محتار بين 131 - 132 - ريجاتا - بولونيز - 504 - 305 - 929 ارجو الافاده

[harpoonattack]

المشاركة الأصلية كتبت بواسطة zico7m يا ريت تنصحني بالظبط اعمل ايه علشان الاقي حاجه بالسعر ده "ممكن سوق الجمعه"

بص يا باشا سوق الجمعه كويس بس زى ما قال اخونا saadelden مليان تجار كمان برضو فى ناس عاديه رايحين يبيعو عربياتهم ومش بيتاجرو فانت ممكن تروح تتفرج وتاخد فكره واكيد هتقابل هناك ناس كتير اصحاب عربيات ومش تجار بس اهم حاجه تاخد حد معاك او لو انت بتعرف تقلب فى العربيه يبئى تمام وعشان كمان العربيات القديمه دى اسهل حاجه اللعب فيها والشغل فيها بيكون بحرفنه ومن الصعب انك تكتشفه غير الجديد خالص . وربنا يوفقك

[_alraieedavid]

انا مش عارف ليه ماحدش جاب سيرة البلونيز دى عربية صخرة وسعرها كويس ومديلاتها حديثة لغاية 94
عن تجربة سنة واستعمال نقل مالهاش حل حكاية

[kae]

المشاركة الأصلية كتبت بواسطة saadelden احسن خيار ليك 131 او 132 لو حالتهم كويسه مش هيعدو 18 الف و يكون معاك 2000 عشان لو فيهاا حاجه مش مظبوطه و تغيير الفلاتر و طقم الكهربا المهم الفيات بالذات قطع غياره موجوده ف كل حته و رخيص جداا جداا غير المازدا هتقعد تدورلها علي قطع غيار و هتلاقيها غاليه الصاج بتاع ال 131 بيرجع زي ماكان حتى الشاسيه و القوايم لو اتعملت صح بترجع زي الاول و عن تجربه طبعا عشان توفر ماتجيبش ماتور يزيد عن 1600cc عشان مايبقاش حريقه بنزين و ماتدفعش كتير ف الترخيص و عشان انت مشوارك طويل ف 1600 هيبقى حلو معاك و هيشد جامد طالما مظبوط

العربية المازدا عشرت 28 سنة معانا لا عمرى دخت فى قطعة غيار و لا كانت قطع غيارها غالية ولا اى حاجة من دى و صدقنى هى دى العربية الوحيدة اللى تحس و انك راكبها انك راكب عربية حديثة و واسعة و حمالة قسية. طبعا مع احترامى لكل العربيات التانية بس انا بتكلم عن تجربة عربية 28 سنة يعنى اصغر منى يشويتين

[zico7m]

المشاركة الأصلية كتبت بواسطة kae العربية المازدا عشرت 28 سنة معانا لا عمرى دخت فى قطعة غيار و لا كانت قطع غيارها غالية ولا اى حاجة من دى و صدقنى هى دى العربية الوحيدة اللى تحس و انك راكبها انك راكب عربية حديثة و واسعة و حمالة قسية. طبعا مع احترامى لكل العربيات التانية بس انا بتكلم عن تجربة عربية 28 سنة يعنى اصغر منى يشويتين

الف شكر بس مش لاقي منها حاجه بسعر معقول ابدا
تخيل النهارده في سوق الجمعه واحد بيبيع عربيه ومش سمسار عربيه مازدا 323 موديل 1982 تخيل يطلب فيها كام تصدق 36000 جنيه
واللهي انا كان نفسي اضربه
لو حد يعرف عربيه بحاله مقبوله وسعر مناسب ارجو الافادة

[Limoway]

المشاركة الأصلية كتبت بواسطة hazem_khidr المبلغ دا مش حيجيب 504 نضيفه يبقي نفكر في 131 كويسه او ريجاتا بس حتحتاج تزود شويه او الافضل مازدا 929 حتيجي بالتمن دا و حماله اسيه بالنسبه للمصاريف حتبقي علي حسب حاله العربيه محدش يقدر يحكم عليها غير لما نشوفها

كلام زي الفل 504 ثم 131