22-03-2011, 04:53 PM
|
 |
من انا؟: واحد من الناس
التخصص العملى: نائب مدير بأحدى المصانع
هواياتي: السيارات والكمبيوتر
|
|
تاريخ التسجيل: Sep 2010
الموقع: القاهرة
المشاركات: 2,295
|
|
رد: تحذير خطييييييييييييير جدا جدا
المشاركة الأصلية كتبت بواسطة ehahmed
السلام عليكم ورحمة الله
طبعا الموضوع لا يتخطى كونه حرب منافسين لا اكثر ولا اقل. والمفروض ان ده واضح لكل صاحب عقل.
الاستاذ صاحب الموضوع بدأ كلامه عن كل الشركات اللى بتصنع اللانشون وخلافه. وخصص كل كلامه بعد كده على شركة واحدة فقط وهى شركة حلوانى. إذا فالمقصود هو محاولة ضرب سمعة شركة حلوانى لا اكثر ولا اقل.
وكمان الاستاذ بيقول انه قابل الراجل المورد ده فى المدافن ، يعنى هو بيروح يسرق الحيوانات دى من المدافن؟ ولا بيشتريها من اصحابها بـ 3000 او 5000 جنيه؟
وهل من المفروض اننا نصدق ان اللى بيعمل مثل هذا العمل الإجرامي اللى يدخله السجن من اوسع ابوابه ، ماشى يحكى لكل الناس عن جرائمه؟ الاول حكى لصاحبك وصاحبك كان فاكره بيهزر وبعدها حكى لحضرتك لمجرد انه ركب معاك عربية. يااااه ده مجرم غبي قوى ، بيفضح نفسه ، ويثبت التهم الجنائية على نفسه ، وكمان بيقفل باب اكل عيشه -الحرام- بكل هذه السذاجه؟ والمفروض اننا نصدق الكلام ده؟
ولما حضرتك انت والسواق حريصين على مصلحة الناس كده ، ليه ما تطلعتش به على القسم؟
اتقوا الله فيما تقولون وفيما تنقلون.
وللأخوة اللى صدقوا هذا الكلام اذكرهم بحديث الرسول صلى الله عليه وسلم
بالله التوفيق ،،،
|
حضرتك كده بتظلمنى وبتشك فضميرى وامانتى وانا مقبلش الكلام ده وهوضحلك وارد على كلامك كله :
اولا ابدأ كلامى يا ehahmed بتوضيح شىء غامض ليك ومتعرفوش ان انا شغال فى مصنع بلاط ورخام وشغال فى الأداره يعنى مليش دعوه بشركات اللحوم والمصانع دى من قريب او من بعيد
ثانيا تخصيصى للكلام عن شركه حلوانى ده لأن الراجل اللى ركب معايا ده منها فمش معقول ابدا انى اتكلم على شركه تانيه وتعميمى فى الأول نابع عن كل الشركات بما ان حلوانى كبر شركه بتعمل كده يبقى اكيد باقى الشركات الرخيصه واللى تحت بير السلم بتعمل كده ولا ايه ؟؟؟
ثالثا وهل تتخيل ان اصحاب الخيول والحصنه بيعيشوا فى المعادى ولا جاردن ستى لأ انزل واسأل هتعرف العربجيه وسائقى الكارو عايشين فين هتلاقى البساتين ودارالسلام والمدافن اللى على الطرق دى يا صاحب العقل
رابعا مروحتش القسم او النيابه لأن بأختصار شديد ملقتش دليل مادى استند عليه فى كلامى ولا شىء اقدر اثبت بيه تورط الراجل ده
خامسا والأهم يا استاذى العزيز ehahmed انا بتقى الله واعرف ان الله سيحاسبنى على كل حرف كتبته وقولته ومش محتاج ان عضو جديد زى حضرتك ينبهنى او ينصحنى ويتهمنى بالكذب لأن ده عمرى ماهقبله منك والدليل على كلامى انى مانشرتش الموضوع ده فى اى حته اقسم بالله غير المنتدى هنا وتقدر تعمل سيرش بسهوله من جوجل وتعرف
وحاول قبل ماترمى الناس بالباطل وتتهمهم بالكدب تتأكد من كلامهم ويكون كلامك بطريقه مهذبه اكتر من كده يامحترم
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
