ارشيف الاستراحة 2009

[king mimo20]

يا جماعة مش زى ما انتوا فاكرين ان احنا الوحيدين كدة
دا فى امريكا اكتر من 50 برنامج توك شو وبرضوة بيظهر فضايح امريكا لو انتو عاوزين تسموها فضايح مش مشاكل وادى مثال

جود مورننج امريكا
زا انسايدر
تى ام زى
هنرى كسينجر
اوبرا
راشيل
امريكان نيوز
دكتور فيل وكتيير جدا جدا

[ابو هيما]

شوف يا باشا الموضوع اللى حضرتك بتتكلم فيه ده مهم جدا -وأنا كنت من أكتر الناس اللى على طول متغاظ بسب السلبيات والأ مبالة من ناس كتير أوى فى مصر - مش بقول كلهم لأن فعلأ لسه فى ناس محترمة بدليل حضرتك أه واحد منهم لأنك حابب بلدك ونفسك تبقى أحسن -والحكاية لم تعد فقط مقتصرة على الأذاعات وغيره ولكن أيضا حتى الأجانب اللى بتيجى مصر و بتعامل معاهم واخدين عننا فكرة وحشة أوى وصعب خالص تغيرها -مش بس عن مصر لأ وكمان عن دينا (تخيل!!!)-فى أعتقدهم أن طالما أنت مسلم يبقى عندك حريم وجوارى فى البيت أما بقى لو شافوا واحدة لأبسة نقاب فيقعدوا يبصوا لها ويستغربوا وهما خايفين كأنها جاية من عالم تانى أو كأنها هاتكلهم -ولو نزلزا الشارع يشتروا حاجة فيلأقى الشىء اللى بيدور عليه سعره بيختلف بشدة من مكان للأخر مش جنيه ولأ اتنين ولكن خمسين و مائة جنيه كمان. ..وبعدين يجيوا فى النهاية يقولك المصريين نصابين -مش مصدقنى أدخل على موقع www.youtube.com وأبحث عن (وكر العصفور ) وشوف أد أيه أخوانا ومن دينا (السعوديين) شوف بيقولوا علينا أيه -على فكرة أنا مش عايز أعمل فتنة ولو كنت عاوز كنت كتبت لك اللينك على طول بس أنا كتبت لك الكلمة اللى تدور بيها وسبتك عشان تشوف بعينك أحنا بيتقال علينا أيه من أقرب الناس لينا ...!!!!!!
انت عارف أحنا مشكلتنا أيه ( أن مفيش قناعة وأننا بنبص تحت رجلنا ) والله الكلمة دى أتقالت لى فى طابا من واحد من عرب أسرائيل...أما اليهودى فبيبص أدامه 30 سنة وبحترم كلمته (على فكرة أنا أسمى محمد ومش مع الصهاينة والعياز بالله ولكن انا بظهر لك المعاملة أزاى . .!!!!!!
تعالى بقى عندنا هنا تلأقى عندك أن الكل خايف ومحدش عاوز يأخد المبادرة لأن ده هايعطلوه وهايقلب عليه الدنيا كلها سواء من ناحية الحكومة أو من ناحية المديرين وروؤسأه فى العمل وبالتالى صاحب المبادرة بالتغير هو اللى هايكون خسران وهو اللى هايكون أول واحد هايتغير من مكانه !!!
عشان كده تلأقى دايما ان كل اللى ما سكين البلد وأصحاب المراكز المرموقة -زى ما بيسموهم صانعى القرار هما أكتر ناس سالبين وشيفين أدامهم الغلط بالكوم لكن محدش بيقدر يغيره عشان الكل عارف لو هو غير الوضع فهيكون هو أول واحد هايتغير ويتشال من مكانه فيقولك خلينا ياعم ساكتين وعايشين بدل ما بيطلعونا معاش بنصيبة ( حسبى الله ونعم الوكيل )
لأ واللى يغيظك أكتر لو انت أتجرأت وأتكلمت فتلأقيهم يقولوا عليك كلأمك كتير وعامل نفسك فلحوس ويقلبوا عليك الدنيا لحد مايكرهوك فى حياتك ونفسك وتخسر شغلك وتستلف أنت وعيالك عشان حد يرحمك وتعيش بس فى الأخر مش هتلأقى اللى يرحمك غير اللى خلقك !!!!!!!!!!!!
خلأصة الكلأم وصدقنى المشكلة مش فى حكومة ولأ فى البلد ولأحتى فى الريس - المشكلة بأختصار فينا أحنا وفى بعدنا عن دينا وفى الطمع اللى بقى مألى قلب كل واحد مننا وخلأها يشترى الدنيا بالأخرة وخلى كل واحد يقبل القرش الحرام على نفسه وعلى بيته ويطعم بيه ولده وفى النهاية نرجع ونقول هى العيال بتاعت الزمن ده بقت غبية ليه على أهلها وكتر عقوق الوالدين ونسى كل واحد هو أطعم أبنه من أيه -يقول رسول الله ما نبت من حرام فالنار أولى به .صدق الرسول الكريم -أنت عارف الراحة وحل المشكلة دى يبقى أزاى -لما كل وأحد يبدأ من نفسه ومن أهل بيته .تعالى أنا وأنت وكل انسان مسلم أو مسيحى ولأد بلد وولأد أرض وأحدة نبدأ من بيتنا ونعلم ولدنا أزاى يتقوا الله ويخافوه لأنهم لو أتعلموا كده فمحدش منهم هايرتكب المعصية وهتلأقى بلدنا أجمل بلد-أزاى يغض البصر وميبصش للى فى أيد غيره وسأعتها مش هتلأقى طمع ولأسرقة ولأحتى حوادث أغتصاب وهتك عرض ..
أرجو أن تتقبل منى مرورى وأن تسامحنى على الأطالة وأوصيك بكثرة الأستغفار .والسلأم عليكم ورحمة الله

[sheekoo]

ياجماعة بلاش حساسية يعنى البيكتب ويتعرض على الفضائيات دة حقيقة ولا كدب وبعدين لو مكنش البرامج دى موجودة كان زمان الفساد زادات مرات ومرا نارت وأحنا لو صلحنا نفسنا ومجتمعنا محدش حيلاقى حاجة يكلم بيها عن مصر لان مفيش دخان من غير

[hesham mansour]

ماشي يا عمور
و أنا هشام و بيقولولي هيشو

[amorroma]

مشكووورون على التفاعل العظيم ده