متوسط اسعار المستعمل هذا الاسبوع

[geo_yacoub]

المشاركة الأصلية كتبت بواسطة د0تامر محمد من 11-12

اشكرك شكرا جزيلا لردك واهتمامك
ومعلش استفسار اخر هو ال 11 او 12 علشان الصوره فيها العربيه متظبطه ولا هو ده سعرها؟
واذا كان هو ده سعرها هل فيه حاجه افضل ب 11 او 12 دول ؟
واسف للاطاله

[د0تامر محمد]

المشاركة الأصلية كتبت بواسطة geo_yacoub اشكرك شكرا جزيلا لردك واهتمامك ومعلش استفسار اخر هو ال 11 او 12 علشان الصوره فيها العربيه متظبطه ولا هو ده سعرها؟ واذا كان هو ده سعرها هل فيه حاجه افضل ب 11 او 12 دول ؟ واسف للاطاله

السعر لحالة الصورة وهو سعر أى سيارة جيدة فى هذا الموديل وهذه الحالة

[د0تامر محمد]

المشاركة الأصلية كتبت بواسطة ام مريم ولوخلصت اللانوس ال2001 اللى قلت لحضرتك عليها على 38 الف ايه راى حضرتك ارجو افادتى لانى ناويه اشترى خلاص وهل اللون يفرق فى السعر ولاده كلام فاضى لان العربيه لونها زيتى وحد قالى ان اللون ده لا بيتباع ولا بيتشرى يعنى مش اللى هو ولو قدامى اكسنت مو2006 تكييف بس ومغيره شنطه وعامله 200 الف كيلو برضه على 38 الف وهى عربيه نظيفه اجيب ايه دلنى على الافضل جزاك الله خير

السعر ده مع الانوس جيد جدا
اللى مغيرة ربع خلفى سيبك منها وكمان عدادها على موديلها بيقول إنها مطحونة

[د0تامر محمد]

المشاركة الأصلية كتبت بواسطة dr_maged بصراحة انا بردوا مش لاقى الاسعار دى فى اى مكان وده سبب انى لم اشترى لحد دلوقتى اقل حاجة بلاقى ازيد من اللى هنا ب 2000 جنيه واقوله لا دى مش سعرها ويكون حد تبعى هوه اللى جايبة يقولى مفيش اسعار اللى انت بتقول عليها ودايما فى كلمة بيقولها لى اللى قالك السعر ده خليه يجبلك عربية هوه واقولة خلاص مش عاوزها و اقول محدش هيرضى يشتريها بقى ما هوه غالى واتابع اخبار العربية الاقيها اتباعت مفيش كام يوم وزى ما صاحبها كان عاوز او اقل ب 500 جنيه ولا حاجة مش عارف العيب فين فى اللى بيبيع واللى بيشتروا منه على السعر ده ولا العيب هنا ولا العيب فيا انا

ممكن أجاوب عليك فى تلت نقط :
الأسعار هنا هى متوسط السعر يعنى ممكن السعر يزيد عن المكتوب أو يقل بحدود بسيطة حسب الحالة
ثانيا:السعر هو السعر التجارى اللى هوه عدل الله أما الزيادة فهى مكسب زائد عن السعر الحقيقى
ثالثا: فيه ناس بتقول الاسعار هنا مبالغ فيها وأزيد من سعر السوق وأرجع وأقول ده متوسط يعنى فيه يقول السعر أقل وآخر يقول السعر أزيد وفى النهاية العيب فى الجشع والطمع

[mostafa500]

د تامر استفسار بخصوص كيا سيفيا مو 99 اوتو لو تقدر تقولى مميزاتها وعيوبها...وعموما لو فيه مقارنة بين الاكسنت والانوس والكيا وكلهم مو 99 اوتو تبقى الافضلية لاى عربية ولو امكن تقولى اسعارهم تقريبا تعمل كام لو حالتها جيدة