ممكن تنتخب طنطاوي .... بس من غير نرفزه

[Viva4ever]

طبعا لا والف لا , لانة من النظام السابق و احنا عايزين دولة مدنية ,ده غير الف علامة استفهام حول المشير(من شهادة زور_للتمديد القانون الطوارئ طبقا للقرار الجمهوري للرئيس المخلوع سنة 2009 بتمديد قانون الطوارئ سنتين شفت الحلاوي _تجاهل نتيجة الاستفتاء التي لا تسمح بمد قانون الطوارئ الا بعمل استفتاء شعبي ,يعني بيقول للشعب طز.... عايزتاني ولا كفاية

[MmFFoR]

الاجابة - لا - لانه من رجال المخلوع ولسة بيع.. له

[تامر ديزل]

ياسلام ع الشعب المصري لما يتناقش بهدوء
بس فيه حاجه غريبه اول عشر مصوتين مجمعين على لأ
طب ما فيش واحد كده يدخل يقول لسه هافكر
يعني يعمل منظر لانه مبقاش استطلاع دا بقى اعتصام

[طارق السحت]

أقول لا ، مع احترامى الشديد له وللجيش
أولا: لأنه يعتبر من النظام القديم ،
ثانيا : فعلا كفايه كده عليه

[MEMOO_1ST]

انا صوت ب نعم لاني شايف انه راجل كويس ولو كانت الثورة فشلت الراجل دا كان مبارك هيخلية عبرة يعني هوا راهن بحياتة على الشعب وننسيب الشعب يحكم زي التصويت الي فات الناس كلها في النت و التلفزيون قالت لا والنتيجة طلعت نعم ب 78% يعني مفيش مانع انه يرشح نفسة ونسيب الشعب يختار وربنا يولي الاصلح.
وفي النهاية وجهات نظر ولازم كلنا نحترم وجهة نظر بعض.