#41
|
|
رد: يا عالم يا هوووه ثبات العربيه عرفوووووه
أتفق معك تماما من ناحية نقاط تعريف الثبات، وبالمناسبة لي موضوع يشرح معظم هذه النقاط وهو في الرابط التالي: http://masrmotors.com/vb/showthread.php?t=55877 ولي وجهة نظر في الموضوع بشكل عام من ناحية الحكم على سيارات بعينها إنها ثابتة أو لأ يعتمد من وجهة نظري على عامل أساسي وهو: السرعة القصوى المسموح بها في بلد المنشأ http://en.wikipedia.org/wiki/Speed_limits_by_country ده بالإضافة إلى نوعية الطرق وطريقة تصميمها وطبيعة الأراضي الموجودة فيها وبالتالي الاحتياج للثبات متوقف على الاحتياج الفعلي للمستهلك... ومبدأ "ليه تدفع أكتر مادام ممكن تدفع أقل" مبدأ هام جدا في الصناعة بوجه عام كل ده برضو في بلد المنشأ لو قارنا بين ألمانيا وبقية دول العالم... حنلاقي إنها الدولة شبه الوحيدة اللي ما عندهاش حد أقصى للسرعة على الطرق السريعة، ومع ذلك.. الحكومة عملت اتفاق جنتلمين مع مصنعين السيارات في ألمانيا عشان السرعة القصوى ما تزيدش عن 250 تفتكر في بلد زي دي.. العربيات ممكن تتباع لو ما كانتش ثابتة على السرعات العالية دي؟ في فرنسا الوضع مختلف شوية... السرعة القصوى على الطرق السريعة 130 بس الشوارع داخل المدن معظمها قديم ومرصوف بالطريقة القديمة (حجر البازلت)، وده بيخلي السيطرة على العربية صعبة بالذات في السرعات المتوسطة، ده غير إن فرنسا فيها طرق جبلية بالذات في الجنوب، ودي محتاجة ثبات عالي في الملفات اليابان السرعة القصوى فيها ما بتزيدش عن 130 وهناك فيه نظام صارم للتقيد بالسرعة.... ده بالإضافة للالتزام الذاتي اللي معروف عن الشعب الياباني. على فكرة... القوانين والاتفاقات في اليابان لحد 20 سنة فاتت كانت بتحط حد أقصى لقوة المواتير (280 حصان) وعرض العربية (170سم عشان الشوارع ضيقة) وسرعة العربية (180 كم/س) لو عايز عربية يابانية ثابتة وأداءها رياضي زي الألماني ممكن نروح لـ"لكزس" و"إنفينيتي" على أساس إنهم موجهين أساسا لمنافسة السيارات الألمانية كوريا بقى... أقصى سرعة هناك هي 120... والطرق متراقبة بالكاميرات... عايز عربية ثابتة فوق الـ120 لييييييييييييييه؟؟؟ وفي الآخر.. لازم نعرف العلاقة بين الهدف اللي الصانع عمل العربية عشانه وبين الشريحة اللي حتركبها... لإن واضح إن السوق المصري لسه ما فهمش العلاقة دي ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#42
|
|||
|
|||
رد: يا عالم يا هوووه ثبات العربيه عرفوووووه
:w6w2 005041122053268:w6w200504 1122053268:w6w20050411220 53268
|
|
|