توكيل كيا يمتنع عن صياتة الخليجي

[horas3000]

لو علي الضمان يبقي من حقة فعلا
لكن الصيانة لا هو وكيل الماركة دي و ملزم يستقبل اي عربية من نفس الماركة و هو ده السبب في تدريب عمالة في الاساس
و لو علي قطع الغيار مهو كده كده بيكسب فيهم و هو اكبر مورد ليهم في البلد بحكم انه الوكيل يعني برضة مصلحة
و بعدين هو حر في فرض اي رسوم علي العربيات الغير مستوردة من قبله لكن يرفض استقبالهم تماما لا

و بعدين هو في ايده يمنع الحوار ده كله بانة يستغني عن القليل من هامش ربحة المبالغ فيه اصلا و انه يجيب العربيات بنفس كماليات الخليجي و بنفس اسعارهم او اعلي حاجة بسيطة و انه يوفر العربية بكميات كافيه و بسعر محدد و يبديش مصلحة الموزعين علي المستهلك

بكده محدش هيشتري الخليجي من اساسة و باب استيرادهم هيتقفل لوحده الا طبعا للناس العاملين بالخارج و اللي بينزلوا بعربياتهم و ده قصة تانية

[m_o_sakr]

المشاركة الأصلية كتبت بواسطة horas3000 لو علي الضمان يبقي من حقة فعلا لكن الصيانة لا هو وكيل الماركة دي و ملزم يستقبل اي عربية من نفس الماركة و هو ده السبب في تدريب عمالة في الاساس و لو علي قطع الغيار مهو كده كده بيكسب فيهم و هو اكبر مورد ليهم في البلد بحكم انه الوكيل يعني برضة مصلحة و بعدين هو حر في فرض اي رسوم علي العربيات الغير مستوردة من قبله لكن يرفض استقبالهم تماما لا و بعدين هو في ايده يمنع الحوار ده كله بانة يستغني عن القليل من هامش ربحة المبالغ فيه اصلا و انه يجيب العربيات بنفس كماليات الخليجي و بنفس اسعارهم او اعلي حاجة بسيطة و انه يوفر العربية بكميات كافيه و بسعر محدد و يبديش مصلحة الموزعين علي المستهلك بكده محدش هيشتري الخليجي من اساسة و باب استيرادهم هيتقفل لوحده الا طبعا للناس العاملين بالخارج و اللي بينزلوا بعربياتهم و ده قصة تانية

حضرتك انا قلت انه حتى الأن كل العربيات الكيا حتى الخليجى بتعمل صيانتها فى التوكيل ولو اتمنعت مش حتتمنع من مراكز الخدمه المعتمده من الوكيل, و بعدين حضرتك قطع الغيار الى فى المخازن دى اثتثمارات بمءات الملايين مش موضوع سهل و على فكره العربيه الكيا من العربيات القليله جداً الى الوكيل منزلها تقريباً بنفس كماليات الخليجى, يعنى فروق بسيطه جداً و سعرها مش اغلى كتير من الخليجى!!
اما موضوع انه يوفر العربيه و يتحكم فى سعرها مع الموزعين بتوعو انا متفق معاك فيه 100%

[koky_90]

ياباشا
الوكيل بيقول كده علشان ياكل عيش

لان الخليجى دلواقتى واكل السوق

وده طبعا ليه اسباب كتيره

بس هما بيعملو صيانه للخليجى عادى وبيخدو فلوس

[king mimo20]

اعتقد ان مش من حق التوكيل انو يمنتع عن الصيانة لانه ممثل للشركه الام فى مصر ومضطر انه يتعامل مع كل الانواع والموديلات الخاصة بالشركة الام

[khaled al sharif]

الحقيقة كنت قد قرأت عن هذا الموضوع من أيام في الصحف ولم يذكر الإعلان مطلقا إمتناع الوكيل عن الصيانه للماركه ولكن لما إتصلت علي سبيل التأكد لحجز الصيانه رفضوا عمل صيانة السيارة بدعوي أنها خليجي ... المهم طلبت من موظفة ( إستقبال مكالمات حجز الصيانه ) شخص مسئول أكلمه فأعطتني رقم م/ خالد فاروق مدير الصيانه ... طبعا إتصلت ولطعوني علي الويتنج نصف ساعة وأنا مصر علي مكالمة أي حد يقولي وبخاصة مدير الصيانه بنعملش صيانه للخليجي ..... المهم الموظفه م/ خالد مش علي مكتبه .. طيب حد من المهندسين ... ربع ساعه وردت علي أنا متأكد أنها موظفه عادية .... قالت دي تعليمات جاينا من الإدارة لو عايز تكلمهم إتفضل .... المهم خدت رقم تليفوني وقالت ها تخلي مدير الصيانه يكلمني ... أنا قولته المكالمه دي أنا بسجلها عشان ها بعتها شركة كيا بره ... قالت وحضرتك فاكر إن إحنا هانزل إعلان من غير ما تكون كيا عارفه قولتها الإعلان لم يذكر رفضكم عمل الصيانه ده تحذير إن الضمان لا يسري علي السيارات الخليجي وبعدين ده من حق أي وكيل ماركه إن الضمان يسري علي السيارات المباعه من طرفه فقط ... لكن بإعتباركم وكيل ماركه .. ليس من حقكم الإمتناع عن صيانه الماركه طالما أنا متحمل كل التكلفه ..... ده تلبيس علي الناس ... وأنا عن نفسي هارفع عليكم وعلي شركة كيا قضية بإمتناعكم عن السيارة ... يعني لو واحد نازل من أي دولة خليجية ومعاه سيارة كيا وحصل لها عطل وعايز يعملها صيانه في وكيل كيا المعتمد تقولوا له جرها للسعوديه إعملها صيانه هناك ......أولا أنا عارف إن دي مناورة من الوكيل ومش هايقدر يستمر في رفض الصيانه ... بس نوع من الضغط علي الناس عشان متشتريش الخليجي ....وأنا لو عايز أعملها صيانه في أماكن كتير للصيانه بس ... يفهم التجار الجشعين دول إن الناس فاهمه حقوقها ... وأنا بدعو جميع ملاك كيا الخليجي يخشوا علي الويب الخاص بالشركه ويبعت ليهم إميل بذلك ....وشكرا