التحايل "الاخوانى"!!

[kj1]

[kj1]

‏رسالة‬ إلى الأميرة •ابنتى العزيزة أميرة (الأولى على الثانوية العامة )وبنت القيادى الاخوانى المسجون ...
ألف مبروك تفوقك وربنا يباركلك فى نجاحك.. وعقبال الدكتوراة .
•اتأثرت جدا لما سمعت مداخلتك على قناة الشرق الاخوانية مع المذيع محمد الناصر وانتى بتقولى(كان نفسى بابا يكون معايا ويشاركنى اللحظات دى ) !
... •فعلا معاك حق...وجود الأب فى لحظة زى دى مع بنتة شىء لايوصف ولايعوض.. بس خلينى أحكيلك حكاية أربع أميرات فى سنك ، هم كمان نجحوا النهاردة و...بتفوق برضة .
1.الأميرة الاولى : هى كمان كان نفسها أبوها يكون معاها النهاردة ؛وتشوف دموع فرحتة بنجاحها فى عنية؛ بس للأسف استشهد فى رفح وهو قاعد بيفطر ساعة الادان فى رمضان ...وبالمناسبة يا أميرة انتى عارفة كويس مين قتل أبوها ولية وازاى .
2.الأميرة التانية :كانت بتحلم بحضن أبوها يوم نجاحها؛ بس للأسف ابوها مات سنة 2013 فى انفجار مديرية أمن الدقهلية وكان ساعتها ماشى فى حالة لابية ولا علية وراجعلها هى واخواتها بالعشا ...وطبعا يا أميرة انتى عارفة مين فجر المديرية باللى فيها ؛ومين كان شمتان وبيزغرط ساعتها من الفرحة .
3.الأميرة التالتة : هى وحيدة أبوها وكانت قرة عينة بس للأسف؛ ملحقش يفرح بنجاحها النهاردة لأنة مات فى أحداث الاتحادية بعد ماولعوا فية وسحلوة ع الاسفلت...وبالمناسبة يا أميرة انتى عارفة برضة مين عمل كدة فى أبوها ومين سحلة.
4.الأميرة الرابعة بقا :طالبة شاطرة ومتفوقة زيك؛ وطول عمرها بتحلم باليوم اللى تجيب مجموع طب وتفرح ابوها، بس للاسف جابت المجموع ومفرحتش ابوها لأنة استشهد فى مجزرة قسم كرداسة واتمثل بجثتة بعد مارموا علية مية نار؛ ومات ونفسة فى شربة مية ...وطبعا أكيد يا اميرة انتى عارفة مين عمل فى أبوها كدة ومين رمى علية هو و11 واحد غيرة مية نار .
•اية رأيك يا أميرة...ما تيجى نرجع لهم ابهاتهم دول ولو ساعة زمن واحدة؛ يفرحوا فيها ببناتهم ويشاركوهم اللحظات دى؛ وبعد كدة يرجعوا وأوعدك ساعتها والدك هيرجعلك ويفرح معاك ويشاركك أحلى اللحظات..وأوعدك ساعتها سيادة الوزير هيتصل بيك يهنيك..وأوعدك ساعتها اننا مش هنزعل من كلامك اللى قلتية عن رئيسنا ..وزى مانتى بتتمنى رجوع بابا ربنا يخليهولك ويرجعهولك بالسلامة و يشاركك فرحتك و(عايشة على الأمل) دة؛ فية أميرات غيرك كتير أوى بيتمنوا نفس الأمنية بس للأسف( عايشين من غير أمل) .
منقووووووووول

[kj1]

[kj1]

‏عاجل‬: تركيا تعتقل 62 طفلا وتوجه لهم اتهامات بالخيانة العظمى
ذكرت صحيفة "ديلي ميل" البريطانية أن تركيا اعتقلت 62 طفلا، ووجهت لهم اتهامات بالخيانة العظمى بعد تورطهم غي انقلاب 15 يوليو الفاشل. واشارت الصحيفة إلى أن أعمار هؤلاء الأطفال تتراوح بين 14 و17 عاما، وهم في مدرسة كوليلي العسكرية، التي تعتبر الأقدم من نوعها في اسطنبول. .. وأضافت أنه تم احتجاز هؤلاء الأطفال، وغير مسموح لهم بالاتصال بأولياء أمورهم

[kj1]