ارشيف الاستراحة 2009

[king mimo20]

اهو دا فايدة الجى بى اس انا عملت موضوع ان حد يساعدنى بينباع فين محدش قال

[waelfarid]

معاك ياأبو نورا الخريطة مهمة عاشان لو سألت حد عيب انه يقول مش عارف وهنا المثل بيقول اسأل الف من (يضلك)وليس يدلك بس الخرايط التفصيلية الورقية للمدن الكبري في مصر متاحة فين وبكام؟ ملناش دعوة بال nav و ال gps

[MaXx]

المهم انك كويس و تمام و اديك لفيت شوية في البلد وما خسرتش حاجة ,,,

[AbOnOrA]

ان شاء الله ان شاء الله فيه مشروع تطبيق على الانترنت للخرائط مصر شغالين فيه وهيتم دمجة بالموقع بحيث تشوف الخريطة وتقدر تطبعها
وعامة ممكن تستخدم خرائط جوجل ايرث
او خرائط اليلوبيجز وديه بتيجى مع الدليل وساعات بتتوزع كدعاية فى المحلات الكبيرة هما عاملين 4 خرائط (القاهرة - الاسكندرية - الغردقة - شرم الشيخ)

[AbOnOrA]

المشاركة الأصلية كتبت بواسطة MaXx كمل الكلام يا ريس ,,, الصح هو ان الخبر المفروض يتكتب في اخره ,,, في محاولة لزيادة الانشقاق في الوطن العربية و التشكيك في انتماءات القادة المصريين ,,, ما لما الاسرائيلين النهاردة يسموا الميدان بأسمه سهل اوي اي حد عبيط يطلع يقول السادات الله يرحمه كان عميل لامريكا و اديهم بيحبوه و مسمين شارع بأسمه ,,, و اللي هيحس ان كلامي ده مبالغ فيه ,,, اقوله ان حرب اكتوبر نفسها بيحاولوا يشككوا فيها دلوقتي !!! و بعض الجهلاء او بمعني اصح العملاء ,,, بيطلعوا علي قناة الجزيرة و بيسألوا و يقولوا حرب 73 تحرير ام تحريك ؟! و الله صعبان عليا اوي حال بلدي مصر ,, و صعبان عليا اشوف العرب بيكرهوا المصريين ,,, و يصعب عليا اشوف المصريين يحقدوا علي الخليج ,,, و يصعب عليان ان في دول عربية لا يعرف عنها المصريين شئ ,,, يصعب علي حال العرب من فرقة ,,, يصعب عليا لما اشوف المصري مالوش كرامة في دول المفروض انها شقيقة و يكون اللي يتقاله بعد كل اللي يتعمل فيه ( ابقي خلي السفارة المصرية تنفعك ) يعصب عليا ان دول خليجية لديها اموال يبقي التعليم فيها مستواه مش مرتفع رغم وجود الامكانات ,,, دا انا المفروض اتباهي بيهم ,,, احنا عاملين زي اللي ساكنين في عمارة فيها 22 شقة ,,, منها شقق سكان العمارة ما يعرفوش عنها حاجة ,,, و اصلا السكان مش طايقين الشقة اللي في النص ( احنا ) ,,, و غير كل ده العمارة في شارع كبير و اهلها بقوا منبوذين و شكلهم بيرعب المواطنين اللي ماشيين في الشارع باللحية بتاعتهم و سمارهم ,,, اقول ايه ولا ايه ,,, سيادة رئيس الجمهورية لقد توفرت لسيادتكم فرصة ذهبية لتحرز تقدم و تطور هائل في هذا البلد علي مدي 28 عاما ,,, لن يتاح لمن يأتي بعدك نصف هذه المدة ,,, لقد كان في يديك الكثير ,, و لكن لم يتحقق ,,, و لعلك ترد علي الان بالزيادة السكانية ,,, و انت تعرف ردي مسبقاً انا اتولدت يا ريس في الدنيا شوفت اب و ام و الريس ,,, و اللي مالوش خير في اهله مالوش خير في حد ,,, هيست كتير انا ,,, بس بجد حالنا لازم يعصب علينا اللي وصلنا نفسنا ليه ,,,

والله يا باشا الموضوع ده حارق دم الناس كلها ومولع الدنيا فى كل المنتديات الحوارية والسلوك دخلت فى بعضها والناس مبقتش طايقة نفسها فعلاً ومش ناقصة استفزاز من اليهود كمان

بس خلينا نفكر تانى او مش تانى هو اولانى لاننا مفكرناش فى الخبر اول مرة بشكل منطقى وموضوعى
خلينا مرة نرمى العاطفية اللى عندنا ديه على جمب زى ما رمينا حاجات كتير ونفكر بشىء من البرجماتية ونعيد استقراء الاحداث والتاريخ

خلينا نسأل نفسنا يعنى هو ليه بقينا كده ؟

ليه بعد ما كانت مصر ام الدنيا وام العرب والناصرة والرائدة والمنارة بقت تتشم وتتزقل بالطوب والحجارة

تفتكر علشان اسرائيل سمت شارع باسم السادات ؟؟

طب ما سمو مراكز ابحاث باسمة وادولة جائزة نوبل مناصفة مع بيجن للسلام
تفتكر ايه اللى يخلى شعب يوقر ويكرم شخصية تسببت فى اول واكبر هزيمة عسكرية فى تاريخ اسرائيل ؟

فكر كده بجد وهتعرف اذا كانت حرب تحرير ولا حرب تحريك

على فكره انا مقاطع الجزيرة من ساعة احداث الجزائر ومش عارف ايه اللى اتقال بالظبط وكان ايه سياقه بس انا قولتها من حوالى 3 سنين على المنتديات برضو ان حرب اكتوبر مش زى ما كنا فاكرين

سيبك منى ومن كلام من تصفهم بالعمالة وشوف كلام قادة الحرب

http://www.youtube.com/watch?v=owY09Hge1Xo

- (( لا يمكن لاى حرب ان تحسم قضية ))
- التفاوض
- احنا خدنا قضيتنا - ارضنا بالحرب - بهدف الايه - الحل السلمى
- وتفاوضنا ... الحرب محلتش القضية ..... وقولنا نقعد نتفاوض بقى
الصحفى الاسرائيلى : - لما كنت سيادتك قائد سلاح الجو فى 73 كان فى ذهنك ان بعد اربع او خمس سنوات بعد الحرب ديه هتحصل معاهدة سلام ؟
- اه طبعاً متوفع ان لازم نحل ... والا اذا مكانش فيه معاهدة سلام يبقى الامخاخ كلها مش نافعة !!!

اظن الكلام واضح وكلام التحرير يختلف عن كلام التحريك خالص

واسمع باقى الفيديوهات وشوف اخبار الحصار فى مجالات الدنيا ومغامرات الشرطة المصرية ومطاردتها للخرفان المهربة لفلسطين فى العيد الاضحى واخبار الجدار الفولازى والجدار العازل وتعليقات الناس عليها وانت تعرف ليه بقى اسمنا مصرائيل وليه بقينا نتسب ونتشتم ونتهم بحبس وحصار اخوانا الفلسطينين بينما الاعلام المصرى يتحدث عن اختراق الفلسطنين للسيادة المصرية بحفر الانفاق

http://www.youtube.com/watch?v=iioCJntaknI