رد: مخطط تصفيه الثوره ,,
مصر والمنتخب - اتنين ع الطريق
مع احترامي لكل مشاعركم الطيبة اللي كانت بتتمنى رجوع المنتخب بالكاس الافريقي وانا زيكم لكن كان عندي احساس انه مش لينا، و كان ليا اسبابي الواقعية اللي حسستني ان المنتخب هو وبلادي على الطريق بيعملوا حاجة لكن لسة ما عملوش كل حاجة تحقق الفوز الساحق ... وخلوني اعرض لكم وجهة نظري المتواضعة....
أولا: المنتخب من اول ماتش كان بيجري و يحاول و عنده أمل في امكانية... استرجاع بطولة فاتته من 7 سنين. لكن كان باين برده انه لسه ناقصة تمرين وتغيير خطط وقت اللعب ولياقة يقدر يواجه بيها الفرق اللي حواليه. نفس حال بلادي اللي بتسابق الزمن عشان تبني اللي فاتها في 40 سنة وهي عارفة إن برده ناقصها امكاتيات و ضمير و خبرات مضحية بعمرها و مصيرها عشان تعيش مصر وتطلع لفوق. الأمل والاصرار على تحقيق حاجة جمع بين بلادي و المنتخب رغم كل التحديات وباذن الله الجاي احسن لو كملنا بنفس المستوى.
ثانياً: لا الماتش ده اخر ماتش ولا البطولة اخر بطولة و مع بعض التعب و التخطيط واختيار الكفاءات صانعة الاهداف واللي عندها القدرة على انها تواصل اللعب حنعمل حاجة بمجهود زيادة. نفس حال بلادي لا الازمات بتخلص و لا التحديات حتنتهي بس هي كمان محتاجة لعيبة نفسها طويل و عينيها على النهائي والقمة اللي دعايا توصلها بالسلامة ...
ثالثا: انا رفعت العلم أول ما الماتش خلص ومشيت اضرب كلاكسات والعلم مرفوع في ايدي باغني لمصر لأني مؤمنة إن الحياة معارك مش معركة واحدة والحمد لله وصلنا للنهائي وحاولنا لكن رسالة ربي لينا كانت بتقول :" لسة محتاجين تبذلوا مجهود أكبر لكن كملوا". ومصر مش ماتش عشان الناس تمشي وهي منزلة العلم وزعلانة ... كنت عايزة اقول للناس كلها ما تزعلوش لسة الطريق طويل ....... لمصر والمنتخب ... الاتنين ع الطريق....
رابعاً: قبل 2011 كانت فرحة المصريين الوحيدة الكورة وبطولاتها... الحاجة الوحيدة اللي رفعت علم مصر قبل 2011 كانت الكورة وده كان قمة الاحباط للي زيي... لكن امبارح لعبنا النهائي و مصر حفرت قناة جديدة في سنة- وبتحفر 4 انفاق تحت القناة و بتبني اقتصاد و قضت على قوائم الانتظار للمرضي في فيروس سي لدرجة ان منظمة الصحة العالمية بتشيد بده و بتكافح انتشار المرض حتى بين اللي ما يعرفوش انهم مرضى و بتبني مصنع ادوية كبير و مواني ومليون ونص فدان ومصنع بيتروكيماويات بمليار ونص دولار - ومساكن تقضي ع العشوائيات والاهم لسة صامدة على رجليها في الوقت اللي حواليها بينهار... الكورة ما بقتش سبب الفرحة الوحيد ...اتفائلوا وقولوا يا رب بقلب واشتغلوا باخلاص عشان الطريق لسه طويل...
اقولكم ايه ؟؟؟؟ صباحكم مصري خالص ويا رب يبارك في مصر
نشوى الحوفى
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
06-02-2017, 09:25 PM
