الفرق بين تكييف السيارات القديمة والحديثة والمنزل

المشاركة الأصلية كتبت بواسطة borio1704 إخواني الأعزاء، بصراحة اترددت قبل ما اكتب الموضوع ده لإني شفت مجهود رائع معمول من الزملاء قبلي في شرح دورة التكييف، بس اللي خلاني آخد قراري هو الشكاوي اللي بشوفها من إن التكييفات مش بتشتغل كويس بعد ما تتصلح في الورش بشكل عام، وكمان موضوع قوة التكييف اللي بتختلف مع سرعة السيارة أو الضغط على دواسة الوقود وبصراحة أنا معلوماتي في الموضوع ده ناقصة حته، وعايز حد يفيدني فيها... المهم... خلينا نبدأ الفكرة الأساسية للتكييف والتبريد في كل أنحاء الدنيا واحدة، والأجزاء "الأساسية" اللي بيتكون منها التكييف والتبريد على اختلاف أنظمتها برضه واحدة، وهي باختصار: الضاغط (الكومبريسور)، المكثف (الكوندينسر)، الفلتر ، صمام التمدد (اكبانشن فالف)، وأخيرا المبخر (الإيفابوراتور) والكلام ده متعاد ومش حطوّل فيه. بس فيه اختلاف جوهري واحد ما بين أي تكييف منزلي ومعظم تكييفات السيارات... إيه هو؟؟؟؟؟ الموتور إزاي يعني؟؟؟؟ في أي تكييف منزلي (والثلاجات برضو)، الكومبريسور بيشتغل بالكهرباء... يعني موتور كهربا سرعته ثابتة، والدايرة متظبطة عليه ومافيش مشاكل في العربيات... الي بيشغل الكومبريسور هو موتور العربية.... ومشكلة موتور العربية إن سرعته متغيرة، يعني بتزيد وبتقل على حسب ما احنا عايزين، والمدى اللي بتتغير فيه السرعة كبير قوي، من أول 1000 لفة في الدقيقة لحد 6000 أو 7000 لفة في الدقيقة طب إيه المشكلة من تغير السرعة بتاعة الموتور؟؟؟؟ اللي بيحصل إن الكومبريسور هيضغط فريون بضغط عالي قوي وتبدأ سرعة السريان في الدايرة تعلى، بس احنا عندنا مكان في الدايرة بيخنق الحركة ، وهو صمام التمدد، لإن فكرة عمله بتعتمد على إن الفريون السائل يتحوش وراه ومع ارتفاع الضغط يبدأ يعديه من فتحة صغيرة جدا إلى مكان ضغطه واطي جدا تخليه يتبخر، ومع التبخر ده بيياخد الحرارة من الوسط المحيط ، وكده بيحصل التبريد ركز معايا... لو فرضنا إنك واقف بعربيتك على السلانسيه (1000 RPM) الضغط ما بيبقاش كفاية عشان يعدي من صمام التمدد، والتبريد يبقى ضعيف ولو انت ماشي على الطريق السريع (3000 RPM مثلا) الضغط بيبقى عالي قوي، وممكن التبريد يبقى أكتر من اللازم لدرجة إنه يعمل تلج طب الكومبريسور يشتغل على أنهي سرعة؟؟؟؟ يظبط نفسه إزاي؟؟؟؟؟ في العربيات القديمة كان فيه صمام زيادة في مكيفات السيارات، تقدر تقول عليه "منظم"، مهمته إنه يحافظ على الضغط اللي عند صمام التمدد دايما ثابت، بحيث إنك ماشي بسرعة أو واقف بالعربية .. التكييف كفاءته واحدة أنا حاولت أجيب معلومات عنه من النت، بس للأسف المعلومات قليلة شوية، وانا ليه معاه تجربة شخصية في عربيتي (أو اللي كانت عربيتي)، لإنه من ساعة ما باظ تكييف العربية مارجعش زي الأول أبدا، طبعا بتاع التكييف ما كانش عارف إيه ده أصلا وبمنتهى السهولة شاله من الدايرة وركبلي ثرموستات بسلامته واعتبر إنه كده صلح التكييف على فكرة الصمام ده ممكن نلاقيه في عربيات موديلات الثمانينات ويمكن أوائل التسعينات الصمام ده إسمه "صمام الشفط مع التسارع" (Suction Throttling Valve)، وفكرة عمله بتعتمد على إن لما الكومبريسور سرعته بتزيد (مع زيادة سرعة الموتور) بيعمل قوة شفط كبيرة على المنطقة اللي قبل منه (اللي هي المبخر)، وهنا الصمام بيتحط في النص ويجيله فرع من الدايرة من عند الإكبانشن مباشرة، فلما يحصل شفط زيادة الكومبريسور ياخد من الدايرة ويخلي الضغط جوه المبخر ثابت شوفوا الصور كده ملف مرفق 12157 ملف مرفق 12158 ملف مرفق 12159 الميزة في المنظم ده إنه ممكن يتظبط بحيث تزود أو تنقص كفاءة التبريد، بس عيبه إنه بيشتغل عن طريق "ديافرام" جلد أو كاوتش، ولما الديافرام ده بيتخرم بيبقى المنظم ما لوش لازمة، ويسرب الفريون كله طيب.... لحد هنا ومعلوماتي خلصت ليه سؤال وياريت حد يجاوبني عليه لإني مالقيتلوش إجابة في النت برضو ليه المنظم ده مش موجود في السيارات الجديدة؟؟؟؟ وإيه اللي اتعمل عشان يحل مشكلة تغير سرعة الموتور؟؟؟؟؟؟؟؟ ملف مرفق 12160 ؟؟؟؟؟؟ ...

: 018A1D~146::0 18A1D~146::01 8A1D~146::018 A1D~146::018A 1D~146::018A1 D~146: