نفسي اعمل مشروع ومش عارف ابدا منين

[samirsaid1]

المشاركة الأصلية كتبت بواسطة طارق ابوذيد التجاره فى قطع الغيار الاستيراد ليست صعبه ولكنها تحتاج الى خبره عدد من الصنيعيه بمعنى يجب ان تكون فاهم للميكانيكا حتى تستطيع فهم العميل حين طلبه لقطعه الغيار وكذلك الكهرباء والعفشه والسروجى كل ما هو موجود بالسياره وان تحفظ كل جذء بها وتستطيع ان تكشف على قطعه الغيار بدون ان تجربها لان تاجر الجمله او المستورد لا يرجع البضاعه التى يشتريها فمثلا ممكن تشترى مائه مروحه بدون ان تجربهم وعليك بخبرتك ان تفرق بين المروحه السليمه والتالفه والا تخسر مبالغ كبيره حتى تستطيع ان تأخذ خبره المهنه اما تجاره قطع الغيار الجديده لا تحتاج الى اى خبره وتحتاج فقط الى بائع لبق و ان تعرف الانواع المطلوبه فى السيارات التى ستعمل بها ومعظم هذه المحلات تقف فيها سيدات لسهوله المهنه وايضا اى قطعه غيار تالفه ترجع الى المصنع بخلاف الاستيراد والله يوفقك لما فيه الصالح لك

شكرا على النصيحة يا استاذ طارق

هو اللى فهمتة انك ممكن تشترى عربيات شغالة وماشية وحالتها كويسة طبعا بتبقى رخيصة جدااا

وبتاخدها تقطعها يعنى اكيد هاتبقى شغاله كلها

بس الفكرة فى تسويقها هنا هل ممكن تتسوق كويس او بمعنى تانى ممكن تجار يشتروها او مدى الطلب عليها

وانواع ايه اللى ماشية

وشكرا مرة تانية

[طارق ابوذيد]

المشاركة الأصلية كتبت بواسطة samirsaid1 شكرا على النصيحة يا استاذ طارق هو اللى فهمتة انك ممكن تشترى عربيات شغالة وماشية وحالتها كويسة طبعا بتبقى رخيصة جدااا وبتاخدها تقطعها يعنى اكيد هاتبقى شغاله كلها بس الفكرة فى تسويقها هنا هل ممكن تتسوق كويس او بمعنى تانى ممكن تجار يشتروها او مدى الطلب عليها وانواع ايه اللى ماشية وشكرا مرة تانية

كلام حضرتك مظبوط فى طريقه شراء السياره من الخارج وتقطعها ثم شحنها الى البلد التى تريدها والانواع المطلوبه الان فى الاسواق المصريه هى السيارات الكوريه بالدرجه الاولى ثم اليبانى .
والمقصود فى الكشف على بضاعتك من حيث الكميات وليس الكشف على سياره فبجوار كونتنر السيارات يجب ان يكون هناك قطع غيار بمفردها مثل المراوح والمرشات والدينموهات وعدد من المواتير وكماليات السيارات مثل اطمه السياره والطبلوه والفوانيس وايضا يجب شراء عدد من العفشه بخلاف السيارات فعلى سبيل الميثال ستشترى 10 سيارات وحينما تقطعهم ستجد 10 مراوح 10 مرشات عشره عفشه وهكذا فلا يكفى هذه الاعداد فنسبه بيع رفايع السياره بخلاف بيع مواتير السياره وايضا بخلاف بيع النص الامامى للسياره او الخلفى فمن الممكن ان تبيع 30 قطعه غيار مقابل ان تبيع نص سياره امامى او خلفى او موتور كامل فيجب ان يكون عدد البضاعه فى المحل على حسب نسبه البيع وما عليه السحب اكثر والله المستعان

[aymangalal]

المشاركة الأصلية كتبت بواسطة طارق ابوذيد كلام حضرتك رائع فهل توافق ان تشاركنى وادفع التكلفه بالكامل كما ذكرت حضرتك 12 الف جنيه واريد منك ربع المكسب فقط والذى يقدر بحوالى 3 الاف جنيه وذلك كحد ادنى للارباح كما ذكرت حضرتك فى دراسه الجدوى فهل توافق ؟ عندى استفسار من حضرتك ما هو معنى ان قطع الغيار الاستيراد تحسب بالطن وليس بالقطعه .

