متوسط اسعار المستعمل هذا الاسبوع

[foxman95]

المشاركة الأصلية كتبت بواسطة د0تامر محمد الأسعا بالتحديد لا أعلمها لكن قطع غيارها فى المتوسط يعنى أقل من الألمانى والفرنساوى نسبيا وقطع غيارها معمرة ودائما الغالى معمر والرخيص بيحتاج تغيير سريع

اها تمام جدا شكرا جزيلا يا دكتور و كدا يعتبر اريح .. التغير كل فترة تعب ووجع اعصاب ...

[hassan mowafy]

الف شكر على زوق حضرتك يا دكتور
طيب حضرتك انا راكب اوبل فكترا 2003 جامدة حالتها ممتازة كنت شاريها السنه اللى فاتت فى اول الصيف
ب 78000 كان معظم معارفى اللى ليهم فى العربيات بيقولولى غالية بس حالتها تستاهل ان الواحد يضحى
المهم دلوقتى انى لما بركب عربية مش المانى بحس بفرق كبير علشان كده انا بقول اغير الاوبل بسكودا اوكتافيا
الفرق مش هيكون موجود خاصة ان فى ناس بتقول ان اسعار قطع غيارها مش بعيدة عن الاوبل كتير
قولى اعمل ايه ؟
انا اسف ع الازعاج
وشاكر افضالك

صحيح واحد صاحبى معاه عربية لانسر 1600_ اتوماتيك _ فتحة سقف _ عتاب _ كاسيت سى دى 7 اسطوانات _ ماشية 40000 كيلو
_ تقريبا كده فيها كل حاجه يعنى كاملة
موديل 2006 _ مافيهاش بوية خالص
ياريت اعرف السعر المناسب ليا وللسوق

[love-legend]

ازيك يا دكتور تامر اخبارك اية ، الواحد بقالة كتير مدخلش عالمنتدى بسبب الشغل فداخل اسلم عليك اولا ، ثم اسالك سؤال ، ابن خالتى نوى انة يشترى سيارة جيلى MK موديل 2004 ـ العربية عاملة 22000 جنية ، جميع الكماليات هاتش باك ، 1000 سىسى ، هوة بيقولى العربية ماشاء الله حلوة ـ بس قالى اسالى برضة اى حد عن العربية فقولت بصراحة مفيش غير حضرتك ، انتة اية رايك فى العربية خصوصا انهم بيقولوا انها كويسة ، بس بخصوص قطع الغيار والثبات والكلام دة كلة

[massoud]

دكتورنا العزيز معى مبلغ ما بين 40-45 الف وعايز اشترى عربية النترا
ارجوا من سيادتكم التكرم باطلاعى على مواصفات السيارة التى تناسب هذا المبلغ وهل هذا مبلغ كاف
واية رأى حضرتك فى الالنترا وجزاك الله خيرا

[alymonir]

السلام عليكم
أنا كنت عامل الموضوع دة قبل كدة و دة الرابط بتاعه http://www.masrmotors.com/vb/showthread.php?t=27029
ممكن يا دكتور ترد عليا فيه
مشكووور