ايمجراند .....خدعه جديده من غبور

[Sky_Rider]

ياااااااااااااااااااااااا ااااه .... ايه يا جماعة كمية الكراهية ديه لغبور و امجرند !!!؟؟؟؟

مين فيكو شافها وعاينها في المعرض اصلا !!! فوارق ايه وابواب ايه و بوية ايه !!! هو انا رحت اتفرجت على عربية تانية وانا مش واخد بالي !!! وبعدين هي الدلايات بقت بتعيب العربية !!!!!

وبعدين هقول تاني ... سيبو اللي يغامر يتحمل نتيجة اختيارة .. والله لو حلوة يبقى رزقه .. ولو وحشة يتحمل .... بس انا عاينت كل السيارات الصيني وغير الصيني في حدود قدرتي الشرائية .. الاسبرانزا بكل انواعها منزوعة الكماليات ( فين الايرباج؟؟ ) وبلاستيك فعلا من جوة ,,, و الجاك J5 ممتازة جدا بس وكيلها مش تمام .. ال BYD جميلة بس معجبتنيش قوي .. و البريليانس بيتنططو قوي و برضو عاملها اربع اسعار حسب الكماليات و مغالاة غير عادية في الاسعار ( بالمناسبة كل التوكيلات على مستوى العالم بتعمل كدة لان كل عميل له احتياجاته و امكانياته المادية) ...

و بعدين غبور لو فعلا بالسوء ده مكانش استحوذ على ثلث مبيعات السيارات في مصر ... اكيد في بعض المشاكل ما بينه و بين بعض العملاء .. بس مكانش هينجح لو هو وحش قوي كدة وعرباته كلها وحشة زيه !!!! كله قاعد بينتقد و مجبش عيب واحد في العربية ...

[hyundai 2005]

المشاركة الأصلية كتبت بواسطة Sky_Rider ياااااااااااااااااااااااا ااااه .... ايه يا جماعة كمية الكراهية ديه لغبور و امجرند !!!؟؟؟؟

المشاركة الأصلية كتبت بواسطة Sky_Rider مين فيكو شافها وعاينها في المعرض اصلا !!! فوارق ايه وابواب ايه و بوية ايه !!! هو انا رحت اتفرجت على عربية تانية وانا مش واخد بالي !!! وبعدين هي الدلايات بقت بتعيب العربية !!!!! وبعدين هقول تاني ... سيبو اللي يغامر يتحمل نتيجة اختيارة .. والله لو حلوة يبقى رزقه .. ولو وحشة يتحمل .... بس انا عاينت كل السيارات الصيني وغير الصيني في حدود قدرتي الشرائية .. الاسبرانزا بكل انواعها منزوعة الكماليات ( فين الايرباج؟؟ ) وبلاستيك فعلا من جوة ,,, و الجاك J5 ممتازة جدا بس وكيلها مش تمام .. ال BYD جميلة بس معجبتنيش قوي .. و البريليانس بيتنططو قوي و برضو عاملها اربع اسعار حسب الكماليات و مغالاة غير عادية في الاسعار ( بالمناسبة كل التوكيلات على مستوى العالم بتعمل كدة لان كل عميل له احتياجاته و امكانياته المادية) ... و بعدين غبور لو فعلا بالسوء ده مكانش استحوذ على ثلث مبيعات السيارات في مصر ... اكيد في بعض المشاكل ما بينه و بين بعض العملاء .. بس مكانش هينجح لو هو وحش قوي كدة وعرباته كلها وحشة زيه !!!! كله قاعد بينتقد و مجبش عيب واحد في العربية ...

