قنبلةالدفع الرباعى رينو الجديدة داستر

[ابو هيما]

شكراً أستاذ بدر وكالعادة من يوم ما عرفت حضرتك وانت متميز فى كل موضوعاتك , وأنا على فكرة العربية دى عجبانى أوى وقرأت عنها كتير جداً هى والفلونس ألأ أن هذه السيارة تكسب بمراحل عن الفلوينس وهى رقم واحد فى أوربا وأجمل ما فيها أيضاً علوها عن الأرض الأمر الذى يناسب شوارعنا الجميلة وأن شاء الله ناوى أجيب واحدة زيها .

[firstknight_eg]

المشاركة الأصلية كتبت بواسطة stonecoldmido5 الي نظام التعليق الممتاز الخاص بنيسان اكس تريل مع التصفيح الحديدي الكامل من اسفل السيارة وده يطمن حضرتك بالنسبة للمطبات و الطرق غير الممهدة . لن يتوافر منها اوتوماتيك 1600 ( دفع رباعي ) ولو نزلت هتنزل 2000 سي سي

ليا تعليقان علي كلام حضرتك ، الاول ان التعليق هو هو الاكس تريل في الدفع الرباعي فقط، اما في الجر الثنائي فا التعليق مختلف

العربية نزلت فعلا اتوماتيك علي ال 2000 سي سي، وطبعا مع الجمارك 135% وضريبة المبيعات 30% السعر هيبقي خزعبلي، ولو افترضنا ان السعر واحد للمانيول ال 1600 والاتوماتيك ال 2000 (وده طبعا مستحيل) فسعر العربية المفروض يوصل حوالي 270 الف، يعني اكتر من الاكس تريل، والفيتارا، والاسبورتاج، وكده أكيد أكيد مش هيبقي ليها سوق، ولو نزلت اقل من السعر ده يبقي احنا منصوب علينا في ال 1600

[ابو هيما]

المشاركة الأصلية كتبت بواسطة firstknight_eg ليا تعليقان علي كلام حضرتك ، الاول ان التعليق هو هو الاكس تريل في الدفع الرباعي فقط، اما في الجر الثنائي فا التعليق مختلف العربية نزلت فعلا اتوماتيك علي ال 2000 سي سي، وطبعا مع الجمارك 135% وضريبة المبيعات 30% السعر هيبقي خزعبلي، ولو افترضنا ان السعر واحد للمانيول ال 1600 والاتوماتيك ال 2000 (وده طبعا مستحيل) فسعر العربية المفروض يوصل حوالي 270 الف، يعني اكتر من الاكس تريل، والفيتارا، والاسبورتاج، وكده أكيد أكيد مش هيبقي ليها سوق، ولو نزلت اقل من السعر ده يبقي احنا منصوب علينا في ال 1600

يبقى الواحد يلحق يخطف واحدة من دلوقتى وتكون دفع رباعى لأنى كمان سمعت معلومة ومش متأكد من صحتها يقدر يفدنا فيها خبراء الرينو , أن ذراع المالتى فانكشن سيتم ألغائه فى الموديلأت القادمة يمكن عشان التوفير , والله أعلى وأعلم

[firstknight_eg]

المشاركة الأصلية كتبت بواسطة ابو هيما يبقى الواحد يلحق يخطف واحدة من دلوقتى وتكون دفع رباعى لأنى كمان سمعت معلومة ومش متأكد من صحتها يقدر يفدنا فيها خبراء الرينو , أن ذراع المالتى فانكشن سيتم ألغائه فى الموديلأت القادمة يمكن عشان التوفير , والله أعلى وأعلم

مع ان العربية ديه عاملة مبيعات خرافية بره مصر بس التوكيل مش مهتم بيها، ومبيعاتها مش اد كده

[ابو هيما]

المشاركة الأصلية كتبت بواسطة firstknight_eg مع ان العربية ديه عاملة مبيعات خرافية بره مصر بس التوكيل مش مهتم بيها، ومبيعاتها مش اد كده

هى على فكرة مش عاملة مبيعات كتير لسبب واحد وبسيط جداً وهو ان العربية دى بتنزل مانيوال بس ومعظم الناس بتفضل الأتوماتيك لسهولة السواقة بالنسبة لكثير من المبتدائين ولسبب اّخر وهو الزحمة فى المدن والوقفات الكتير اللى بتتعب الرجل من الدوس على الدبرياج أما فى بلأد بره فهما بيجبوها عشان رقم واحد مفيش عندهم نفس الزحمة اللى عندنا فمش هاتفرق مانيوال ولأ أتوماتيك , ورقم أتنين وده المهم عشان معظم شوارعهم مليانة بالطين والتلج وعلو العربية المصممة بى بيسمح بتجاوز تلك العوائق .
ولكن أعتقد ان العربية دى لو نزلت أتوماتيك فهاتعمل مبيعات أكتر بس ده ممكن بس لل 2*4 أما الأخرى وهى ال 4*4 فالكلأم ده مش هاينفع خالص ولأزم الموتور يكون 2000 سى سى وبكده زى ما حضرتك قلت سعرها هيولع وساعتها ماحدش هايجبها لأن سعرها هيكون قرب من ثمن البى أم دبليو فبالتالى الناس ساعتها هاتفضل الألمانى وتسب الفرنساوى وبكده الشركة هاتتعور لو دخلت فى المنافسة دى