رد: التحايل "الاخوانى"!!
الاخوان في غالبيتهم (قبل استغلال الالتراس) مالهمش علاقه بكرة القدم الا أنهم وبلا اثتثناء حطوا صورة ابو تريكه علي صفحاتهم مش لانه لاعب حلو (واكيد هو لاعب عظيم) لكن عشان هما عارفين انه تبعهم.. آه تبعهم وهقولكم ازاي, زمان وانا صغير كان حاول الاخوان يضموني لهم وماكنتش افهم سياسه ولا اعرف حاجه عن الجماعه وفي جلسه مع احدهم قلتله انا رسام قاللي كويس يكون لينا رسام مشهور (قاللي لينا للجماعه ده حصل) لذلك الاخواني بيتوجه يشجع مين ويقرا لمين ويسمع لمين وهو عارف مين تبع الجماعه ومين لا, النهارده نفس الاخواني نازل شتيمه وسفاله في محمد صلاح لمجرد انه قابل الرئيس واتبرع لصندوق تحيا مصر اللي هو بيبني للعشوائيات وبيساهم في علاج فيروس C دون ان يبدر من صلاح كلمه واحده في حق الجماعه او اى رأى سياسي.. بس لانه بيساهم في بناء وطنه اللي الاخواني دلوقتي مابيعتبروش وطنه وبيلعن فيه ليل نهار وبيتمني يهاجر منه وبيتمني بل بيشتغل عشان يطربق علي دماغ اللي فيه!!
أحمد قاعود
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
11-01-2017, 08:36 AM
