لإن هما بيقبضوا بالريال وبيدفعوا بالريال واحنا بنبقض بالجنيه وبندفع بالجنيه وبالتالى هنذكر الرقم بس يبقى ركزوا معايا كدا تويوتا كامرى 2010 جميع الكامليات زيرو فى السعودية = 80 ألف تويوتا كامرى 2009 << خد بالك من 2009 ومانيوال فى مصر= 527 ألف بذمتكم مش حرام ؟؟ احنا مش بنتكلم على الكامرى دلوقتى هنتكلم على الشاب او الطالب اللى نفسه يركب عربيه ومش لاقى غير المكسر والمستعمل وكل يوم عند صنايعى وخلافه -- طيب ايه فايدة الكلام دا كلو ياعم عبدالله ؟ << أسمى عبدالله على فكرة what بالله ؟ هههههههه هقول لحضراتكم احنا هنبطل نشترى عربيات نهائى سواء جديدة او مستعملة والجديد بالذات ياجماعة وقف خالص خالص خالص طيب دانا خلاص حطيت فلوسى فى البنك عشان اشترى ,, سيبها فى البنك متسحبهاش ولا تفكر تروح توكيل ولا معرض طيب انا بسأل الناس وخلاص بشترى . لا وقف خالص بدل ماهتدفع مثلاً 100 ألف فى عربية استنى كام شهر وهتاخد موديلها بتاع السنة الجديدة ب 90 ألف طيب ازاى ؟؟  اقول لحضراتكم الحملة دى اتعملت فى السعودية بنفس الاسم تقريباً : خليها تصدى وموديلها يعدى معنى الشعار : خلى العربية واقفة عندك فى التوكيل لحد ماتصدى وتخلص السنة وينزل موديل السنة الجديدة وبردو مش هنشترى !! عايزين العربيات فى المعارض والتوكيلات التراب ياكلها محدش يشترى خالص  ياجماعة محدش يقول دا كلام فاضى ويعنى هيا هتيجى عليا انا والحجات دى لالالا بالعكس انت لما تفكر تشترى وتوقف مش هتبقى منك لوحدك لامن كلو وانا واثق من نتيجة الحملة والله وبعد كام شهر اتفرجوا عشان طمع الوكلاء اللى عندنا وجشعهم ولعلمكم انا هطبع ورق وهوزعه هنا فى المحلة ومحدش يقول دا بلد فلاحين لا انا ازعل  المدينة تختلف عن القرى ومحدش ينكر فضل الفلاحين ودا مش موضوعنا على فكرة خلونا نكمل ------- هطبع ورق وهيتوزع ورمضان جاى وكل سنة وانتوا طيبين وكلوا هيقرأ وهيبقى المنشور واحد يعنى هحطه لحضراتكم هنا جاهز على الطباعة وياريت كلو يعمل التوقيع بتاعه : الحملة الجديدة لشباب مصر خليها تصدى وموديلها يعدى وياريت ياشباب تربطوا الكلمة بلينك الموضوع كمان عشان اللى ميعرفش يعرف -------------------- على فكرة انا عندى موقع بس مردتش انزل فيه الكلام دا وقولت خليها فى موقع متخصص وفى اهل السيارات وانا اول واحد هغير توقيعى وانتظروا منى أولى منشوراتى الجاهزة على الطباعة وكذلك بوسترات الحملة مع تحياتى قائد الحملة فى مصر : عبدالله منصور خليها تصدى وموديلها يعدى 
|
|
#3
10-08-2010, 01:48 AM
|
|||
|
|||
|
رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
وانا والله كنت خلاص هجيب يا اسبرنزا يا أى تن
بس قولت هدفع لى فى الاسبرنزا 50 ألف وياعالم الصينى واللى بنسمعه ؟ ولا 65 ألف فى عربية مينى ماكينة 1100 عشان تبقى نص كماليات اوتوماتيك ولاحاجة ؟؟ أجلوا ياجماعة والله كام شهر وهتلاقوا الاسعار دى فى الارض وانا هعمل الحملة على الفيس كمان
|
|
#4
10-08-2010, 01:49 AM
|
|||
|
|||
|
رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
انا فعلا سمعت عن الحمله دى فى السعوديه من فتره وعملت شغل عالى اوووووى..انما عندنا بيتهيألى الوضع بيختلف شويه..احنا عمرنا مااتفقنا على حاجه..كل واحد يقول يعنى هيا هتيجى عليا
|
|
#5
10-08-2010, 01:50 AM
|
|||
|
|||
|
رد: لأول مرة فى مصر : خليها تصدى وموديلها يعدى .. حملة تخفيض اسعار السيارات
اتمنى ادارة المنتدى تساعدنا وتدينا موافقة بتعليق بانر بكل صفحات المنتدى وانا هكلف احد اصدقائى بتصميم اكتر من بانر ونعرضه على حضراتكم
|
 |
|
|
