ارشيف الاستراحة 2009

[نبيل عبدالرحمن]

(أعتقد أن السيد الرئيس أكبر من أن يسمح بخصومة شخصية مع أحد مواطنيه، لذلك أظن أنه سوف يلتقى بالبرادعى عند حضوره إلى مصر وأتخيل الحوار).

- حمدلله بالسلامة يا محمد، عامل إيه فى الوكالة؟

- سيادتك عارف يا أفندم إنى مشيت.

- وتمشى ليه! كنت خليك قاعد على قلبهم، عموماً إرمى ورا ضهرك، مش بيدوك معاش كويس؟

- الحمد لله يا أفندم.

- يعنى بيكفيك؟! خلاص بقى مادام بيكفيك يبقى ترتاح، الإنسان فى سنك محتاج راحة، عندك أولاد؟

- أيوه يا أفندم عندى أولاد.

- وبتحبهم؟

- طبعاً يا أفندم.

- عال عال، الأولاد فى السن الحرجة دى محتاجين رعاية.

- همه مش فى سن حرجة يا أفندم، دول متجوزين وعندهم أولاد.

- برضه يعتبروا فى سن حرجة.. إنت بقالك سنين بره بتتعامل مع «الكتلة الحرجة» بتاعة اليورانيوم، لكن السن الحرجة دى حاجة تانية خالص، ويا ترى إيه مشاريعك للمستقبل؟

- والله يا أفندم لسه مقررتش.

- ما قررتش إيه بالظبط؟ يعنى إيه هوه اللى إنت لسه ما قررتهوش؟

البرادعى يفكر (بعد السن الحرجة والكتلة الحرجة جاءت اللحظة الحرجة!)

- أنا يا أفندم ما قررتش لسه هل أقعد فى «فيينا» أو أرجع شقة «الجيزة».

- الجيزة كلها مشاكل، أديك قاعد هناك وكل فترة تييجى مصر تفتح الشبابيك وتهوى الشقة.

- لكن يا أفندم سمعت فى الجرائد إن الشعب.......

- (مقاطعاً) مالكش دعوة بالشعب، ماحدش فيهم يقدر ييجى جنب الشقة.

- يا أفندم مش قصدى، أنا بتكلم فى موضوع تانى، بيقولوا إن الشعب.......

- (مقاطعاً) خليهم يقولوا براحتهم، مش معاك عقد الشقة؟ وأديك اتفرجت على القصر من نِفسك، عايز إيه تانى؟

[Dr.A]

المشاركة الأصلية كتبت بواسطة نبيل عبدالرحمن - أنا يا أفندم ما قررتش لسه هل أقعد فى «فيينا» أو أرجع شقة «الجيزة».؟

يا خوفي ليكون حيفتح شقة الجيزة على شقة فيينا

زي صاحبنا اللي فتح شقة شرم الشيخ على شقة مصر الجديدة

ممكن انا أفكر

[egypt_farmer]

المشاركة الأصلية كتبت بواسطة نبيل عبدالرحمن (أعتقد أن السيد الرئيس أكبر من أن يسمح بخصومة شخصية مع أحد مواطنيه، لذلك أظن أنه سوف يلتقى بالبرادعى عند حضوره إلى مصر وأتخيل الحوار). - حمدلله بالسلامة يا محمد، عامل إيه فى الوكالة؟ - سيادتك عارف يا أفندم إنى مشيت. - وتمشى ليه! كنت خليك قاعد على قلبهم، عموماً إرمى ورا ضهرك، مش بيدوك معاش كويس؟ - الحمد لله يا أفندم. - يعنى بيكفيك؟! خلاص بقى مادام بيكفيك يبقى ترتاح، الإنسان فى سنك محتاج راحة، عندك أولاد؟ - أيوه يا أفندم عندى أولاد. - وبتحبهم؟ - طبعاً يا أفندم. - عال عال، الأولاد فى السن الحرجة دى محتاجين رعاية. - همه مش فى سن حرجة يا أفندم، دول متجوزين وعندهم أولاد. - برضه يعتبروا فى سن حرجة.. إنت بقالك سنين بره بتتعامل مع «الكتلة الحرجة» بتاعة اليورانيوم، لكن السن الحرجة دى حاجة تانية خالص، ويا ترى إيه مشاريعك للمستقبل؟ - والله يا أفندم لسه مقررتش. - ما قررتش إيه بالظبط؟ يعنى إيه هوه اللى إنت لسه ما قررتهوش؟ البرادعى يفكر (بعد السن الحرجة والكتلة الحرجة جاءت اللحظة الحرجة!) - أنا يا أفندم ما قررتش لسه هل أقعد فى «فيينا» أو أرجع شقة «الجيزة». - الجيزة كلها مشاكل، أديك قاعد هناك وكل فترة تييجى مصر تفتح الشبابيك وتهوى الشقة. - لكن يا أفندم سمعت فى الجرائد إن الشعب....... - (مقاطعاً) مالكش دعوة بالشعب، ماحدش فيهم يقدر ييجى جنب الشقة. - يا أفندم مش قصدى، أنا بتكلم فى موضوع تانى، بيقولوا إن الشعب....... - (مقاطعاً) خليهم يقولوا براحتهم، مش معاك عقد الشقة؟ وأديك اتفرجت على القصر من نِفسك، عايز إيه تانى؟

بجد سيناريو ماتع تسلم الايد اللى كتبته

[nora2yara]

ولا واحد في دول يصلح ان يكون رئيسا لمصر .. رئيس مصر سيظل عسكريا .. منذ ثورة يوليو ببساطة لان المؤسسة العسكرية هي الاقوي في مصر .. والديمقراطية نظام فاشل في العالم العربي .. لانها لا تصلح له .. فالمجتمع العربي لايمارس شيء اسمه الديمقراطية لا في البيت ولا في المدرسة ولا في العمل .. فكيف فجأة سيمارسها في السياسة .. نحن لا ينفعنا سوي المستبد العادل .. النظرية الابوية .. سلطة مطلقة للاب اضافة الي اعالة كاملة للعائلة .. حتي ان كلمة عائلة جاءت من الاعالة .. هذا راي شخصي ........