يا حبيبي سيبك منهم .
انا ما قولت انا حجزت عربيه اسمها انجلون الناس كلها هاجمتني وعابو عليا وقالك عربيه مش معروفه و و والخ
المهم العربيه طلعت والله احسن من كتير ياباني واكتر كوري فكل حاجه وسيبك من اللي يقول عكس كده جرب ومش حتندم يعني في السعوديه والعراق وسوريا بيشكروا فيها واحنا اللي ولاد ......................... .
حتطلع عربياتنا وحشه علي اساس ان اللي بيتكلم معاه مرسيدسs500 ولا bmw الفئه السابعه
حسبي الله ونعم الوكيل بص يا حبي اول ماتستلم العربيه امانه عليك نعمل مقابله وكل اللي بيقاوح ويهجص يجي ويشوف ويجرب العربيه كمان ونقيم ونشوف مين الظالم ومين المظلوم ؟؟؟؟؟؟؟؟؟
وانا اول واحد بسجل حضوري فاي وقت واي مكان

[dory52]

بسم الله الرحمن الرحيم

اولا : انا كان بقالى تقريبا كدا 8 شهور بدور على عربية ..وفكرت فى حوالى 9 عربيات ووصلت لحد 140 الف جنيه وشوفت وجربت وسوقت " ريو , صنى , اوبترا , النترا الجديدة , RB , بوما , شارك " كله جديد موديل 2012 ..والحمد له أ\عى انى عندى خبرة فى السيارات

انا لقيت ان العربيات السابق ذكرها كل واحده فيها ميزات وعيوب بداية من خارجها او داخلها او التقفيل او الموتور او العزم او المساحات الداخليه او الاوبشنز او عوامل الامان واقدر اقول لحضرتك انى فى الاخر حجزت الايمجراند 7 معا انها منزلتش الارض فى مصر على فكره انا كان معايا جولف 2 و4 فاعرف يعنى ايه ثبات وموتور ..

ثانيا : اكيد كان اختيارى كان للعربيات دى كلها علشان حاجات معينة وقعدت فى كل عربية شهر كامل افحص وامحص فيها واعرف فيهم اللى اصحابها ميعوفوهاش لقيت نفسى بدفه 125 الف فى ريو علشان شوية اوبشنز والعربيه مخنوقه ..او 140 فى شارك وااسعار قطع غيارها عجيبة بس فى المقارنة بينهم عاديه او افتقار شكل الصنى خارجيا وداخليا ب 102 او مطبات الهوا فى الانترا او عفشه الار بى وعدم ثبتها تماما ناهيك عن افتقار كل الكورى فى عوامل الامان " لا قدر الله " الا فى فى الهاي لاين ( وجهة نظرى الشخصية )

اللى عاوز اقوله انى لقيت انى بدفع دا كله فى عربية انا كل اللى هاخده منها اوبشنز سواء او عزم سواء او ثبات أو أو أو أو أو ......بصراحة شوفت البريليانس وعجبتى جدا ودورت فى كل حته وحجزتها AT GLS FSV لكن تراجعت لما روحت واتفرجت وقعدت فى جيلى 4 ساعات متواصل ادور فى كل حاجة فيها واجرب كل حاجه ..ولسه باقى التجربة لما تمشى على الارض هنا بقه هيبان العفشة والموتور وانا اتحمل كامل العواقب لانى مستمع جدا بشكلها عن عربيات كتيييير او سواء داخليا او خارجيا والاوبشنز ووسعها وكفاية انها واخدة 4 نجوم " عارف انه مش مقياس ولا اللى هنا بنفس مواصفات بتاعتنا هنا " بس احترم الاختبار وعلى راسى من فوق ..

اللى عاوز انصح بيه الاستاذ الفاضل osa92003 انه ميهاجمش غير لما يشوف وانا معاك انه الدعاية جامده بحكم السعر بس هيا فعلا شكلا رائعة وفيها كل حاجه لكن مضمونا فاحنا عندنا فى السعودية ودول الخليج الناس بتشكر فيها ...

ياريت تسيبوا الناس اللى اختارت تتحمل مسؤلية اختيارها لان حضرتك انا امبارح كنت رقم 89 فى ظرف 3 اسابيع فى فرع المهندسين لسه اللى حاجز عن استاذ احمد دعباس او فى فرع اليكس ...يعنى بتتكلم فى 300 عربية اتحجزت بس فى ظرف 3 اسابيع اعتقد وانا اسف جدا ان الناس دى كلها عقلها مش على قدها ولا ناس معاها فلوس وبترميها او ناس شاريها رفاهية اكيد كل دول ناس دوروا زى او اكتر منى كمان والعربية ريحتهم نفسيا بعد الاستخارة وشافوا فيها بصيص امل عن العربيات اللى فى السوق ...