يا شيخ طارق ده شرف ليا هو انا اطول ...؟؟؟؟؟؟
طبعا الارقام ودراسة الجدوى دى منقولة واعتقد ان الاسعار دى من قبل كده واكيد اختلفت دلوقتى والله انا جه عليا وقت كنت بفكر فى المشروع ده فعلا لكن كان مكلف على الرغم من الشراكة وفى ظل ارتفاع الاسعار الجنونى بالنسبة للعقارات الموضوع بيبقى اصعب ماطولش على حضرتك الحكاية فى الاخر رسيت على ........ انى اشتريت عربية هههههههههههههه
بالنسبة لقطع الغيار الاستيراد (على حسب ما قرأت فى مواضيع مختلفة-يعنى مش كلامى) ان العربية بتبقى كامله وبتروح اماكن معينة تتقطع وتدخل الموانى فى كونتنرات يعنى بالطن مش بالقطعة .... ده على قد اللى فهمته وطبعا حضرتك ادرى منى

المشاركة الأصلية كتبت بواسطة samirsaid1 شكرا يا استاذ ايمن هو تقريبا هناك بتشرى العربيات المستعملة الاول حسب رغبتك وبعدين فية اماكن متخصصة فى تقطيعها وتغليفها بس السؤال هو الموضوع دة ممكن فعلا مجدى ومربح ؟؟ وهل ممكن البضاعة تتباع بسهولة ؟؟؟ فعلا انا محتاج اراء وخبرات المنتدى وشكرا

بالظبط كده هو ده اللى انا قولته يعنى تشترى عربية كاملة - تقطع- تتشحن
موضوع البيع والشراء ده بقى يفيدك فيه الشيخ طارق لان ده مجاله
على فكره كان فى موضوع فى المنتدى عن واحد فى بلد اوربى كان بيتكلم ع الموضوع ده بتفاصيل كتير (قصدى موضوع الاستيراد والتقطيع والشحن ..الخ) لو وصلت له هابعت لك الرابط

المشاركة الأصلية كتبت بواسطة طارق ابوذيد التجاره فى قطع الغيار الاستيراد ليست صعبه ولكنها تحتاج الى خبره عدد من الصنيعيه بمعنى يجب ان تكون فاهم للميكانيكا حتى تستطيع فهم العميل حين طلبه لقطعه الغيار وكذلك الكهرباء والعفشه والسروجى كل ما هو موجود بالسياره وان تحفظ كل جذء بها وتستطيع ان تكشف على قطعه الغيار بدون ان تجربها لان تاجر الجمله او المستورد لا يرجع البضاعه التى يشتريها فمثلا ممكن تشترى مائه مروحه بدون ان تجربهم وعليك بخبرتك ان تفرق بين المروحه السليمه والتالفه والا تخسر مبالغ كبيره حتى تستطيع ان تأخذ خبره المهنه اما تجاره قطع الغيار الجديده لا تحتاج الى اى خبره وتحتاج فقط الى بائع لبق و ان تعرف الانواع المطلوبه فى السيارات التى ستعمل بها ومعظم هذه المحلات تقف فيها سيدات لسهوله المهنه وايضا اى قطعه غيار تالفه ترجع الى المصنع بخلاف الاستيراد والله يوفقك لما فيه الصالح لك

الله يفتح عليك يا شيخنا ويزيدك علم زى مابتعلمنا

المشاركة الأصلية كتبت بواسطة احمد الشناوى1981 والله الموضوع ده جه على الوتر الحساس انا بحلم بنشاط له علاقه بالعربيات و تحديدا اكسسوار و كماليات او كاركير المشكله كلها المكان لان المحلات النهارده غاليه نار و انا كنت بفكر فى محل تمليك ربنا يسهل دعواتكم

ان شاء الله تحقق حلمك

المشاركة الأصلية كتبت بواسطة احمد الشناوى1981 كل سنه و انت طيب يا شيخ طارق براحه شويه على الراجل . الاستاذ ايمن مقالش ان هو الى كاتب دراسه الجدوى دى هو نهى كلامه ب ...منقول ... يعنى الراجل تعب و دور على كل ما يخص الفكره دى و حاول يساعد بالى لقاه و انا عن نفسى شفت كلامه مفيد بالنسبه لى و له كل الشكر على البحث و الاهتمام و محاوله المساعده ثانيا موضوع الربح ده متوقف على حاجات كتير زى المكان و مستوى الخدمه الى بيتقدم و الى بيهم ممكن الربح يكون اكتر من الى مكتوب فى دراسه الجدوى يعنى المبلغ الى كاتبه مش مستحيل الحدوث و لو فى توفيق من ربنا فانتظر كل خير

الف شكر يا يا احمد بيه على التوضيح .... جزاك الله كل خير

[aymangalal]

المشاركة الأصلية كتبت بواسطة samehsaeed مع احترامي الشديد الأسلوب ده في الترويج للشغل أو للمكان مش حاجة هايفة خالص بالعكس وأسأل أي حد بتاع تسويق وهو يقولك ، وفي النهاية أنا شايف إنه احترام للمستهلك اللي جه مخصوص عشان السلعة بتاعتي ، طبعا ده بالإضافة لأني احترم المستهلك طبعا في الشغل والأمانة والجودة وحاجات تانية كتير للأسف الواحد مش لاقي كتير منها في السوق عندنا بالرغم من إن كتير منها من آداب الإسلام ، واللي يخليك تحزن قوي بقى إنها موجودة برة في دول كتير أهلها مش مسلمين بس هنقول ايه لله الأمر من قبل ومن بعد

لك كل الاحترام والتقدير لمشاركتك البناءة
القصد من جملة (هدايا وكلام فارغ) التبسيط يعنى حاجه سهلة انك تقدم عرض بهدايا بسيطة او رمزية الغرض منها الاهتمام ولا اقصد ابدا التقليل او التحقير من شأن الهدايا والترويج والعروض
وانا من اشد الناس انجذابا للعروض تقول ايه استغلال فرص بقى ههههههههههههه
كل سنه وحضرتك طيب ومبروك ع الفانوس اللى فى التوقيع

[waelbaha]

اشكر جميع الاخوة الاعضاء اللي ردوا عليا وطرحوا افكار حلوة ونصائح غاليه
بس بصراحه لاحظت ان الموضوع بدا يتشعب ويخرج عن موضوع المناقشه الاصلي ودخلنا في استيراد ومشاركات وحاجات كده
علشان كده حبيت اني اقولكم على الفكرة اللي استقريت عليها وياريت تقولولي اراءكم فيها وتنصحوني ابدا منين واعمل ايه
والفكرة اللي عاوز نركز عليها هي المغسله
بس مش مجرد مغسلة سيارات عاديه او بلدي زي مابيقولوا
انا بافكر فيها تكون على مستوى كبير قد يرتقي لمركز سيرفيس متكامل
بس طبعا كل شيء واحده واحده مش كل حاجه مرة واحده
لاني بصراحه في ناس كتير نصحوني اني ما اعملش موضوع ورش الصيانه زي الميكانيكا والسمكرة والمكيفا وغيرها مادام ماعنديش خبره فعليه في الموضوع
وكمان نصحوني ابعد عن قطع الغيار او الاكسسوارات لانها برده عاوزة واحد فاهم في التفاصيل الدقيقه لقطع الغيار
وانا اقتنعت بالاراء دي ومش فاضل غير موضوع المغسله وباذن الله اصبحت نيتي عليها بنسبة 75% علشان كده ياريت تقولولي رايكم ايه ونصيحتكم ايه في الموضوع ده
واعتقد ان اهم نقطه في الموضوع هو المكان
لو الواحد لقى مكان لقطه في الموقع والمساحه وتوافر المياه الجوفيه يبقى باذن الله باقي الخطوات حتكون سهله

ياترى رايكم ايه بقه في الكلام ده؟؟؟؟