ارشيف الاستراحة 2011

[_amr.mostafa_]

المشاركة الأصلية كتبت بواسطة sad-bird تمام يا باشا الناس كلها حست بيه بس البيت هنا محدش حس بيه الوالد نايم تعبان والوالدة كانت قاعدة ومركزة معرفش في ايه وانا علشان كنت قاعد اقرا حسيت بيه علشان تعرف واثبتلك واثبت لكل الاعضاء انك متعرفش حاجة في بلدك اسمه بحر مويس يا نايم وعلى فكرة عرضه اكبر من كده بكتييييييييييير بس ناحية تل حوين ومنيا القمح لكن في الزقازيق قللوا عرضه علشان يستغلوه في الطريق وكمان لان الزقازيق مفيش فيها اراضي زراعية والكلام ده من زمان من قبل ابويا وابوك واللي متعرفوش ان الشارع اللي فيه الكوبري العلوي بتاع الزراعة والصاغة ده كان زمان ترعة بتودي ابو حماد مياه قبل ما يتوصلها من بحر ابو الاخضر

ومين قال انو الزقازيق ما كانش فيها اراضي زراعية امال ايه الحكاوي اللي بتقول

كان القومية كلها زراعية ..بعدين انا كمان اسمه بحر مويس مع انه مش محصل ترعه حتى

[sad-bird]

المشاركة الأصلية كتبت بواسطة _amr.mostafa_ ومين قال انو الزقازيق ما كانش فيها اراضي زراعية امال ايه الحكاوي اللي بتقول كان القومية كلها زراعية ..بعدين انا كمان اسمه بحر مويس مع انه مش محصل ترعه حتى

القومية كانت اراضي زراعية فعلا للأسف
عامله زي المهندسين
وبعدين بقول كاااااااااااااااانت
كااااااااااااااااانت
لكن ان كان قصدك بتتسقي منين
فالري له نظم توزيع معقد شوية
لكن اللي كنت اقصده
ان قلب الزقازيق نفسه
اللي ماشي فيه بحر مويس
مش كان فيه اراضي زراعية من الخمسينيات
اما عن القومية
فكانت بتتسقي من ترعة جاية لشيبه والنكاريه
واخدة من بحر مويس من خلف جامعة الازهر
ورايحة شيبة والنكاريه وام الزين والطيبة
والاراضي دي كلها اللي بقت ابراج دي كلها كانت تبع زمام شيبة
واللي كان يفكر يبني في القومية من 20-25 سنة
كان بيروح يجيب تصريح مباني من الوحدة المحلية في شيبة
وخالي الله يرحمه
لما راح اشتري شقة فيها ايام ما كانت هوووووووووووووو
كان واخدها على 80 ألف وكانت العيلة كلها بتتريق عليه
طبعا دلوقتي بتعدي مليون
بعد ما حصل فيها نفس السيناريو اللي حصل في المهندسين
الاخوة العرب
والناس اللي رجعت من برة معاها قرشين
كله طلع على هناك وقال ارمي القرشين في حته ارض
وطبعا نتيجة ضغوط كتيييييييييير
تحولت المنطقة من ارض زراعية بتجيب خير للناس
لمنطقة سكنية وكلها مشاكل ودوشة وزحمة وخناقات


وكفاية كده وخلينا في الزلزال

[مهند النجار]

o m g
ازاي انا محستش بحاجة ولا اللي في الادوار العالية بس هما اللي بيحسوا بالزلازل
و الله كان نفسي اجرب زلزال قبل كدة بس يكون صغير علي قد نص لختر ولا حاجة
علي العموم تتعوض

[_amr.mostafa_]

المشاركة الأصلية كتبت بواسطة مهند النجار o m g ازاي انا محستش بحاجة ولا اللي في الادوار العالية بس هما اللي بيحسوا بالزلازل و الله كان نفسي اجرب زلزال قبل كدة بس يكون صغير علي قد نص لختر ولا حاجة علي العموم تتعوض

ههههه حرام عليك يا عم الحاج ..انت مش عايز الشعب يتهنا بالثورة دي ولا ايه ؟؟

[pointer]

وَلَوْ أَنَّ لِلَّذِينَ ظَلَمُوا مَا فِي الأَرْضِ جَمِيعًا وَمِثْلَهُ مَعَهُ لافْتَدَوْا بِهِ مِنْ سُوءِ الْعَذَابِ يَوْمَ الْقِيَامَةِ وَبَدَا لَهُمْ مِنْ اللَّهِ مَا لَمْ يَكُونُوا يَحْتَسِبُونَ(47)الزمر