انا اسف للاطالة بس حبيت ارد لان كدا غريبة اوى الهجوم عليها من ناس برده راكبه صينى مش لامبورجينى " اللى انا بحترمها جدا " وافتكروا ال اكسيل فى التمانينات لما غبور بدأ ييبقى وكيلها وقولنا كلنا كورى وشوفوا دلوقتى الكورى بقى عامل ازاى فى الشارع " " بلاش نعض فى بعض " دى كلها اربع عجلات بتمشى على الارض وربك اللى بيسترها ... وشكرا

[hyundai 2005]

المشاركة الأصلية كتبت بواسطة dory52 بسم الله الرحمن الرحيم " بلاش نعض فى بعض " دى كلها اربع عجلات بتمشى على الارض وربك اللى بيسترها ... وشكرا

احلي كلمه في المشاركه كلها بجد انت فنان ومحترم

[mms]

المشاركة الأصلية كتبت بواسطة MmFFoR انت اللي مقريتش تعليقي كويس اولا انت حطيت الرابط علشان نقرا تعليقات الناس و مديحهم في السيارة و اللا مواصفاتها؟؟؟؟ تعليقات الناس مش كده فانا قرأت التعليقات و كان اغلبها من السعودية و العراق و اغلبهم ذكروا الموتور ال 1800 عرفت منين سيادتك انا قلت 1800؟؟؟ بتوع سوريا كلهم قالوا انها حرام فيها الفلوس لانهم غلابة زي حالاتنا بيخافوا على القرش حتى واحد منهم قالك ما اجيب سكودا بالسعر دا احسنلي!! النقطة التانية انا برضة تطرقت للمواصفات اللي سعادتك ذكرتها و لكن الفئة ال 1500 كان مكتوب انها 10 ايرباج اللي بتنزل مصر 10 ايرباج؟ ارجو سعة صدرك و الرد

شوف حضرتك انا هرد عليك :
اولا - بخصوص ال 10 ايرباج او غيره هسال حضرتك هى الباسات والا الكامرى والا البى ام بتاعه اوربا هى هى اللى بتنزل مصر ؟ ..... لا طبعا ... دا ياراجل بلاش نبقى زى اوربا نبقى ولو زى اشقاءنا الخليجيين ...دا اصبح عندنا كلمه مواصفات خليجى الدنيا وما فيها . وده فى كل السيارات . يبقى ما يصحش ابد نعيب عالامجراند بهذا العيب .
ثانيا - السياره دخلت اوربا فى عقر دار الماركات الاشهر عالميا لتنافس فى المجال اللى اتعيب بيه على السيارات الصينيه بشكل اساسى وهو مجال الامان . وكانت النتيجه انها اكتسحت وتفوقت على الجراند شيروكى اللى بشيئ وشويات . فكان من الطبيعى ان الدنيا تقوم وما تقعدش وان الاعجاب بيها يكون على هذا المستوى واكتر .
ثالثا - ان الانبهار بالسياره دى مهواش طيش من الناس العاديه . بل ان المنافسين مرعوبين . وخلى بالك ان ابو الفتوح خفض تمن الام 11 ل 72000 جنيه باعتباره اكبر المنافسين من حيث المبيعات . ووكيل جاك خفض البى كلاس الى 78000 جنيه باعتباره اقرب المنافسين من حيث الفئه وجوده السياره . وغيره وغيره . حضرتك مش فى الصوره......... خالص العربيه قالبه الدنيا .
رابعا - وبعدين ايه عيوب التقفيل !! والدليات !! السياره بشهاده الاخوه اللى عاينوها وهم محل ثقه اكثرمن رائعه من ناحيه الفنيش .
خامسا - الوكيل غبور . آى نعم جشع . لكنه قوى وبيلعب تجاره صح ...بمعنى دقيق ارجو ان حضرتك تفهمه وهو انه جشع عشان يكسب مش جشع عشان يخسر زى وكيل جاك مثلا . بمعنى انه بيكسب للحد اللى لا يؤثر على انتشار السياره بالسلب .
سادسا - وده كلام اتحاسب عليه ان الامجراند هتكسر الدنيا وهتقلب سوق السيارات فى مصر . تحياتى .