ارشيف الاستراحة 2011

[مهند سالم]

اندونسيا وقفوا جنب القائد بتاعهم بدل ما يقعدوا يقطعوا في بعض

أندونيسيا طردوا الديكتاتور بتاعهم، أما إلا وقفوا جنب القائد المحترم العادل مهاتير محمد فهم الماليزيون، وده كان رجل مصلح نظيف اليد عادل، اللهم ارزقنا المصلحين.
وإحنا الحمد لله ما بنقطعش في بعض ولا حاجة، شوية التوترات إلا موجوده الآن في البلد شيء طبيعي وبيخف مع الوقت، إن الله مع الصابرين.

[sad-bird]

المشاركة الأصلية كتبت بواسطة مهند سالم اندونسيا وقفوا جنب القائد بتاعهم بدل ما يقعدوا يقطعوا في بعض أندونيسيا طردوا الديكتاتور بتاعهم، أما إلا وقفوا جنب القائد المحترم العادل مهاتير محمد فهم الماليزيون، وده كان رجل مصلح نظيف اليد عادل، اللهم ارزقنا المصلحين. وإحنا الحمد لله ما بنقطعش في بعض ولا حاجة، شوية التوترات إلا موجوده الآن في البلد شيء طبيعي وبيخف مع الوقت، إن الله مع الصابرين.

أسف
حصل خلط في الاسماء في ذهني
كنت اقصد ماليزيا

[مهند سالم]

المشاركة الأصلية كتبت بواسطة nktis احنا بنثبت لنفسنا والعالم اننا شعب همجي وان الثوره مكنتش متتخططلها ... لانها جات بظروفها

لاحظ حضرتك حاجة مهمة، الكلام ده ما حصلش في ندوة علمية، أو مؤتمر علمي، ده حصل في ماتش كورة، وحضرتك عارف وأنا عارف إن معظم جماهير الكورة وفي كل العالم على فكرة بيعميها التعصب، وفي بلاد بيحصل فيها قتل من جهة الجماهير وما بيكونوش في حالة ضعف أمني ولا خارجين من ثورة ولا حاجة، فبلاش الفئة دي تبقى هي الحكم على شعب مصر. في ناس كثير جدا محترمة ومتعلمة ومثقفة في الشعب ده، وحضرتك لو عديت شوية العيال إلا نزلوا الملعب، وإلا أنا متأكد تماما إن في حد حركهم هتلاقيهم ما يحصلوش 500 واحد، ولو حضرتك بصيت على المدرجات هتلاقي آلاف لم تنزل، أرجو أن تراجعوا الفيديو جيدا ونتكلم كلمة بإنصاف.

حسام حسن وابراهيم حسن هما سبب البلاوي دي كلها
شاورو للجمهور ينزل عشان يبوز الماتش
دي ناس ترفض الخسارة بشرف
اما الناس دي عيب وقلة ادب
يعني لما التونسيين يستضيفو المصريين الهاربانين من ليبيا لغاية لما يلاقو طيارة ولا عبارة تيجي مصر
واحنا نعمل معاهم كدا عشان حاجة تافههة زي الماتش دا
دا تسمية ايه
ياخسسسسسسسسسسسسسسسسسسسارة
دول مش ضيعو الكورة بس
دول ضيعو الثورة نفسها
خسسسسسسسسسسسسسسسسسسسسسسسس سسسسسسسسسسسسسارة
الوبا ولا الغبا

[مهند سالم]

المشاركة الأصلية كتبت بواسطة walidelwahsh حسام حسن وابراهيم حسن هما سبب البلاوي دي كلها شاورو للجمهور ينزل عشان يبوز الماتش دي ناس ترفض الخسارة بشرف اما الناس دي عيب وقلة ادب يعني لما التونسيين يستضيفو المصريين الهاربانين من ليبيا لغاية لما يلاقو طيارة ولا عبارة تيجي مصر واحنا نعمل معاهم كدا عشان حاجة تافههة زي الماتش دا دا تسمية ايه ياخسسسسسسسسسسسسسسسسسسسارة دول مش ضيعو الكورة بس دول ضيعو الثورة نفسها خسسسسسسسسسسسسسسسسسسسسسسسس سسسسسسسسسسسسسارة الوبا ولا الغبا

الاثنين دول طول عمرهم عار على الكورة المصرية، وأفعالهم المخالفة للأخلاق لا تعد، ناس بتاعت مشاكل، وما لهمش في الأدب والاحترام.
لكن أنا لي عتاب عليك، حسام وإبراهيم ما بيمثلوش الثورة، بالعكس دول من أعداء الثورة والمدافعين عن النظام، عشان الناس تتأكد وتعرف أنهي نوعية من البشر إلا كانت بتدافع عن النظام، معظمهم من النوعية دي للأسف.